¹ Enyuma ly'aho, nabona windi malahika w'obuhashe, amanuka oku nkuba. L'wikuungu luguma lwali mufunikiire, n' omunweranjira gwaali muzungulusire okw'irhwe. Amalnga gaage gali yoosire nk'izuuba, namagulu gaage gal;iyoosire nka mitungo ya mulire. Alifumbasire chitaabi chiguma chisunu chibunguule. Adekereza okugulu mkwaage kulyo oku nyanja n'okulembe akuhira en'igugulu. ³ Ayakuza n'iizu lineene nka ntale ya luluma. Erhi ayuusa okuyakuuza, elya milazo nda yashuza omu kukunguula. ⁴ Erhi anayuusa okuderha ntya, nali nkola nti ntondeerage okuyandika, chikwoone nayumva izu lyarhenga oku nkuba lyambwiira erhi: " Orhafuluule bilya erya milazo nda ya derhaga, orha biyandike." ⁵ Ago mango olya Malahika nabonaga ayimanzire okunyanja n'en'igulu ashuunga okuboko kulyo oku nkuba. ⁶ Achiigasha oku iizino lya Mungu olama nsiku na mango, ye wa lemaga oku nkuba n'ebikuba byooshi, alema n'igulu n'ebilibama mwo byooshi, n'enyanja n'ebiba mwo byooshi. Oyo malahika aderha erhi:" ntagandi mango gaachiba! ⁷ Chikwoone amango malahika waki nda arhonderaga oku buha omushekeera, gw'omango Mungu ajira kuulya alaliraga omu ihwe lyaage, nka kulya anakubwiiragaabambali, balya balebi baage." ⁸ Enyuma ly'aho, lirya iizu nayumvagya lyarhenga oku nkuba, lya shubi mbwiira mpu: " Genda, orhole chira chitaabu chisungunu chibunguule, chira malahika oyimanzire oku nyanja n'en'iguluafumbasire." ⁹ Naja emunda olya malahika aali, namuhuna nti ampe echo chitaabu chisungunu. Ambwiira erhi: "Chirhoole, onachilye, chakubeera chilulu omu lurhoolero chikwoone omu kanwa, cha chinunu nka buuchi." ¹⁰ Narhola chilya chitaabu chisungu omu kuboko kwaage, nachilya. ekanwa chanunira nka buuchi, chikwoone erhi mba na ma chimira, champindukiira chilulu ou lurhoolero." ¹¹ Amango bambwiiraga mpu:" Kushub'irikwanana lindi liguma oyigirize emyanzi ya Mungu eyeerekire bantu baanji n'embaga, na bantu bangasi luderho, n'abaami.