1 Nashub'ibonekerwa, nabona olumvi luyiigule empingu emwa Mungu . iizu lyakaag'ilaka nka lya mushekera, lirya nali namarhang'iyumva, lyambwiira erhi: " shonera aha, nakuyeereka ebi gwasirwe okuba enyuma ly'ebyo," 2 h'ona halya, muuka gwa Mungu angwarha. Emwa Mungu yali entebe. Muntu muguma alitamiire oku eyo ntebe. 3 Amalanga gaage gakaag'ilangashana nka g'ibuuye lya ngulo ndaarhi, nka Yaspi na Sardoniki. Omunyweeranjira gwaali zungulusire eyo ntebe, gwa buli kalang'ashana nk'ibuye lyangulo ndarhi liderhwa Zumarati. 4 eburhambi bweyo ntebe, yali zindi ntebe makumi gabirhi na zini. baganda makumi gabirhi na bani baalizi tamiire kwo, erhi bayambiirhe emishangi myeeru n'amashungwe ge nnooro. 5 Oku ntebe kwa kaagi rhenga orhukemeezo n'emnikungulo y'enkuba, n'emilazo. kwaali twaanyire ngoke nda zakaag'igulumira emalanaga g'entebe: yo erigi erya Myuuka nda ya Mungu eyo. 6 Embere ly'entebe, yali ebiri nka nyanja ya biiyo, nayo yakaag'ilanagala nk'ibuye lya nshangabuye. ho n'aho, eburhembi bw'eyo ntebe, ngasi luunda lwaali yo biremwa binni. Ebyo biremwa byaligwerhe amasu emalanga n'emugongo. 7 Echa burhanzi ch'alichishushire Entale, echa kabiri chalishushire akanina, echakasharhu chaligweerhe amalanga gashushire nka ga muntu, n'echa kanni chalishushire Ikozi l'ibaliire. 8 Ngasi chiguma cha muli ebyo biremwa binni bizine chali gweesrhe byuubi ndarhu, yaanali yunjwiire masu hosho hoshi, emugongo n'omu nda, byakaag ' imba obudufu na mushi buzira kuhusa. Byakaag'imba mpu :" Mwimaana, mwimaana, ye Nnahamwirhu Mungu, ogala byooshi, Ye wahali, ye onahali, ye wanahaba." 9 Ngasi mango hano ebyo biremwa binni binaimba omukukuza, n'okukenga, n'okuvuga omunkwa emwa olya otamire oku ntebe, olya ozine nsiku na mango. 10 Balya baganda makumi abiri nabanni banafukame e malanga gw'olya otamire oku ntebe babuli kachikuumba olya ozine enskiu na mango, bakweebe mashungwe gaabo embere ly'entebe, bab 11 Maashi, Nnahamwirhu kandi we na Mungu wirhu, okwanine obukuze, n'olukengwa n'obuhashe, bulya walemire ebintu byooshi, na obulonze bwaawe bwa rhumaga byaba aho, byahabwa n'obuzine.uli derha mpu: