¹ Dhongi akutukiliaga mani ? kedhe ndia kubbisaga tondi subanu ? kee kabbe nali mulima ndianu sa bala yo neyoo andulu tangala kandulu ndiakubikisaga bulemo ngunguanu ? ² Bbukuekumbulaga noho bbukuli nakima ; bbulibbaoli na bbatwa hini, kedhe bbukukutoka ena kima ; ndianu ali bbisa bbulemo na dongi, noho mukuli na kimabaa, nanga bbukukungasa. ³ Bbukukunga, na bbu kukuena baa, nobbuli kabbala ku umadhisilia ndianu ka kozuanu ukaka. ⁴ Bbatwa ngidabenu, we bbukuibi nesindie balandia kagwa bbimba andi ngigu kowa Mambombi ? ye dumbino mindiakubala bbaki bbatwagwa bimbaho epesi bbaki nkumi ngigumindia Mambombi. ⁵ Bbukuelilikana eti ndiabba handika aongi binjo kitelu ? mulima ndiali subbanusa hini andu ndia Mambombi abbutu kisaku mulima ndiabbi subbanu. ⁶ Akipesi kobbu biai kanesio ndietolo nkisa sa mani ; andulu ndiadhu ndiabbandika nagi bbiyo : Mambombi kabalani na bbatwa kuekubbia, noho akubbupaga nkisa bbo bba noti. ⁷ Bbungbeise kiseno Mambombi, bbungaye mulimo, dhumbi akibbutetiabe. ⁸ Bbusekedhane biasa Mambombi, naya dhumbi akibbudabia. Bbuweli kibboko ndianu, bbakoli zidhi ; bbuesikieku ka mulimanu, bbatwa mulima bbali. ⁹ Bbueyunge dhee bbugame ; bbubbe subba kukuwa dhee na kangamu ; tebo ndianu agalingane baikukuwa, dhee dhedhelwa abbe zigidhilwa. ¹⁰ Bbudote subba nkumaso, akibbuzuna. ¹¹ Bbukuluo ngiliana ndializidhi subbanu, bbatwakunama. ye mindiakumuongabbe zidhi moti ka namaki, kedhe tiniliaki musango, aongi zidhi kowa kilagilo natinilia kilagilo musangu, kunino, kutinilia kilagilo, uwe kuli mindiali na kilagilo, noho uli ntini musango. ¹² Mindiagbo kiliani tina musango alimoti tedhe iye mindia kutoka zuna dhee na bbulisaka ; noho uwe, andue ani, satinilia ndibbekina ? ¹³ Kowanu endindi, mukugia eti : lelu kedhe uma kikiya ka kialoho gbolusi, kikidhakiaku saga moti, kidhetiliageku kola poni ndiekibalio, na kikiena kima biai ! ¹⁴ Bbenu ndibbe bbukuibi ndiakubika uma ! buuye muliki ndianu ali bboni ? bbenu bbiaheyo ndiaku bbika atodhe abbulebe. ¹⁵ Bbubbu kugiaga biyo : kabba Mambombi nabbali, kikibbabe, dhee kikikola yoyoho na yokoi. ¹⁶ Noho endindi bbuli ka kwetonga dhee na kupesia nguko subba kuulilikana ndianu mazinana. kwetonga pooni sienzo alizidhi. ¹⁷ Dhumbino ye mindiaibi kola amabonga, toli keekakolebbu, akoli nsobia.