¹ Endagano ntanzi nayo yali gwerhi eyayo miganyo, eyayo migenzo, y'okushenga, na kayo ka-Namuzinda ka mwo lin'igulu. ² Bulya ecihando cayubakagwa burhanzi câlimwa akamole, n'ameza, n'emigati, y'enterekero: Aho, ho hatagatifu. ³ n'Enyumpa ly'olusîka obwakabiri hâlimwo ecihando caderhagwa Hatagatifu h'Ebitagatifu. ⁴ Hâli olûsho lw'omugavu luyubasirwe n'amasholo, n'omucimba gwendagano gufulisirwe n'amasholo enyunda zoshi. Namuli ogwo mucimba mwâli ikovu, lyamasholo linjwire Mânâ, n'akarhi k'Aroni, kameragakw'obwaso, n'amabuye g'Endagano. ⁵ N'oku nyanya kwâgwo kwâli Bakerubi b'irenge bakag'ijirira entebe y'obwonjo, empehema. ci arhali Bruno lya rwankazabanula ebyo byoshi. ⁶ Erhi b'iba byanayubakwa ntyo, abadahwa bag'ija omucihando, cirhanzi ngasi Mango mpu bajimwo emikolo yabo y'okusengera. ⁷ Ci omu cihando ca kabiri murhajibagwa elirhali liguma lyône omu mwaka, kandi n'omudahwa mukulu yêne wamujaga; Arhanali arhana dwirhi entûlo y'omuko, gw'okulyula ebyaha byege n'eby'olubaga. ⁸ Mûka mutagatifu amanyisa ntyo okubajira ta k-Namuzinda erhangayiguka n'Ecihando cirhanzi cicikacisire. ⁹ Olwo luli lwagano Mango ga buno,lurhamanyusa oku entûlo y'enterekero zirhatwikanuka buhashe bw'okuhindula owa harâmya mwimâna omu murhima gwage. ¹⁰ Bulya galimarhegeko gayerekire eby'omubire, nk'ebiryo,n'ebinywebwa, n'okucikalaba, kwa ngasi lubero. Ebyo byoshi biri birhegeke kuhika amango g'omuhindo muhyahya. ¹¹ Kristu erhi ayisha, ahinduka mudahwa mukulu, w'aminja ganayishe, agera omu cihando cilushire cirya cindi obunene n'obwimâna, cirhajiragwa n'anfune sa muntu, kwo kuderha oku cirhali ca mw'ebi byalemirwe en'igulu. ¹² Qu'à bwa lwoshi oku caligumiza omu ka-namuzinda. Arhanajaga mw'omuko gwebihebe erhi gw'ebimasha. Ci n'omuko gwage yêne erhi amayusi rhushoboza n'obucunguke bw'ensiku n'amango. ¹³ Akaba omukolo w'ebihebe n'ebimasha, n'oluvu lw'endaku, bakag'ishahiriza oku bazinzire, byakag'ibayobola, binabahe obucêse bw'omubiri, ¹⁴ Kang kulusha, omukolo gwa Kristu wacihânaga yêne nterekero erhalikwo izabyo emwa namuzinda, oki buzibu bwa Mûka b'ensiku n'amango gurhucêsa omurhima gwirhu, guzazemwo ebijiro by'olufu, lyo rhubona oku rhwakolera Namuzinda ozine? ¹⁵ Eco cocirhumere âbâ mulagizi w'endagano mpyahya, anafîre mpu ly'azaza ebyaha byakolagwa amango g'endagano ntanzi, lyo abarhôle bayima omu bwmi bw'ensiku n'amango balaganyibagwa. ¹⁶ Bulya abali endagano y'omwimo, kukwanine habeecahamiriza oku owayilaganyagya afîre. ¹⁷ Neci, endagano y'omwimo, ebona obuzibu, nkowayijiraga amafa; namango goshi aciri ho, ntabuzibu bwoshi. ¹⁸ Bulya endagano ntanzi nayo erhajiragwa buzira oku bulaga omuko. ¹⁹ Bulya erhi Musa ayish'ibwiriza omubaganda-kazi lwoshi amarhegeko n'oku ngasi liguma lina desire, ayanka omuko gw'ebimasha n'ebihebe, haguma n'amashi n'oboya bw'omuduku n'rhubabi rhw'engûlo, ashahiriza oku cigabi conênê n'oku lubaga lwoshi, erhi: ²⁰ Ogu gwo muko gw'endagano Namuzinda alaganana ninyu, . ²¹ Kandi kwo na kwo ashahiriza omuko oku Cihando n'oku binyu byoshi by'okushenga. ²² Kali ciru Amarhegeko garhegesire hofi ngasi kantu, kashukûlwe n'omuko, nabuzira mkubulaga omuko ntakwo kubabalirwa. ²³ Akaba olwiganyo lw'ebintu byempu bicêsibwa ntyo, kuziga kukwanine ebyo binyu by'empingu byonene bicêsibwe n'enterekero zilushire. ²⁴ Neci, arhali omu ka-Namuzinda kayubakagwa n'amaboko, nshusho ta ka-namuzinda, k'okunali, arhali mwo Kristu ajire, ci asheshera omumpingu yonanênê mpu akabonekane omu busu bwa namuzinda erhi rhwe rhurhumire. ²⁵ Arhanali kandi mpu lyo acihâna interekero kanji kanji, nka kulya omudahwa mukulu akagija ngasi mwaka omu ka-Namuzinda n'omuko kurhali gwage. ²⁶ bicibâga ntyo, Anka babazibwe Kanji, kurhenga okulemwa kw'igulu. Ci mwo zino nsiku nzinda lyo acirekine liguma kwa lwoshi mpu, arherekereze ecaha n'enterekero yage yêne. ²⁷ Nabulya abantu liguma lyône bafa, n'Enyumpa lyaho, batwirwe olubanja. ²⁸ Ntyo Kristunaye acihânyire liguma lyone nterekero mpu, azaze ebyaha byabene bantu banji; anaciboneke, lindi liguma buzira caha, mpu alerhere abamuyemire obuzine.