¹ Enyumwa lyaho mwami Aswero amuyushulira obukulu Hamani mwene Hamedatha mwagagi anamuyinamula amauhebera echitumbi chyage enyanya lya abakulu boshi bali haguma naye. ² Nabalya bakozi ba mwami boshi bakâgi tamala oku muhango gwa mwami bakayunama abanakafukama erhi Hamani abaire agera, bulya ntyola kwo mwami alibaregesire okw'iyo myanzi yage. Chikoki Mordekayi arhayunamaga erhi kufukama. ³ Hoshiho bambali ba mwami bakâgi tamala oku muhango gwa mwami, babwaira Mordekayi, gurhi wehee orhaka keknga irehegeko lya mwami? ⁴ Erhi bachiba bamaka mubwira ntyo ngasi lusiku arhanabayumvagya, babwira Hamani, lyo balola erhi Mordekayi arhayobohe, bulya akagi babwira oku yehe aba Muyahudi. ⁵ Erhi Hamani abona oku Mordekayi arhayunama arha nafukama, ababurhe bwenene. ⁶ Erhi abona oku arhakaniga Mordekayi yene, bulya anakola amanyire obuko bwa Mordekayi, konoko Hamani alonza okuniga abayahudi boshi balamaga omu bwami bwoshi bwa Aswero, balya abantu ba Mordekayi boshi. ⁷ Omwezi gwa burhanzi, gwo mwezi gwa Nisani mwaka gwa kali kumi na kabirhi gwa mwami Aswero , bashurha puri, balagula enyungu emalanga ga Hamani ingasi lusiku, na mwezi oku mwezi, kuhika mwezi gw'ikumi na kabirhi gw'omwezi gwa Adari. ⁸ Hamani anabwira mwami Aswero, hali ulubaga luguma lwashandakine lunalamire eyi n'eyi omukarhi k'embaga zilama omu bihugo byoshi byeno mwawe. na behe amarhegeko gabo garhashushini n'amarhegeko g'ebindi bihugo, barhanakenga oku odesire, chochirhumire okubalekerera kurhakuhe bukenge buchi. ⁹ Honaho mwami nka ankabona bwinja ayandike oku banigwe, nani nalyula talanta bihumbi ikumi bya nfaranga okubalya bayimangira ogw'omukolo, bazibikire omu muhako gwa mwami. ¹⁰ Lero mwami ahogola olupete lwage omukoboko kwage aluhereza Hamani mwene Hamedatha, mwagagi mushombanyi w' Abayahudi. ¹¹ Buzinda mwami abwira Hamani, ezo nfaranga ohabirwe, n'abantu, kolaga mw'okusimire, n'okubwine kwinja. ¹² Lero abandisi ba mwami bahamagalwa, olusiku lw'ikumi nakasharhu lw'omwezi gwa burhanzi n'amaruba ganayandikwa nkakulya Hamani anabarhegekaga bwoshi, n'abashamuka boshi bali omu ngasi chihugo, n'abakulu omu ngasi lubaga, ngasi chihugo oku mwandiko gwage, na ngasi lubaga oku luderho lwabo, gayandikwa okw'izino lya mwami Aswero, ago maruba gahebwa kw'akashe kw'olupeta lwage. ¹³ Amaruba gahebwa omu maboko g'abaganda kuhika omu chihugo choshi cha mwami. gadesire oku banige abayahudi boshi; oku bayirhe bayirhe emisole kuhika oku bashosi, bayirhe abana barho n'abakazi boshi, lusiku luguma kuderha oku lusiku lw'ikumi nakasharhu lw'omwezi gwa Adari, n'okurhola ebirugu byabo mpira. ¹⁴ Omwago maruba mwali chihugo chiguma chiguma ch'aliyandisirwe ngasi chihugo, galalikwa omuchihugo choshi oku bachikubule oku okw'olusiku lw'onanene. ¹⁵ Abaganda abanagenda duba duba okw'irhegeko lya mwami, omulaliko gwaka gera duba omu Shushani omw'ismikiro. Mwami bona Hamani batamala bali banywa omurhobo, olugo lwa Shushami lwadundagana.