¹ Enyuma ly'ebyo, nabona bamalahika banni bayiimanzire oku biwkwi b'igulu. Balifumbaasire mpuusi zinni z'igulu, mpu lyo empuusi chiru chirhu n'enguma erhag'ihuusa omw'igulu erhi omu nyanja, erhi kudunda omurhi gwooshi gwosshi. ² leero nabona owindi Malahika ayinamuka ebushoshokero bw'izuuba. oyo Mlahika alifumabasire akashe ka Mungu ozine. Ayakuza n'iizu linene balya ba Malahika banni bahabagwa obuhashe w'okushereza igulu n'enyanja, ababwiira erhi : ³ " mumanye mwanaka jira igulu kubi, erhi nyanja, erhi mirhi, kuhika rhushurhe abantu bakolera Mungu wiirhu akashe emalanga." ⁴ Aga mango bamabwiira abashusirwe akashe ka Mungu emalangabali banga. Byaali buhumbi igana namakumi ganni na binni, bw'omu milala y'olubaga lwa ab'Israeli lyooshi. ⁵ bnatu bihumbi ikumi na bibirhi bw'omu mulala gwa Yuda bashurhwa kwo akashe, bihumbi ikumi na bibirhi by'omu mulala gwa Rubeni, bihumbi ikumi na bibirhi by'omu mulala gwa Gadi, ⁶ Bihumbi ikumi na bibirhi by'omu mulala gwa Asheri, bihumbi ikumi na bibirhi by'omu mulala gwa Naftali, bihumbi ikumi na bibirhi byomu mulala gwa Manasi, ⁷ bihumbi ikumi na bibirhi by'omu mulala gwa Simeyoni, bihumbi ikumi na bibirhi by'omu mulala gwa lawi, bihumbi ikumi na bibirhi by'umu mulala gwa Isikari, ⁸ Bihumbi ikumi na bibirhi by'omu mulala gwa Zabuloni, bihumbi ikumi na bibirhi by'omu mulala gwa Yozefu na bihumbi ikumi na bibirhi by'omu mulala gwa Bejame. ⁹ Enyuma ly'ebyo nashubi lola nabona abantu banji banji: ntamuntu wankahashire oku baganja aabali omubo burhimanaane byooshi. Baali bantu ba ngasi chihugo, naba ngasi mulala, naba ngasi lubaga, naba ngasi luderho. Baliyiimanzire emalanaga g'entebe n'emalanga gw'olya Mwaanabuzi, erhi bayambirhe o rhwanzo rhweeru n'okufumbarha amarhami gaabo. ¹⁰ Baka yakuuza n'iizu linene mpu: " obuchire bwiirhu burhenzire kuli mungu wirhu otamire oku ntebe, burhenzire n'oku Mwaanabuzi!" ¹¹ Abo ba malahika byooshi balizungulusire entebe nabalya baganda na bilya biremwa binni bizine. Ago mango bafukama emalanga g'entebe, n'erhi baaba bamahirima buubi, ba chikumba Mungu. ¹² Omukuderha mpu: " Bibentyo! obukuze, n'obulanbagashane, n'obukengukwe, n'okuvuga omunkwa n'obukenge, n'obuhashe n'emisi, biri b ya Mungu wiirhu ensiku na mango! bibe ntyo". ¹³ Muguma wa muli balya baganda andoosa erhi: " abo bantu bayambirhe emishangi myeeru, bo bandi? na nagahi barhenzire?" ¹⁴ Namushuza nti: "We manyire ebyo, Nnahamwirhu!" ago mango ambwiira erhi: "bali balya bageeraga omu kushimbululwa kuneene. Baafuzire amakanzo gaabo, babul'igayeeruhiza omu muko gw;olya Mwaanabuzi. ¹⁵ Cho chirhumire bayimanzire emalanga g'entebe ya Mungu, n'okukolera Mungu budufu n'omushi omu mwaage. Otamire oku ntebe abalanga omukuba ho kwaage. ¹⁶ Nta mango banaachishalike erhi kugwarhwa n'enyoorha. nt'izuuba erhi iduurhu lya kuyoochanya lyooshi lyooshi lyanaachibayoche. ¹⁷ Bulya olya Mwaanabuzi oli oku ntebe ye waba lungere waabo. Oyo abaheka ebwa nshooko za miishi gw'obuziine. Na Mungu abahorhola ngasi mirenge oku masu gaabo."