¹ Enyuma ly'aho, ashub'impa olushekesheke, olwo lwaali lwakugeera, lushusha ankarhi, nabuuli bwiirwa mpu: " yiimuka, ogere enyumpa ya Mungu n'irhekerero, oganje n'abali bachikuumba omu nyumpa ya Mungu. ² Chikwoone oleke ngo y'embuga y'enyumpa ya Mungu orhayiigere, bulya yahiirwe abapagaani. Abo barhambuula exhishagaala chigumaana myeezi makumi ganni n'ibirhi. ³ Narhuma bantu baani babirhi, bayambiirhe amasunzu erhi burhe buurhuma. abo bayiigiriza emyanzi ya Mungu muli ezo nsiku chihumbi na magana gabirhi namakumi gali ndarhu. ⁴ Aba badima eri erya mirhi y'emizeituni yoombi nagalya matara goombi gayiimanga emalanga g'Omulu w'igulu. ⁵ Owankalonza okubajira kubi, omuliro guna bavabuvuke ekanwa, gushereeze abashombanyi baabo. ntyo kwo agwaasirwe okufa owalonza okubajira kubi. ⁶ Bagwerhe obuhashe bw'okuhamika oku nkuba, lyo enkuba erhag'inia amango bali bayigiriza emyanzi ya Mungu. Bagweerhe n'obuhashes bw'okuhindu amiishi gabe muko bachigweerha obw'obwokuhindula. ⁷ Hano baba bamaayuusa okulumiza emyanzi yaabo, ensimba yayomoka omu mwiina, yabayanduuka kwo. yabahima enabayiirhe. ⁸ emirhuumba yaabo yabeera omu muhanda gw'omu chishagala chineene, halya Nnawaba abambiragwa oku musalaba. Echo chishagala chiderhwa oku lwiganyo mpu sodoma, erhi misri. ⁹ Abantu b'omu ngasi chihugo naba ngasi milala, n'aba nagasi luderho, n'aba ngasi mbaga balola emirhumba yaabo nsiku zisharhu n'echihimbi, barha na yemeere mpu ebishwe. ¹⁰ Abantu b'en'inigulu basima erhi okufa kwabo bantu babirhi kurhuma, bachiishinga n'okuka rhumiirana ebintu, bulya abo boombi bakaag'irhindibuza abantu b'omu igulu. ¹¹ Chikwoone enyuma ly'ezo nsiku zisharhu n'echihimbi, Omuuka gw'obuzine gwa rhenga emwa Mungu, gwabaja mwo, bayiimanga. ngasi aba babona booshi bagwarhwa n'obooba bweneene. ¹² Ago mango abo baleebi ba Mungu bayumva izu lineene oku nkuba. Ly'ababwiira mpu: "Yinamuki murhenge aha! bayinamukira oku nkuba omu lwikungu, erhi abashombanyi baabo banali babagalamiira. ¹³ Muli ago mango go na nneene, omusisi mudarhi gwagera, echihimbi cha kali kumi chomu chishagala cha hongoka nabantu bihumbi nda bafa muli ogo musisi gw'igulu. Abandi bayooboha bweneene, bachitakiira Mungu w'enyanya oku nkuba. ¹⁴ obuhanya bwa kabirhi bwagezire, chikwoone mujire hange! Obwa kasharhu bwaisha buno buno. ¹⁵ Enyuma ly'aho, malahika wakili nda abuha omushekera. Amaazu maneene maneene ga yumvikana oku nkuba, gaka derha mpu:" Obuhashe bw'okuyiima igulu bukola bwa Nnahamwiirhu na bwa Kristu waage, Ayiima ensiku na mango!" ¹⁶ Balya baganda makumi gabirhi na banni batamiire oku ntebe zabo emalanga ga Mungu, Bahirima bubi, babulika chikuumba Mungu. ¹⁷ Omu kuchikuumba kwaabo baka derha mpu:" Nnahamwirhu Mungu ogala byooshi, we hali, we wanahali rhukuvuzire omunkwa bulya we kolesize obuhashe bwaawe nabulya orhondiire okuyiima. ¹⁸ Embaga zihangazize, chikwoone amango gahisirage obuhane bw'oburhe bwaawe bwa chiyeerekana mwo g'onamango abafiire batwiirwa olubanja. Amango gahisirage waha mwo bambaali oluhembo, balya baleebi baawe na ngasi ba babawe booshi banaka yooboha, chiru ankaba bakulu erhi barho. Amango gahisire washereza mwo abashereza igulu!" ¹⁹ Ago mango enyumpa ya Mungu, oku nkuba, yayiguuka, haboneeka isanduku l'yoku laganana omunyumpa yaage. Hazuka emilazo, Namazu, n'emikungulo y'enkuba n'omusisi gw'igulu n'enkuba nneene ly'olubula.