¹ Erhi olya Mwaanabuzi akula obuhashe ka kali nda, aka hwenyenye kaaba oku nkuba, kaaba hofi nusu sa. ² Enyu ly'aho , nabina ba malahika nda, bwo bamalahika bayiimangaga emanga ga mungu. Bahawa mishekere nda. ³ Owindi malahika ayiisha ayiimanga ahi rherekeero alifumbasire echirugu chiyookerwa kwo enshangi, necho chirugu chaali cha nnooro. Ahabwa enshangi nyiinji mpu azirhuule haguma n'okushenga kuunji kw'ab'omu lubaga lwa Mungu. Qrhuulire ah'irherekeerero ly'ennooro liri emalanga g'entebe. ⁴ Omugi gweyo nshangi haguma n'okuhuna kw'abantu bw'omu lubaga lwa Mungu, gwakaag'itumbuka burhrrema e malanga ga Mungu kurhenga omu kuboko kolya Malahika. ⁵ Enyu ly'aho, Malahika arhola chirya chirugu chaali mwo enshangi, achiyuunjuza muliro gw'ahirherekerero, abuli gu kweeba en'igulu. Kwazuuka emikunguulo, n'amazu, n'emilazo, n'omusisi gw'igulu. ⁶ Balya ba malahika nda balifumbasire erya mishekera nda, ago mango bachirheganya okuyibuha. ⁷ Malahika wa burhanzi abuha omushekera, olubula n'omuliro bichange haguma n'omuko byakeebwa en'igulu. chihimbi chiguma ch'omu bishrhu b'igulu chahya, chihimbi ch'omu bisharhu by'emirhi chahya, na ngasi baasi hibishi booshi bahya. ⁸ Enyuma ly'aho, Malahika wa kabiri abuha omushekera. eri nka ntoondo nneene eri yagulumira muliro yakwebwa omu nyanja chihimbi chiguma ch'omu bisharhu by'enyanji chahinduka muko. ⁹ Chihimbi chiguma ch'omu bishrhu by'ebiremwa byooshi bizine biba omu nyanja byafa, na chihimi chiguma ch'omu bisharhu by'amashuwa gooshi chashereera. ¹⁰ Enyuma ly'aho, malahika wa kasharhu abuha omushekera. Ntonde nguma nneene nneene yakaag'iyaka nka ngulumira ya muliro, yahona oku nkuba. yahonera kuli chihimbi chiguma ch'omu bisharhu by'enyiishi n'oku nshooko za miishi. ¹¹ Iziino ly'eyo ntonde ye Bululu. Chihimbi chiguma ch'omu bisharhu bya miishi cha hinduka bululu, bantu banji, abanywiire ago miishi, bafa bulya gahindusife malulu. ¹² Enyuma ly'aho, malahika wakanni abuha omushekera. Chihimbi chiguma ch'omu bisharhu ch'izuba cha bandwa, n'echifuma ch'omu bisharhu by'omwezi nacho, na chiguma ch'omu bisharhu by'entonde chiru bya heza chihimbi chiguma ch'omu bisharhu by'obulangashane bwaabyo. Harahachi baaga bulangale nsaa zinni zooshi muushi na nsaa zinni zooshi budufu. ¹³ Nashubi lola, na nayumva ikozi libaliire enyanya bweneene omu karhi nkuba, lyaderha n'iizu lineene erhi: " Buhanya! buhanya! Lero wee, buhanya buchi obu bwabeera ababa omw'iguluhano izu ly'emishekera ya balya bandi bamalahika basharhu babuha ly'ayumvikana!"