¹ Ago mango malahika muguma omuli balya bamalahika nda balifumbasire bilya bikombe nda, ayiisha, ambwiira erhi:" Iisha obone, nakuyereeka gurhi erya mbaraga nkulu egwasirwe okuhanwa. Eyo mbaraga cho chirya chishagala chineene chiyubakiirwe oku burhambi bwenyiihsi nyinji. ² Abaami b'en'igulu bachishweekire oku kuka gona bonayo, n'abantu b'omu igulu balalusire amanvu g'okugona kwaayo. ³ Muuka gwa Mungu angwaarha, malahika ampeeka omu mpiga .Eyo munda nabona yo omukazi atamiire oku nsimba y'akalinga. Eyo nsimba yaali zoonzirwe n'amaziino g'okujaachira Mungu. Yaali gweerhe birhwe nda na mahembe ikumi. ⁴ Oyo mukazi aali ayambiirhe omushangi gw'akaduku erhi gunashushire omuko. Aali agweerhe eminjiihizo y'ebisikiyo by'ennooro, n'amabuye g'engulo ndaarhi n'amagerha. Aali afumbasire echikombe ch'ennooro omunfune. Encho chikombe chaali yunjwiire mizirho mibi y'okugona kwaage. ⁵ Emalanga gaage yali yandisirwe ogw'iziino lyaage omu kuhwinjika. lyaali yandisiirwe mpu :" Babeli mukulu. nina w'embaraga, na nina w'ebyokugayiisa by'omu igulu." ⁶ Nabona oku oyo mukazi alalusiire omuko gw'ab'omu lubaga lwa Mungu, n'omuko gwa balya bayiirhagwa mpu okwenge barha lahiraga Yesu. Erhi mmobona, nasomeerwa bweneene bweneene. ⁷ Ago mango oyo malahika ambwira erhi: " Bichi birhumire wasomeerwa? Nakubwiira okw'ihwe ly'oyo mukazi lidesire. Nakuhugulira n'ogw'erya nsimba emudwiirhe, erya nsimba egweerhe marhwe nda na mahambe ikumi. ⁸ Erya nsimba wabonaga, yaali ezine miira miira, chikwoone erhachizini ekoola egwasirwe erhenge omu mwiina, eje omu hantu hayo hokushereera. omu hantu ab'omuigulu, aba mazino gaabo garhali mayaandi omu chitaabu ch'obuziine kurhenga ama igulu lya lemagwa, basomeerwa hano babona eyo nsimba: bulya yaali ziine miira miira chikwoone erhachi ziinigi, chikoone yashubi bonekana. ⁹ Ebyo byo byankarhuma obwenge n'obukengukwe byareekanwa. Galya marhwe nda, gaali malarango nda olya mukazi atamiire kwo. Banaligi baami nda: ¹⁰ Barhanu muli bwo bahirimiire, muguma ayiimire buno, n'owundi arhachiisha. Hano aiisha, agwaasirwe okuyiima mango masungunu goone. ¹¹ Erya nsimba yaliziine miira miira, chikwoone erhachi ziinigi, yone yo eri mwaami wakali munane, enachirigi nguma ya muli zirya nda ntanzi. na mwag'omango mwo nnaneene lyo yaja omu hantu hayo hw'oku shererera. ¹² Galya mahembe ikumi wabonaga, bali baami ikumi barhachirhondeera okuyima. chikwoone bahabwa obuhashe bwa kana bwaami mpu bayiime nsa nguma booshi n'erya nsimba. ¹³ Oku banali ikumi, booshi banagweerhe bulonze buguma. Baha erya nsimba emisi yaabo n'obuhashe bwaabo. ¹⁴ Balwiisa olya Mwaanabuzi chikwoone oyo Mwaanabuzi wa Mungu abahima, bulya aba mukulu wabakulu, anaba Mwami wa baami. Abahima booshi nabantu baage, abo bahamagalagwa banalondoolwa, nta mango abo bamulahiire." ¹⁵ Olya malahika ashubi mbwiira erhi :" Galya miishi wabonaga elya mabaraga etamiire kwo, ziri mbaga n'abantu baanji baanji, n'emilala, n'abantu bangasi luderho. ¹⁶ Galya mahembe ikumi wabonaga n'elya nsimba, byashoomba elya mbaraga byana ihogola ngasi ehi ejira bibul'ileka erhachiyambiirhi, byayilya nyama, bibuli ishereza n'omuliro. ¹⁷ Bulya mungu ahizire amiiru omu mirhima yaabo. Ago miiru gali ga kujira obulonze bwaage omukujira chinyabuguma n;omukuha elya nsimba obuhashe bwaabo bwakanya bwaami, kuhika amango emyanzi ya Mungu yaba yamaba. ¹⁸ " Ahoo, Olya mukazi wabonaga chiri chilya chigala chineene chirambwiire abaami b'omu igulu."