¹ Enyuma ly'aho, malahika wa karhanu abuha omushekera. nabona ntonde yahona oku nkuba, yaja en'ihugulu. bayiha olwiigulo ly'enshoko y'ekuzimu. Erya ntonde yayiguula erya nshooko y'ekuzimu, yabasha mw'omugi gushushire nka mugi gwa chibeyi chineene. izuuba namalunga byahinduka mwizizi erhi ogw'omugi gw'eyo nsooko gw'ogurhuma. ³ Ogw'omugi gwarhenga mwo enzige, zashandala omu igulu, zahabwa obuhashe bushushiine nabulya bw'engobe( rhuhirigongo). ⁴ Zabwiirwa mpu zirha jiraga olubala kubi, erhi murhi chiru n'omuguma, erhi mburho chiru n'enguma, chikwoone zishereze balya bantu barhali bashurhe kwo akashe ka Mungu emalanga gaabo. ⁵ Ezo nzige zirhayemeereragwa okuyiirha abo bantu, chimpu ziba rhindibuuze kwoone myeezi irhanu. Amalumwa zabajijiire omu kubarhindibuza gaali nka gala omuntu ayumva nka amalumwa n'engobe (rhuhirigongo). ⁶ omw'eyo myeezi irhanu yooshi, abantu balinza olufu, chikwoone barhalu bonaga. Bachifiinja okufa chikwoone barhafaga. ⁷ Ezo nzige kwo ziyoosire nka nfarasi zikoola zaja oku ntambala. Oku marhwe gaazo, kwo kuyosire nka mahembe ga nnooro, n'amalanga gaazo gayoosire nka malanga ga bantu. ⁸ Enviri zaazo kwo ziyoosire nka mviri za bakazi, n'amiino gaazo gayoosire nka ga ntale. ⁹ Omu bifuba byaazo muli ebi yosire nka mpeenzi ya chuuma, n'omululumo gw'ebyuubi byaazo guyosire nka lubi lwa mituga miinji yaaja yakululwa n'enfarasi zalibirhira oku ntambala. ¹⁰ Ezo nzige zigweerhe emichira n'ebyokubandana nkakula engobe ziyoorha,na okeyo michira yaazo kw obuhashe bwaazo bw'oku yagaza abantu kwo buli kwo omwerya myeezi irhanu. ¹¹ OKu marhwe gaazo zigweerhe kwo omwaami, yeri malahika w'ekuzimu. Omu hicebraniya aderhwa Adadoni, n'omu chigiriki Apolioni(kwo kuderha mpu olya ishereza). ¹² Obuhanya burhanzi bwageezire. agandi mahanya gabiri gagwasirwe nago gayiishe unyuma ly'ebyo. ¹³ Enyuma ly'aho, malahika wa kali ndarhu abuha omushekera. Nayumva iizu lyarheenga omu rhufende rhw'irherekerero ly'ennoore. Lyo irherekerero liba emalanga ga Mungu. ¹⁴ Eryo iizu lyabwiira oyo malahika wa kali ndarhu walifumbasire omushekera erhi:" likuula balya ba malahika banni, bashweekirwe hofi n;olwiishi lunene lw'e Efrati." ¹⁵ Bashweekula abo ba malahika banni, baali erhi barheganyibwe okunali muli eyo nsa, muli olo lusiku, muli ogo mweezi na muli ogo mwaaka, lyo bayiirha chihimbi chiguma ch'omu bisharhu by'abantu. ¹⁶ Nabwiizirwe abasoda bali onkunfarasi bali banga: baali bahisire miliyoni magana gabirhi. ¹⁷ Yumvagya gurhi nabwiine ezo nfarasi n'abazishona kwo omu kubonekerwa nabonaga: bali badwirhe empeenzi ndukula nka muko, zishushire n'omushangi gw'anyikizinashushire e nkafu y'echirhale. Amarhwe g'ezonfarasi gali gayoosire nka ga ntale; ekanwa kaazo yakam rheenga omuliru, n'omugi n'echibiriti. ¹⁸ Chihimbi chiguma ch'omu bisharhu by'abantu chayiirhwa na mahane gasharhu: muliro, muugi n'echibiriti. ebyo byooshi bya kaagirhenga oku rhunwa rhw'ezonfarasi. ¹⁹ Bulya obuhashe bweezo nfarasi buli omu rhunwa n'omu michira yazo, emichira yazo eyosire nka njooka. Zijira amarhwe zikoolesa amango zikola zaluma abantu. ²⁰ Omusigala gw'abantu, ngasi abarhayiirhagwa nago mahanya gooshi, barhagokoolaga kuli ebi bajijire boone. Barhalekaga oku chikuumba abazimu n'ensanamu z'ennooro n'ezechuuma ch'enfaranga, n'eze chuuma ch'omuliga, ne z'amabuye, n'eze mirhi, zira zirhankaboona, erhi kuyumva erhi kugeenda. ²¹ Abo bantu nabo barhalekaaga obw'iisi bwaabo nama kurungu gaabo, n'okugon kwaabo erhi bushambo bwaabo.