¹ Mw'ebyo rhudesire, ecinwa cikulu cirigi c'eci. Rhugwerhe omudahwa mukulu otamire ebwa kulyo kw'entebe y'Obukulu bwa Namuzinda omu mpingu. ² Ye murhumisi w'aka-Namuzinda n'ow'Eciraro c'okuli cayubakagwa na Nyakasane, ci arhali n'omuntu ³ Bulya ngasi mudahwa ayimikwa mpu akarhûla entûlo n'enterekero ;co cirhumire naye akwanine abe n'eci ankarhûla . ⁴ Yesu acibage w'en'igulu, arhankabire mudahwa, Bulya Bali abadahwa barhûla entûlo nkoku birhegesirwe. Ci ebi bajira bibalwiganyo n'a cizunguzungu c'eby'omu mpingu, n'a kulya Musa abwiragwa n'a Nnâmahanga, erhi alalira okuyubaka Eciralo. Abwirwa, erhi: Sinza, ojire byoshi oku lwiganyo wayeresirwe oku ntondo. ⁶ Ci oburhumisi Kristu ahîrwe bulushire Bulya bw'entondero Bulya kuba endagano aba mulagizi wayo eri nyinja kulusha, n'eciragane eyemire, ciri cinja kulusha. ⁷ Bulya endagano ntanzi, ecibaga erhlikw'ishembo, harhankabire igwarhiro ly'okulonza eya kabiri. ⁸ Karhi erhi abagaya lyadesi erhi: Ala, ensiku ziyiruka, kwo Nyakasani adesire , nankola alaganana entegano mpyahya n'Enyumpa ya Israheli n'Enyumpa ya Yuda. ⁹ Eyo ndagano, erhabe nkerya nalagananaga n'a bàshokuluza bâbo, Bulya nabagwarhiraga oku kuboko mpu mbakule omu cihugo c'Emisiri, kulya kubà barha seraga omu ndagano yani. ¹⁰ Alaganana endagano nalagananaga n'Enympa y'e Israheli enyuma ly'ezo nsiku, kwo Nyakasani adesire: Bajira amarhegeko gani omu nkero zabo, mmbayandikego omirhima, Nnabe Namuzinda wabo, nabo babe bantu bani. ¹¹ Ntaye wanaciyigirize omulungu wage, n'a Ntaye wana yigirize Mwene wabo, aderhe mpu: "Manga Nyakasani", Bulya , kurhenga omurho kuhika oku mukulu, boshi bamanya. ¹² Neci, naba babalira Amabi gabo goshi, n'ebyaha byabo, ntanacibikengera ciru bundi. ¹³ Omu kuderha " Endagano mpyahya", Entanzi ayijizire nkulukulu. Nakantu nka kashanja kabe kakulu kulu, erhi kalingi sherera.