¹ Nabona echitaabu chubunge nka chizinge. nabona echir omu kuboko kulyo kw'olya wali tamire oku ntebe. Chaali chiyandike emugongo n'omundalala, erhi chinali chishurhe kwo ama kashe nda. ² Nanabona malahika w'obuhashe, oyu akaderha n'iizu lineene erhi: " ndi okwanine okukula obuhashe bwaaga makashen'okubungula eechi chitaabu?" ³ Chikwoone harhabonekaga ndi, erhi enyanya oku nkuba erhi en'igulu, erhi omu kuzimu, wahashire okubungula echo chitaabu n'okuchilola mwo. ⁴ Nalaka bweneene, bulya harhabonekanaga omuntu okwanine okubungula echo chitaabu n'okuchilola mwo. ⁵ Ago mango muguma wamuli balya baganda ambwiira erhi : " Orhalake. lola oku entale y'omu mulala gwa Yuda, muntu w'omu buuko bwa Mwami Daudi anahimire, ye wankanahasha okukula obuhashe bwago makashe nda n'okubungula chirya chitaabu. ⁶ Nanabona omwanabuzi ayiimanzire omu karhi k'entebe, azonzirwe nabirya biremwa binni na balya baganda. Aali yosire nka aali ayiisirwe aali gwerhe amahembe nda na amasu nda, yo y'eri erya miuuka nda ya Mungu yarhumagwa omw'igulu lyooshi. ⁷ Oyo mwaanabuzi ayiisha, arhola chirya chitaabu omu kuboko kulyo kw'olya walitamire oku ntebe. ⁸ Erhi arhola chilya chitaabu, bilya biremwa binni nabalya baganda makumi gabirhi nabanni bafukamira omwaanabuzi. ngasi muguma w'omuli bwo aali gweerhe olulanga n'ebikombe by'ennooro biyunywiire nshangi, kw'okushenga kw'ab'umu lubaga lwa Mungu. ⁹ Baakaimba olwimbo luhyahya mpu: " Okwanine okurhoola echi citaabu n;okukula obuhashe bwaga makashe. bulya wayiisirwe, n'omuko gwaawe gwowguzire mwo abantu, wabaha Mungu, banagsi buuko, bangasi luderho, bangasi lubaga nangasi mulala. ¹⁰ Wabajijire mwo obwaami bwabajinji b'okukulera Mungu wirhu, Bo banayiima en'igulu. ¹¹ Nashub'ilola, nayuumva Bamalahika baanji bweneene: haali ebihumbi namakumi g'ebihumbi. Bayiimanga, bazunguluka entebe, nabilya biremwa na balya baganda, ¹² bakaag'imba n'iizu lineene mpu: " oyu Mwaanabuzi wayiirhagwa akwanine okuhabwa obuhashe, obugalle n'obukengukwe n'emisi, n'olukengwa, n'obulangashane, n'obukuze! ¹³ Nayuumva n'ebiremwa byooshi biba oku onkuba n'ebi ba en'igulu n'ebi ba ekuzimu n'ebi ba omunynja ebiremwa byooshi by'en'igulu lyooshi byakaimba mpu: " kuuli Olya otamire oku ntebe na kuli omwaanabuzi kube obukuze, n'olukengwa, n;obulangashane, n'obihashe ensiku na mango. ¹⁴ birya biremwa binni byaka shuza mpu: " Bibe ntyo! " nabalya baganda bafukama n;oku ka chikuumba.