¹ Oyo Melekisedeki, Mwami w'e Salemi, mudahwa wa Namuzinda w'Enyanya, aj'ibuganana n'Ibrahimu warhengaga emunda ahimiraga, abali, anamuha obwanga, ² Ibrahimuu amuha ecigabi ca kali ikumi c'ebintu byage byoshi. Aderhwa burhanzi mpu Mwami w'obushinganyanya, kandi mpu mwami w'e Salemu, kwo kuderha mwami w'omurhula. ³ arhajira ishe erhi nnina, n'o mulala gwage ntaye ogumanyire, ensiku zage, zirhajira murhondero nisi obuzine bwage burhamakiri. Melekisedeki yewa shushanyizwe na Mwene namuzinda, ayorha aba mudahwa ensiku n'amango. ⁴ Mulolage oku Ali mukulu oyo shakuluza wirhu Ibrahimu arhûlaga ecigabi, ca kali ikumi c'ebintu byage binjinja ashôkôlera abami! ⁵ Erhi kwo anali! Bulya, n'omu bene-Lawi Nabo, abahîrwe obudahwa, bajira irhegeko ly'okurhûlwa n'olubaga ecigabi ca kali ikumi, kwokuderha muli bene wabo, nobwo nabo bali nkomoka y'Ibrahimu akabo. ⁶ Ci oyo orhâli wa mulala gwabo. arhulwa n'Ibrahimu cigabi ca kali ikumi anamuha obwanga, nobwo yewaligwerhe endagano ya Nnâmahanga ⁷ Na ntabilahirwe aku omurho agishwa n'ômukulu. ⁸ Na kulusha okwo, abo bantu barhûlwa entûlo y'ecigabi ca kali ikumi ; kufa bafa, ci oyoyehe badesire ok u ali mugumaguma. ⁹ Ciru rhwanaderha nti Lawi yêne, orhûlwa ecigabi ca kali ikumi,nayi acicuiorhuzire emw'Ibrahimu akujira. ¹⁰ Bulya aciri nka mburho omu mubiri gwa shakuluza wage, erhi Melekisedeki aj'ibuganana naye. ¹¹ Akaba obudahwa bwa bene-Lawi bwâli bwimâna, Bulya Kuli bonjour, Namuzinda ahâga omubaganda-kazi amarhegeko, cocarhumaga owundi mudahwa oki nka melekisedeki, aciyisha canarhuma barhaderha mpu ali aka Haruni? ¹² Bulya obudahwa bwahindusire, okukwanine, n'amarhegeko nago bahinduki. ¹³ Bulya oyubarhire ebyo byoshi, Ali wabundi bûko yehe ahisire ahabarhegekera. ¹⁴ Na ntaye okuli okumurhondero Nnawirhu aliw'enkomoka ya Yuda, na ntaco cirekire obudahwa, Musa adesire Kuli Obwo bûko ¹⁵ Ciru okwo rhudesire, kulusha obwalagale, Bulya yayishire owundi mudahwa, oki Aka Melekisedeki. ¹⁶ Oyo arhajira mudahwa nkurhegesire ly'abantu bishimba iburha ly'omubiri, ci n'obuzigire bw'obuzine burhayurha. ¹⁷ Bulya ye kuderhîrwe, mpu: Oli madahwa ensiku n'amango Aka Melekisedeki ¹⁸ Ntyo kwo irhegeko lya burhanzi lyarhenzibwe Bulya lirha gwerhi nsimiko lirha nacigwerhi kamaro. ¹⁹ Nta kantu irhegeko lyajizire kimâna; ci lyâli nshokolezi y'obulangalire bulushire, oburhuha oki yemera Nnâmahanga ²⁰ N'ecilushire kandi, okwo, kurhaciragwa bura mwigasho. Abandi bahindusire badahwa buzira ndahiro. ²¹ Ci yehe owamuhaga obudahwa acigasha mpu: Nyakasani acigashire, arhakana galuka omu kanwa kage: Oli mudahwa ensiku n'amango. ²² Na ntyo Yezu ali Mwêza w'endaganoelushire. ²³ Kandi, abandi badahwa bâli banji, bulyala olufu lurhazigaga bayorhe ensiku zoshi. ²⁴ Ci yehe, bulya ababo ensiku n'amango, obudahwa bwage burhaka yurha. ²⁵ Co cinarhumire anahash'iciza lwoshi abanashegere Namuzinda oku burhabale bwage, Bulya aba azine ensiku n'amango lyo abalagira. ²⁶ Neci ntyo kwo byâli bikwanine rhube n'omudahwa mukulu, mwimâna, mweru-kweru, orhalikwo ishembo lyoshi lyoshi, orhalikwo gaûma na banya byaha, oli mucanyanya kurhaluka amalunga. ²⁷ Yehe nta bulagirire agwerhi, akabandi badahwa bakulu, bw'okurhûla enterekero ngasi lusiku, burhanzi oki byaha birhu yêne, n'olubaga byolubaga lwoshi, okwo akujira okucaligumiza, erhi acihâna yêne nterekero. ²⁸ Bulya irhegeko linayike abantu buzamba, mpu babe badahwa bakulu, ci akanwa k'omwigasho kayishaga enyuma l'irhegeko, kayimisire Mugala wa Nnâmahanga, kamujira mwimâna okunsiku n'amango