¹ Bbanamani, kalakibbaku subba nu bbanpka bbamabbika ibba kakwebhisa kaegesa, nanga bbuibhe kikitinibhwa musango bbiani sini. ² Nanga kilumbibhuwa bbesu poni ka nesio katikati. Kabba npka kakilumbibhuwa ka loki abbi muluku mabbongo, mindya kitoka bhisa kozoaki poni. ³ Kabba nikikibhisa nguwa kananoko ndyabbanyama addulu bbakioke, kikaekisa kozoabo poni. ⁴ Onzibhe, bbabbuati, ndyali gbolusi na ndyaka kumbebhua na heyo akaisibhua na mikya kima tuti, kabhala ndya ngene. ⁵ Ddedde, na ddaka alikozo tuti, na etangi kugbuku, onzibhe bbya mikiakala tuti asobholi sumba gbulua mabbili. ⁶ Ddaka nau alikala, gwabbimba ndyabbakoli ziidi. Ddaka alikakozo bbesu, akikuza kozoponi, na akiluli sa subba bbuliki, nkumesi, kala ndyaka ddakililia. ⁷ Yasi poni sabbanyama nabbambulu, na bbanyama bboponi ibbaki ddetaga na kikubha na bbanyama ibba kalibbo bba bboibhua na bba bboibhua na gwabbimba ndya bbanpka. ⁸ Noo ddaka, kalibhe npka kakitoka bbuai mbela kengekabbe na umuli, nanga alinakima maoola. ⁹ Keeye kibbe nakiso nkumasi abhasu, na keeye kibbugali bbaluku ibbakolebhu na kwenyananaga na Mambombi. ¹⁰ Kananoko nzoo akioliaga looki mabbonga na mazinana. Kagbokiliani, bbanamami, kalakibba bbinzo. ¹¹ Alibhe nsulo ndyakibhikisa libbo mabbonga na libbo madiela ? ¹² Lugandami, gbutuamili akito bbokota ndya kali dayi ? libbo mazinana kakito kakisobhola bhikisa libbo maswala. ¹³ Mindyamani subbanu alitwakanzi na mindiaibhikima ? aanise kima ndya kolio kangelio mabbonga na likimana sa kutuakanzi. ¹⁴ Noo kabba bbukubba na ini kamulima ndyanu makalama na mulima sa ddongani, kuli kwengukisa na bbulikopesia mbela kamazima. ¹⁵ Kutuakanzi kalindyatukigulu ; noo alindya gwabbimba, nasaiini, ndyamulimo. ¹⁶ Nanga kindya iini alio makalama na mulima sa ddongani, alibhe bbusu usu na kima poni mazimana. ¹⁷ Kutuakanzi ndya gulu addulu mabbonga, ndya gbokilania, sa ganilia, matuma na ndyakibhikisa mbukai emabbonga. ¹⁸ Mbukai sa mazima akunibhusubba ddaiddai kabbe ibbaka bbala ddaiddai.