¹ Enyuma ly'aho, nabana ensimba yarhenga omu nyanja. yaligweerhe hahembi ikumi nabirhwe nda. yaligweerhe ishungwe oku ngasi ihembe lyaayo, n'izino ly'oku jachira Mungu lyali liyandike oku birhwe byaayo. ² Eyo nsimba nabonaga, yali eshishire engwi, amagulu gaayo nka magulu ga nsimba ederhwa Ndubu (ours). Akanwa kaayo kaliyosire nka kanwa ka Ntale. Olya mujoka ayiha obuhashe, n'entebe yaage, n'emisi yaage mineene mineene. ³ Irhwe liguma muli galya marhwe g'elya nsimba lyaali shushire nka kuno lyaali beresire oluguma lw'okumuyiirha, Chikwoone echo chironda chishushire nka chakamuyiirha chaali erhi chafumire. igulu lyooshi lya somerwa bweneene, lyashimbululira eyo nsimba. ⁴ Abantu booshi barhondera okuchikuumba oyo mujoka, mpu kwenge anahire eyo nsimba obuhashe bwaage. Bakachikuumba n'eyo nsimba bakaderha mpu: " Ndigi oshushire eyo nsimba? Ndigi wankahasha okuyilwiisa? ⁵ Eyp nsimba yarhegekwa mpu ederhe ebinwa by'obuchiibone n'oby'okujachira Mungu. yahabwa obuhashe bw'okulola myeezi makumim ganni n'ibirhi. ⁶ Yarhondeera okuderhera Mungu kubi, n'okujachira izino lyaagen'ahantu abeera, n'ababa enyanya emw Mungu booshi. ⁷ Yarhegekwa mpu elwiise ab'olubaga lwa Mungu n'okubahima. Yahabwa obuhashe mpu erhambuule ngasi mulala, na ngasi lubaga nabantu ba nagasi luderho. ⁸ Ab'en'igulu boosho bachikuumba yo, kwokuderha oku baali balya bantu amazino gaabo garhali mayandi omu chitaabu ch'obuzine kurhenga okumurhondeero gw'igulu. Echo chitaabu chiri cholya Mwaanabuzi wayiirhagwa. ⁹ Muyumve bwinja, akaba mugwerhe amarhwiiri gw'okuyumva! ¹⁰ Owankaba aali erhi areganyiziibwe okushweekwa, okunali ahekwa chigorogo, n'owali arheganyiziibwe mpu ayiirhwa ne ngorho, okunaali engorho yo na muyirha. Yumvagyi echirhumire abw'amu lubaga lwa Mungu bagwasire bayeerekane obudima bwo bushibirizi n;obwemeere. ¹¹ Enyuma ly'aho, nabona eyindi nsimba yarhenga omw'idaho. yaligweerhe mahembe gabirhi gayosire nka mahambe ga Mwanabuzi, yabuli ka derha nka mujoka. ¹² Yakaakoolesa obuhashe bw'elya nsimba natanzi erhi ena hali. Yeseeza igulu n'abantu baamo booshi mpu bachikuumbe elya nsimba natanzi , y'erya yafumaga echiroonda chali chayiirha. ¹³ Eyo nsimba yakabirhi yajijire ibirhangaza biinji. Yakaag'ihonola omuliro oku nkuba, eguyandagalize en'igulu erhi n'abantu booshi bali bona. ¹⁴ Yahabula abantu b'en'igulu erhi ebirhangaaza yaali rhegesirwe okujirira emalanga gy'elya nsimba ntazi birhuma. Yakaag'ibwiira abantu b'en'igulu mpu bajire ensanamu omukungeenga elya nsimba yayagazibagwa n;engorho, chikwoone kurharhuma erha laama. ¹⁵ Eyo nsimba ya kabirhi yahabwa obuhashe bw'oku hir aomuka g'wobuziine omu nsanamu y'ensimba ntaazi, mpu lyo eyo nsanamu erhondeera ukuderha lyo enehasha uku kabayiirha ngaasi barhachikuumba yo booshi. ¹⁶ eyo nsimba ye seeza abantu booshi, abarho n'abakulu, abagale n'abakenyi, abaja n'abarhali bajaa, mpu bahabwe echimaanyiso oku kuboko kulyo n'emalanga. ¹⁷ Ntamuntu wankahashire okugula erhi kuguza nak'arhagweerhi echo chimanyiiso, kw'okuderha oku izino ly'eyo nsimba erhi omugaanjo guyumaniine n'eryo izino. ¹⁸ Aho ho harhumire omuntu akwaniine okuyereekana obudima bw'obukengukwe. oli mwenge anahasha okumanya ogw'eyo nsimba, buulya ogo muganjo nguyumaniine n'izino ly'omuntu. omuganjo gwaage gali Magana ndarhu na makumi gali ndarhu na ndarhu.