¹ V 1 Okubindi, oburhe bwa mwami Aswero bwamaja bwa rhulilira, akengera Vashti n'ankakulya akolaga n'okuajirirwe. ² Lero abakozi ba mwami bamubwira erhi, weliha nnakuno rhwakulongeza omunyere w'iranga linja. ³ Orhegeke omu bihugo byoshi biri eno mwawe bashoboze abanyere b'iranga linja babahandise omu nyumpa y'abagili oku burhwali bwawe e Susi eCibwindi Hegayi, okola omunyumpa z'abagoli âkabalanga akabaha n'amavurha bachishige. ⁴ Omunyere wakasima muli bo ayishiba mugoli aha Vashti ! ogo muligo gwa simisa mwami lero anakujia. ⁵ Okuburhwali e Suse kwali muyuda muguma izino lyage ye Mordekayi, mwena Yairi, munjukulu wa Shimeyi wakulikishi w'omu mulala gwa Benyamino. ⁶ Mordekayi agwarhagwa e Yerusalemu haguma n'abandi bantu bagwarhagwa mpira kuguma na mwami Nebukadnezari w'Ebabeli agwarhaga. ⁷ Mordekayi ajaga alera munyere muguma izino lyage ye Hadas n'erindi lyage ye Esteri, Esteri alimuzala wa Mordekayi oyo munyere yali nfunzi, erhi ajira iragi linja ishe na nina bali bafire, Mordekayi amuheba aha mwage akamulera. ⁸ Erhi bayumva oku mwami arhegesire, baheka abanyere e Burhwali, Esteri naye abagenda mwo, babalangisa Hegayi ye chibindi wakagi kola omu nyumpa z'abagoli. ⁹ Hegayi arhonya oyo mwananyere, arharhindikiraga, amuha amavurha aka chishiga na ngasi bindi bimushinganine, Amuha abajanyere nda alondolaga omu banyere bakâgijira emikolo omu burhwali, amuhandisa omunyumpa nyinja yahali haguma nabo bajanyere. ¹⁰ Esteri arhali asigi manyisa chiru n'omuntu muguma oku aba muguma w'omu mulala gw'Abayuda bulya Mordekayi ali erhi amuhanzize. ¹¹ Nangasi lusiku Mordekayi akâgija omu ngô y'enyumpa Esterie ali hanzire mwo ajayumvirhiza gurhi Esteri oyosire, lyo hakajira okwaba Mordekayi ayishimanya embere z'akasanzi. ¹² Omwaka gwahwa erhi nabalya banyere kuchishiga bachishinga emyezi ndarhu mirhanzi, bakachishiga amavurha genshangi n'eyindi ndarhu y'enyuma bakachishiga amavurha g'amalashi n'agandi g'okukwamanya emibiri y'abakazi; erhi ebyo biba byamaba, ngasi munyere akahuluka kwage ajichiyerekana emunda mwami Aswero ali. ¹³ Amango ngasi munyere aja emalanga ga mwami, akâgi hagwa ngasi ngasi hyoshi hy'okuchikwamanya anahunyire kurhenga omunyumpa ahanzire mwo kuhika aha burhwali. ¹⁴ Anagende bijingo, na sezisezi agaluke ashubire omuyindi nyumpa y'abugoli yaliimangirwe na Shaashigazi y'emwimangizi wa mwami na kandi ye kâgijira emikolo omw'eyo nyumpa; nanta munyere yeshiyeshi wankachigalusire emunda mwami âli nkaba erhi mwami amamusima. ¹⁵ Lero lusiku luguma go mango Esteri mwali wa Abihaili, owakagi lerwa na muzala wage Mordekayi ali akwanine okuja omu mwami ali; achibobolera ahaburhambi bwa mwami, nta kandikantu ahunyire kuleka ebi chibwindi Hegayi wakâgi kola omu mw'abagoli anamuhire byone; Esteri asimwa abamubonaga boshi bamusima. ¹⁶ Omu mwazi gw'ikumi gwa Tebeti, mwaka gwa kalinda gw'oburhegesi bwa mwami Awsero, go mango Esteri ajaga omu mwami ali. ¹⁷ Mwami asima Esteri kulusha abandi bakazi boshi ali amabona, omurhonya kulusha abandi banyere boshi, anayambisa Esteri echimane cy'obugoli omw'irhwe abamugoli ahali ha Vashti. ¹⁸ Mwami alisa idinye ahamagala abarhoni, n'abarhambo olusiku lw'okurhamuka erhi Esteri orhumire, mwami aja abaha bgasi muguma eyage ngalo. ¹⁹ Bashubuza abanyere bwakabirhi, go mango Mordekayi aligwerhe emikolo aha bwami. ²⁰ Esteri arhali chimanyisa muntu yeshiyeshi ok'abaga w'omumulala gwa Abayudabulya Mordekayi alimuhanzize; Esteri akâgishimba amahano ga Mordekayi obwo nk'oku anabwiragwa kurhenga aleregwa na Mordekayi. ²¹ Omw'ago mango erhi Mordekayi alijira emikolo oha bwami, ayumva Bitgani, na Tereshi bombi bâli balalizi ba mihingo oha bwami erhi balibalind'oku bayirha mwami bulya baligayire enyanya z'okuba mwami arhachîbabonaga kwo. ²² Mordekayi amanya, anabwira Esteri, lero Esteri ajibwira mwami oku Mordekayi ayumvagya. ²³ Ogwo mwanzi bagusingiriza; bayumva oku kw'obinali, abo balalizi bombi bamanikwa oku murhi, mwami arhegeka mpu bayandike ogwo mwanzi omu chitabu ch'ebyakâgijirwa omw'echochihugo.