¹ enyuma ly'aho, nabona echindi chimanyiiso oku nkuba, chinene na cha kusoomeza: bamalahika nda balifumbasire mahanya nda. Ago go mahanya ga buzinda, bulya kuli go, kwo buhane bw'oburhe bwa Mungu buhwerire. ² Enyuma ly'aho, nabona erinka nyanja ya chiiyo, nchaange mw'omuliro; nabona nabalya bahimaga erya nsmba, bahima n'ensanamu yayo, n'olya izino lyaage liyeerekinwe na muganjo muguma. Baliyiimanzire hofi n'erya nyanja y'echiyo, banafumbasire enanga Mungu abahaga. ³ Bakaayimba olwimbo lwa musa, muntu wakoolerga Mungu. bakayiimba olwimbo lwoolya Mwaanabuzi. omuyiimba kwaabo baka derha mpu: " Nnahamwirhu Mungu ogala byooshi, mashi emikolo yaawe yakuzire eneli yakurhangaaza! Mwami w'embaga, Maashi okurheganya orheganya kuba kuba kushinganine kunaba kw'okuli! ⁴ Ndi orhankakuyobohire maashi Nnahamwirhwirhu? ndi wankalahire oku kukuza maashi Nnahamwirhu? bulya weene oba mwimana, embaga zooshi zayiisha, zayunama emalanga gaawe zikw'ikuumbe, bulya ebijiro byaawe bishinganine byana fulwiirwe n'obwalagale." ⁵ enyuma lyeebyo, nabona oku enyumpa ya Mungu eyiiguka oku nkuba. Omo mwo mub'ihema Mungu aba mwo. ⁶ balya bamalahika nda balifumbasire galya mahanya nda barhenga omweyo nyumpa ya Mungu. Baliyambisiibwe emishangi y'echitaani yanakaag'ilangashana. baaliyambirhe n'emikaba y'ennooro omu chifuba. ⁷ Chiremwa chiguma chamuli birya biremwa binni chahereeza balya bamalahika nda bikombe nda bya nnooro. Ebyo bikombe byali yunywiire buhane bw'oburhe bwa Mungu ozini ensiku na mango. ⁸ Eyo nyumpa ya Mungu yayuunjula mugi gwarhengaga omu bulangashane bwa Mungu n'omu buhashe bwaage, na ntaaye wankajiire omu nyumpa ya Mungu, nkaba erhi galya maghanya nda gamahwa. galya gaali dwiirhwe nabalya bamalahika.