¹ " Rhumira malahika w'omu murhwe g'Abakristu b'e Sardi amaruba omubwiire erhi: Yumvagya emyanzi y'olya ogwerhe Miuuka nda ya Mungu nazilya Nyenyezsi (Ntonde ) nda. oyo adesire erhi : Mmanyire ngasi ebi oli wajira byooshi, mmanyire oku ogwerhe irenge mpu ozine n'obo wafiire. ² Zuuka, zibuhya ebi ochigweerhe lyo birhag'ifaa lwooshi lwooshi. Bulya nasinzize ebijiro byaawe, nabona oku birhali bimaana amalanga ga Mungu waani. ³ Kengeeraga zilya nyigirizo wayigirizibagwa, okengeere nagurhi wazi yumviirhe. yumva oku zidesire, galuka ogokoole. akaba orhazuusiri, nayiisha, nkugwaarhe mpira nka shishambo. Orhamanye akasnzi nayiisha mwo. ⁴ Chikwoone bantu baawe baguma, b'e Sardi yo na nneene barhachafuzagya emishangi yaabo. Rhwalambagira rhweeshi n'abo erhi banayambirhe emishangi myeeru, bulya bayikwaniine. ⁵ Abahima kwo bayambala emishangi myeeru ntyo. nta zimye amaziino gaabo omu chitaabu cho bulamu. naderha emakanga ga Larha n'ega bamalahika baage oku bali baani: ⁶ " Ngasi muntu, akaba agwerhe amarhwiiri ayumve bwinja ebi Muuka gwa mungu abwizire emirhwe y'Abakristu!" ⁷ Rhumira malahika w'omu murhwe gw'Abakristu b'e Filadelfiya amaruba. omu bwiire erhi: " yumvagya emyanzi y'oly oba muntu wa Mungu anali w'okuli olya ojira olwigulo lwa mwaami Daudi, olya oyiigula nantaye wankahasha okuyiigala, olya oyiigala nantaye wankahasha okuyigula. oyo adesire erhi : ⁸ Mmanyire ngasi bijiro byaawe byooshi. mmanyire oku ogwerhe buhashe busungunu, nachiru ajkaba ntyo, weyumvirhe oku akanwa kaani kadesire orhanachimpinduliraga. nayiigwire olumvi emalanga gaawe, bulya lulya omuntu arhankahasha okuyiigala. ⁹ yumvagya oku najira abomu ndeeko ya shetani, balabanyweesi bashuumi bakachikuunga mpu bali Bayahudi, n'obo barhali bwo: nabaseeza, bayiishe bakufukamire omo kukukuza. bamanya oku kusiima nkusiima. ¹⁰ bulya walanzire amarhegeko gaani erhi nderha nti olinde, naani na kulanaga omu mango gw'obuhanya bwayiisha omu igulu nlyooshi. obwo buhanya buli bwakugera abantu b'e n'igulu. ¹¹ Nayiisha buno buno. Oseeze bweneene ebi ogwerhe, ly'omuntu arhagi kunyaga ebi ahabagwa erhi ohima. ¹² Owahima, namujira abe mutungo omunyumpa ya Mungu waani, arhanakachi rhenga omo. namuyaandika kwo iziino lya Mungu waani, n'iizino ly'echishagala cha Mungu waani, e Yerusalemu mpyahya yahonokaga kurhenga enyanya oku nkuba hali emwa Mungu waani. namuyandika kwo n'iziino lyaani lihyahya njira. ¹³ " Maashi, ngasi muntu, akaba agwerhe amarhwiiri, ayumve bwinja ebi Muuka gwa Mungu abwiizire emirhwe y'Abakristu. ¹⁴ "Rhumira malahika w'omu murhwe gw'Abakristu b'e Laodikiya aamaruba. Omu bwiire erhi: " Yumvagya emyanzi y'olya Amina, mudima orhalyalyanya, anali w'okunali, olya oli chisina ch'ebi Mungu alemaga byooshi. adesire erhi: ¹⁵ Mmanyire ebi wajijire byooshi. mmanyire oku orhakaywiiri orhamanaduurhubiiri, kanga nankasimiire obe kuguma muli ebi byombi! ¹⁶ Chikwoone bulya orhaduurhubiiri, orhana kayaywiiri, nakushala orhenge omu kanwa kaani. ¹⁷ Kwo adesire erhi: mugale, na mpirhiire, ntabyo mbuzire. CHokwoone orhamanyi kanga olimuhanya onali wabuligo! olimukenyi, olina na mushunzi onali muhurha. ¹⁸ Cho chirhumire nakuhanuula nti ongulire ennooro ya chesiibwe n'omuliro lyogala. ongulire n;emishangi myeeru oyambale ofulike mwo obushunzi bwaawe bw'okubonya nshonyi. oguule n'obufumu bwa masu gaawe lyohasha okukaabona. 19 Nampabuule nshub'inaha ngasi abansiima booshi. ochiiseeze ogokoole. ²⁰ Yumvagya Nyimanzire okulumvi nandi nagoholera kwo, owakanyumva izu lyaani abal'ina nyiguliira naja omu mwage, nalya rhweeshi naye naye lya rhwenaye. ²¹ Abahima, nabaha obuhashe bwokutamala haguma na nani oku ntebe yaani, nka kulya naani nahimaga natamaala haguma na laarha oku ntebe yaage. ²² Maashi, ngasi muntu, akaba agweerhe amarhwiiri, ayuumve bwinja ebi Muuka gw'a Mungu abwiizire emirhwe y' Abakristu!"