¹ Enyma ly'aho, nayumva izu lineene lyarhenga omunyumpa ya Mungu, lyabwiira abalya ba amalahika nda mpu: " geendi muji bulagira birya bikombe nda by'obuhane bw'oburhe bwa Mungu omu igulu! ² Malahika murhanzi ageenda, abulagira echikombe chaage omu igulu. Ago mango ebironda bibi binali byakuluma byazuuka oku balya bantu baligwerhe echimanyiiso cherya nsimba n;okuka chikuumba ensamu yayo. ³ Malahika wakabirhi abulagira echage chikombe omu nyanja. amiishi gashusha nka muko gwa muntu ofire, nangasi biremwa byaali omu nyanja byooshi byafa. ⁴ Malahika wakasharhu abulagira echage chikombe omu nyiishi n'omushoko za miishi, nabyo byahinduka muko. ⁵ Ago mango nayumva oku malahika ojira ubuhashe bw'okurhegeka amishi aderha erhi: " Obamushinganya bulya wamatwa olubanja ntya, maashi Mwimana, we hali we wanahali. ⁶ Bulya babulazire emiko yomulubaga lwa Mungu n'ey'Abaleebi baawe, leero wama bahaga omuko mpu baanywe. Bagwerhe ebibabakwanine!" ⁷ Enyuma ly'aho nayumva izu lyarhenga ahirherekerero, lya derha mpu:" Nechi Nnahamwirhu Mungu ogala byooshi, okutwa emanja, kuba kw'okuli, kunaba kushinganine!" ⁸ Malahika wa kanni abulagira echege chikombe okw'izuba, ago mango izuba lyarhegekwa mpu liyooche abantu n'omuliro gwaalyo. ⁹ Abantu bahya n'engulumira ndaarhi leero bajachira izino lya Mungu ogwerhe amahanya omu buhashe bwaage chikwoone barhagokoolaga barhana kuzagya Mungu. ¹⁰ Malahika wa karhanu abaulagira echage chikombe oku ntebe y'elya nsim ba. Ago mango obwami bwayo bwayubizibwa omu mwizizi. Abantu baakachiiluma endimi erhi malumwa garhuma. ¹¹ Bakajachira Mungu we mpingu erhi ago malumwa gaabo g'ebyo bironda byaabo byo birhuma, chokwoone barhalekaga ebijiro byaabo bibi. ¹² Malahika wa kali ndarhu abaulagira echage chikombe umu lwiishi luneene luderhwa Efrati. Olo lwiishi lwagana mpu lyo luha abaami enjira. Abo baami barhenga ebushoshokero bw'izuba. ¹³ Enyuma ly'aho. nabona bazimu babi basharhu. baalishushirhe emidoke. Abo barhengaga omu kanwa k'olya mujoka n'omu kanwa k'erya nsimba, n'omukanwa kw'olya mulebi w'obushuumi. ¹⁴ Ebyo byo byarhenziirhage omu balya bazimu bakaajira ebisomerine. Abo bazimu basharhu baja olunda lwa baami bashaerhu bw'omu igulu lyooshi mpulyo babashimanyanya, batule entambala nneene omu lusiku lunene lwa Mungu ogala byooshi. ¹⁵ " Alaga oku nyishire nka chishambo! aali w'iragi oyosiire alalire ana lanzire emishangi yaage arhayiishi geenda bushunzi, enshonyi zirhayiishi mugwarha hano bamuboona oku ayosiire ntyo. ¹⁶ Balya bazimu bashimanyanya balya baami hantu haguma haderhwa omu chi hebraniya Harmagedoniya. ¹⁷ Malahika wakali nda abulagiira chikombe chaage omu malunga. izu lineene lyayumvikana omu nyumpa ya Mungu. lyarhengaga aha ntebe, lyaderha mpu : " byabiire! ¹⁸ Hazuka emilazo n'amazu, n'emikunguulo y'enkuba, n'omusisi mudaarhi gw'igulu gwaagera. Harhasag'iba musisi gwa mweene ogwo kurhenga amango omuntu alemagwa, ogw'omusisi gwaali mudaarhi bweneene. ¹⁹ Echishagala chineene chatwiika mwo mpande zishaarhu, n'ebishagala by'omu bihugo byooshi byakunduuka. Mungu akengera ogw'echishagala ch'e Babeli, chirya chikulu. achiinyweesa amamvu g'omu chikombe chaage, go mamvu go buhane bw'oburhe bwaage bunene. ²⁰ Amaju gooshi gahirigirha, chiru n'entondo zirhachibonekaga. ²¹ Enkuba y'olubula yahona oku nkuba, yachirhimba oku bantu. murhoonyi muguma gwaayo gwakaagi'pima biro makumi ganni. ago mango abantu baka jachira Mungu erhi obo buhanya bw'ololubula burhuma, bulya bwaali buhanya budarhi bweneene.