¹ Ntya,iregeko ciri cihoho ca minja gaish'isha, ci arhali yo nshusho kamerhe yebintu, nabirhankanaba, oku nterekero bankarerekera loshi ngasi mwaka, oku lerha abarhabazi oku bishinganine. ² oku bundi kwoku abantu bakajikumba Nyamuzinda bankabire, bama cesebwa ebyaha byabo, kwoku nali, ³ Cikwone mulizo ntulo muciri bukengere bwe byaha ngasi mwaka; ⁴ bulya birhi bizibu oku omuko gwecihebe erhi ngwempanzi okukule byaha. ⁵ Kwokwrhumire erhi Kristu qu'à en'igulu, aderhaerhi: Orhalonzagya nterekero n'a ntûlo; ci wanteganyize omuiri. ⁶ Orhasima mbagwa n'a nterekero oki byaha. ⁷ Obwo nanaciderha, nti: Nie ono, nyishire, bulya nie kuyandikirwe pmucizingo c'ebitabu ntindwirhwe obulonza bwawe Yagirwa namauzinda. ⁸ Ntyo kwa rhang'iderha, erhi: enterekero entûlo, engûsho, n'embagwa oki byaha, orhazilonzagya, orhanazisimaga, nobwo zirinterekero zirhegesirwe n'Amarhegeko. ⁹ Okuhandi ashubiderha, erhi: nie ono nyishire nti nuire obulonza bwawe. Ntyo arhenzize amarhekere marhanzi, ahira h'oburherekere bwa ka biri. ¹⁰ Bunali buhashe bw'obwo bulonza burhujira bimâna mpu lyo oburherekere bw'omubiri gwa Yezu Kristu gwarherekereagwa liguma kwa lwoshi. ¹¹ Ngasi mudahwa,ayimanga Ahaluhêro bwaca bujira, mpu ajire omukolo gwage, n'a ngasi Mango enterekero arhûla si nazirya, n'a nta buhashe ciru n'obuhashe zijira bw'okurhûla ebyaha. ¹² Yehe erhi aba amarherekera, bwanaba burherekere buguma lwacitwa oku byaha, agendi cidamalira oku nsiku n'amango ebwa kulyo kwanamuzinda. ¹³ akalinga kurhenga aho oku abalenzi bage bahirwa edako lya magulu gage babe citumbi cage. ¹⁴ Bulya, nna nterekero nguma yône, yabacêsagya, abahindu bimâna b'ensiku zoshi. ¹⁵ Ciru n'a Mûka Mutagatifu ahamirizize okwo, Bulya erhi aba amaderha,erhi: ¹⁶ Eyi yondagano nalagananaga rhwe nabo enyuma ly'ezo nsiku, Nyakasane ayushula erhi: Bajira amarhegeko gani omu murhima yabo, nabayandikago omu nkengero . ¹⁷ Nabyo ebyaha byabo n'obubi bwabo ntakacibikengera bundi. ¹⁸ Ci aha ebyaha byababalirwe harhaciri nterekero oku caha. ¹⁹ Ntyo, bene wirhu, rhugwerhe obuhashe bw'okunali nk'oku rhulonzize omu Hatagatifu h'Ebitagatifu, erhi muko gwa Yezu cirhuma. ²⁰ Rhwayambala, rhukagera omunjira arhutwiraga: njira mpyahya n'ey'obuzine, njira egezire omu lusîka, kwo mubiri gwage. ²¹ N'a kulya kuba rhugwerhe omudahwa mukulu orhegeka enyumpa ya namuzinda, ²² rhuyegerage n'omurhima gurhalimwo Bulya lya omu bwemere bwirhu bwimâna ; emirhima yirhu ecêsibwe ngasi bubi buyirimwo, n'emibiri yirhu eshukwe n'amishi gashongwire. ²³ Rhuseze bwenene bulangalire bwirhu, bulya owajiraga eco cirhagane ali mushinganyanya. ²⁴ Rhuciseze oku rhabalana rhwene na nene yorhuyushulirana obu shirhu n'obu zigire b'okujirha minja. ²⁵ Rhura lekaga bulya borhere b'okushimana haguma kw'oku abandi bakajira; cikwone rhushinganine rhukarhabalana, bulya mumanyire oku olusiku lwa Nnahamwirhu luyegerhire. ²⁶ Erhi rhurhakajira ebyaha, n'oluhinzo, n'obworhwarhangiri okumanya bwinja okuli, harhaciri nterekero oku byaha, ²⁷ n'a ntakundi kucisigire okurhali kulonza okutwirwa olubanja lukali n'okukakenga omu muliro, gwensiku n'amango n'abagoma ba namuzinda. ²⁸ Omuntu akavuna irhegeko lya Musa, anayirhwe buzira lukogo, casinga haboneke bahamiriza babiri erhi basharhu,. ²⁹ Kengeragi ninyu, buhane bunganaci na Bunali, kulusha akwanine okuhâbwa, omuntu owâbe omuko gw'endagano gwamucêsagya, nka kulya kankabire kantu k'izinga, n'owâbe ajacire Mûka gw'enshokano? ³⁰ Neci, ebirhashinganini Olga waderhaga erhi: Okucihôla Kuli kwani n'okuhâna oluhembo Kuli kwani! N'a kandi erhi: Nyakasane ayishi twira olubaga lwage olubanja. ³¹ Yajebe! Ciri cintu ca kuyoboha okugwa omunfune za Namuzinda Ozine. ³² Cikwonenemukengere ensiku ntanzi erhi muyus'ihâbwa obumoleke, Bulya mulembera entambala ndarhi n'amababale. ³³ Ahamwabonesibwa enshonyi, n'okumubonya omu lubaga; aha mwalungana n'abajiriragwa ntyo, ³⁴ Neci, mwashangîre amalibuko g'abâli omu mpamikwa, mwanayemera n'obushagaluke mwanyagwa ebintu binyu, Bulya mwâli mumenyire oku mugwerhe obuhirhi bwinja kulusha n'obwo burhakanyagwa. ³⁵ Mumanyage mwankarhera Obwo bulangalire bwinyu; bualya mubikirwe entanda innene. ³⁶ Neci, kukwanine muzibuhe, lyo muyorha mujira obulonza bwa Namuzinda, munayish'ihabwa ebi abalaganyagya. ³⁷ Bulya hacisigire hisanzi hitya byône, Olya wayisha, ayisha, arhana rhinde. ³⁸ Ci omushinganyanya alama n'obwemere, n'eryo ankashubira nyuma, omurhima gwani kurhanka cimubakwo. ³⁹ Rhwehe rhurhali bantu ba kushubirira nyuma,n'okuyigiriza Hera, ci rhuli bantu ba bwemere buciza obuzine bwirhu.