¹ Enyuma ly'aho, nalola, nabona olya mwaanabuzi ayiimanzire oku ndtodo ye Suyuni. Aali booshi nabantu bihumbi igana na makumi ganni na binni. Abo bantu baali bayandi kwo izino lyaage, n'izino ly'ishe waage emalanga. ² nayuumvi izu lyarheenga oku nkuba lyabuli kashalala nka shalalo nneene za miishi, nka mulazo mudarhi mudarhi. Eryo izu nayuumvagya lyaali yoosire nk'izu lya bazihi ba Nnanga, gala mango baba baliziha olulanga. Abo bantu bihumbi n'ebihumbi bayiimangaga emalanga g'entebe, n'emalanga ga bilrya biremwa binni. n'emalanga ga balya baganda, bakaagiimba olwiimbo luhyahya. Ntamuntu wankahashire oku luyiiga nkaba balya bantu bihumbi igana namakumi ganni na binni bachungulaagwa en'igulu booki. ⁴ Abo bohe barhachiriraga kwo omuzirho gw'oshiimba abakazi, baachilanzire, baba buzira isheembo. abo bobashimbuliira olya Mwanabuzi ngasi ahaja nahooshi. Abo bobachungulaagwa kurhenga omu bantu mpu bahaanwe ba burhanzi kuuli Mungu n'oku Mwanabuzi. ⁵ Ntaaye chiru wabayuumvirhe batwisa echinwa ch'obushuumi, baali beeru kweeru. 6 Enyuma ly'aho, nabona owundi malahika ayisha abalala enyanya bweneene omu malunga. aali dwiirhe emyanzi y'omurhuula y'ensiku n'amango mpu aiyibwiire abantu bomu igulu, abangasi lubaganaba ngasi mulala n'abangasi luderho na ngasi bantubooshi. ⁷ Akaag'iderha n'izu lineene erhi:" Yobohi Mungu, muna mukuuze! bulya amango atwiira abantu olubanja gahisire chikuumbi owalemaga oku nkuba, n'igulu,. n'enyanja n'enshooko z'amiishi!" ⁸ Mlahuka wa kabirhi ashimbuulira owa burhanzi, aderha erhi:" Chahirimirage, chahirimirage chilrya chishagala chiderhwa Babeeli mukulu! chanyweesize mbaga zooshi omurhobo gwaacho, murhobo gw'oku gona kwaacho kukali bweneene!" ⁹ Malahika wa kasharhu ashimbuliire balya babirhi barhanzi, aderha n'izu lineene erhi:" Ooli wa chikuumba elya nsimba n'ensanamu yaawe, ahiirwe n'echimanyiso chaayo emalanga erhi oku kuboko, ¹⁰ Yeene wanywa omurhobo, gulya gw'obuhane bw'oburhe bwaage, lyo abulagiraga omu chikoombe ch'obuhane bw'o burhe bwaage, arhana jiraga mpu akagushanjira mwo amiishi! Ngasi bajijire ntyo booshi barhindibukira omu muliro gw'echibiriti emalanga gaba malahika baage n'emalanga gw'Omwaanabuzi. ¹¹ Omugi gw'ogo muliro guli gwarhindibuza, gwana yiinamuka ngasi lusiku. nta kurhamuuka muushi n'obudufu, kuli abo ba chikuumbaga era nsimbi n'ensanamu yayo, nangasi waahirwe echimanyiso ch'izino ly'ayo. ¹² Abantu b'omu lubaga lya Mungu balya bayuumva oku amarhegeko gaage gaababwizire, barhana lahiraga Yesu chiru n'eliguma, oyuumvagye echirhumire abo bagwasirwe bayeerekane obudima bw'obushibirizi bwaabo. ¹³ Enyuma ly'aho nayumva izu lyarhenga oku nkuba, lyambwiira mpu: " Yandika oku banali ba busiime abafiire, bala bafiira omu mukolo gw'a Nnahamwiirhu kurhenga buno!" Muuka gwa Mungu adesire erhi:" Nechi ntyo kwo binaali. Bahasha okurhamuuka oku mikolo yaabo mizibu, bulya aminja bajijire gaba lusize." ¹⁴ Enyuma ly'aho, nashubi lola, nabon olwikungu nlweeru, nakuli olwo lwikungu kwaali tamire Erimwa chishushire omuntu. Chali yambirhe ishuungwe ly'ennooro okw'irhwe, chifumbasire n'omugushu mwooji mwooji omunfuni. ¹⁵ owindi malahika arhenga omu nyumpa ya Mungu, ayakuuza n'izu lineene, abwiira olyaage walitamiire oku lwikungu:" Liika omugushu gwaawe, orheme bulya amango gw'okurhema gahisirage: igulu ly'ayeezire, ly'anarhemagwa!" omugushu ¹⁶ Ago mango olya walitamiire oku lwikungu aageza omugushu gwaage oku igulu n'igulu lya Humbulwa. ¹⁷ Owindi malahika arhenga omu nyumpa ya Mungu y'oku nkuba, naye aali gweerhe omugushu mwooji mwooji. 18 Owindi malahika kandi, y'ejira obuhashe bw'okurhegeka omuliro, arhenga ahirheerekerero. Ayakuuza n;izu lineene, abwiira olya walifumbasire omugushu mwooji mwooji erhi:" Liika omugushu gwaaye, otwe mwo ebihadu byemirhi y'idivayi y'omu igulu bulya amalehe gayo gakola gayeezire." ¹⁹ Olya malahika ageza omushu gwaage oku igulu, atwa ebehadu bw'emirhi y'idivai ly'omu igulu, abubikweeba omu mukenzi gw'obuhane bwo burhe bwaage buneene bwa Mungu. ²⁰ Bakandira ago malehe g'idivai omu mukenzi enyuuma ly'echigala. Muli ogo mukenzi mwarhenga emihuusi y'omuko, ya lumiira bilometre magana asharhu n'obuli bw'okuja e kuzimu, yali hofi metr nguma n'enusu.