¹ Rhumira malahika w'omurhwe gw'Abakristu b'e Efeso amaruba. omubwiire erhi : " yumvagya ebi edesire ofumbasire enyenyezi (Ntonde ) nda omu kaagarhi k'ebimanikiro nda bya matara g'e nnooro. Adesire erhi : ² Mmanyire ebi wajijire byooshi, mmanyire oku wachiilibuzagya, mmanyire n'obushibirizi wa yeerekiine. mmanyire oku orhankalemere ab'emirhima mibi, wagezire aba chiderha mpu ntumwa, chikwoone barhaba bo, wanaboona oku baba banyweesi. ³ Obawa bushiro, walibusire erhi nie ntuma orhana ndekaga. ⁴ chikwoone ibi byo nkugayiire orhachisiima nkoku wansiimaga burhanzi. ⁵ kengera ngahi wahirimiire, ogokoole ojire kulya wajiraga burhanzi. Orhagokwiiri, nayiisha omunda oli, nkunyagechirya chimanikiro ch'itarahalaya chiri. ⁶ Chikwoone ojira akantu nkaguma kinji: kuli kulya kuba ashoba ebi Abanikolayi bakajira byooshi, w'ebishombire akaani. ⁷ Maashi ngasi muntu, akaba agwerhe amarhwiiri, ayumve bwinja ebi Muuka gwa Mungu abwizire emirhwe y'Abakristu! Abahima, na abaha obuhashe bw'okulya ilehe ly'omurhi gw'obuzine guli omwishwa lya Mungu. ⁸ Rhumira malahika w'omurhwe gw'Abakristu b'e Simirna amaruba. Omwibwire erhi : " Yumvagya ebinwa by'olya wa burhanzi ye na wa buzinda, y'olya wafaaga anafuuka. adesire erhi : ⁹ Mmanyire amalibuko gaawe n'obukenyi bwaawe, chikwoone oli mugale! Mmanyire ebi byooshi bakuderhera abachiikunga mpu baba bayahudi, n'obo barhaba bo: eba ndeeko ya shetani. ¹⁰ Orhayoobohaga mpu okwenge walibuka. yumvagya lyangombe amurhangula omu kukweba banji bamuli mwe omu mugozi. Mwalibuka nsiku ikumi. orhalahiraga Mungu kuhika okufa kwaawe, nakuha ishugwe ly'obuzine. ¹¹ "Maashi ngasi muntu, akaba agwerhe amarhwiri, ayumve bwinja ebi muuka gwa Mungu abwizire emirhwe y'Abakristu" abahima, barhafe olufu lwa kabirhi" ¹² " Rhumira malahika w'omu murhwe gw'Abakristu b'e Pergamu anamaruba. omubwiire erhi: " Yumvagya ebinwa by'olya ogwerhe e ngoorho nshongole lya mooji gabirhi. adesire erhi :" ¹³ " Nnyiishi ah'oba, bulya shetani ajira entebe yaage. ochiinshweekiire kwo, orhana ntezagya emurhimachiru n'omu mango olya Antipa mudima waani mwiikubagirwa ayirhiragwa emwinyu, eramunda shetani aba. ¹⁴ Chikwoone, hali echinkugayira: emwaawe ojira yo abantu bachishweekire oku nyigizo za balaamu y'ewa yigizizagya Balaki kurhi ankaji lyo Abisraeli bahirima omu byaha omukulya enyama barherekera mwo ensanamu babul'inachiishweekera oku kugona. ¹⁵ kandi emwawe ogwerhe yo n;abantu bachishweekiire oku nyigirizo zaba Nikolayi. ¹⁶ ogokoolage ebyaha byaawe. Akaba arhali ntyo, nakuyiishira bunobuno, nani nalwiisa abo bantu n'engoorho erhenga umu kanwa kaani. ¹⁷ " Maashi ngasi muntu, akaba agwerhe amarhwiri ayumve bwinja ebi Muuka gwa mungu abwiiziire emirhwe y'Abakritu! Abo abahima, nabaha amaana mafulike. Nangasi muguma muuli bo namuha ehibuye hyeeru hiyandike kwo iziino lihyahya. ntamuntu yeshi yeshi olimanyire kuleka olihirwe yeene." ¹⁸ Rhumira makahika w'omu murhwe gw'Abakristu b'e Tiyatira amaruba. omubwiire erhi :" Yumvagya ebi mwene Mungu adesire, olya wamasu gakaagulumira nkamuliro n'embaale zikalangashananka mulinga mugeze omu luganda." ¹⁹ Mmanyire ebi ojira byooshi; mmanyire obuzigire bwaawe ,erire n'obwikubagirwa bwaawe, n'okuchihaana kwaawe omu mukolo, n'obushibirizi bwaawe. mmanyire oku omukolo gukola gugandeerire buno kulusha burhanzi. ²⁰ Chikwoone yumvagya ebi nkugayira : walekerire ola mukazi Yezabeli, ola okachiikunga mpu aba mulebi wa Mungu. Ampabuliire abanyakaasi omu kubayigiriza mpu bachishweekere oku ku gona n'okulya enyama bamarherekeera mwo ensanamu. ²¹ Namuhire akasanzi nti agokoole, chikwoone arahalonzizi okuleka okugona kwaage. ²² Cho chirhumire nkola namukweeba okunchingo yamalibuko; nabalya bakaagi mugona kwo nabalubuza bweneene bweneene, nkaba baleke ebijhiro byaabo bajira booshi naye. ²³ Nakulusha, namuyiirhira abana, ntyo kwo emwirhwe y'abakristu yooshi yamanya oku nie n'olya oyiishi engererezo n'amarala g'abantu. nahemba ngasi muguma muli mwe nkakulya ana kolaga. ²⁴ Oku gwiinyu, mwe bandi Bakristu b'e Tiyatira, murhachishweekeraga kuli zilya nyigirizo mbi. murha yumvagya ebi abo bantu baderha mpu go mahwe mazibu mazibu ga shetani. Mmubwiizire oku ntamuheesa gundi muzigo. ²⁵ chikwoone musezagye ebi mugwerhe kuhika nyiishe. ²⁶ Abo bahima nabo bagendeerera oku jira ebi Nnonzize kuhika oku buzinda, nabaha obuhashe buli nka bulya buhashe Larhe ampaga : Nabaha obuhashe bw'okurhambula embaga n'akarhi k'echuuma. Bazibera nka nyungu z'ibuumba. nabaha n'enyenyezi(Ntonde) y'esezi. ²⁹ Maashi, ngasi muntu akaba egwerhe amarhwiiri, ayumve bwinja ebi Muuka gwa mungu abwizire emirhwe y'Abakristu.