¹ Bbanamami, hikia ndiamu subba nkumasu Yeso Kilisito nkumasuntwa nguko kalakubba sa sindililiaku bba mbka. ² Nangano, museinjo, mbka kangila kankanisa ndianu mindiali na mpete sa feja nangoye ama bbangikana, buye na kako agodhe nalolanagi mujangu ; ³ Ti, bbenu bbukunziba miyo mindialolanagi sa bbuloleho, bbungieti : uwe, ulike meheka mabbonga ! buye bbukungia nakoho : uwe, ulike notelemi kedhe ulike ka mbakati kusisami, ⁴ Buye bbenu bbakumesi bbukubikisimbe tambulana, subbanu na kuebisa subba bbahenulili bbatua kuelilika zidhi ? ⁵ Bbudke, bbana, ami ndibbe ni bbundio sini : Mambombi ke bbuelia bbanako keiswa gwabimbaho eti sekina bba bbe bba gudha swa hikia, na bba bbokuma kusalia ndialakisana kowa ndibba bba balio ? ⁶ Nolo gu bbenu bbu mbelimesi nako ! kali bba gudha njo bbagai sanu na kibbililianu ka mbamba tongana ? ⁷ Kandibbo bbenjo bbasekagi inamabbonga ndia bbueka bbainai ? ⁸ Bbukutumisa kilagilo toto, nesindie bbaandika : unkunde mindiakuli bia bbiewe nkumi, ukoli mabbonga. ⁹ Noho kuetambulisana na bba mbka, bbukoli nsobia, kilagilo abbugbei ibbia abbakolizidhi. ¹⁰ Nangano ye mindiagbei bilagilo noho kabbu nabe kilagilo motitedhe amesi sobbia keyo poni. ¹¹ Kiseno, ye mindiayonga : kulukubba na ngidha, dhee agieti : kulukubba wa ngidha, dhee agieti : kulubba muoli. nanga, kekubbe na ngidha, nogunolia muoli, uli mbuni kilagilo. ¹² Bbenu bbuonge na kolabbia bba mbka ndibba bba kubba na musango ka kilagilo sa bbana bbuliki mabbonga, ¹³ nanga musango kalina kobu kowaki mindia kaanisani kobundhou kobu ali na dedelwa gwa musango. ¹⁴ Bbanamami, ali na mugaso tina koaki mindiagi ti ali na hikia, kee ka bbe nendie bazibilibe ? hikianjo akutoka zunaki ? ¹⁵ Kabba namaki moti na nsika nkali moti bbali ndumbu na bbakali na lieli katolo poni, ¹⁶ ti moti subbanu kabbugieti : bbuye bbudhedhelwe, bbuotekala na bbukute ! kunigu kubbupesi ndiabbu gbokilianio kakozo, injo obbukoliliki ? ¹⁷ alino bbinjo hikia : kengekabbe nendia aanisanio, akua nkumesi. ¹⁸ Noho mindietolo akugieti : uwe : uwe, uli na hikia ; nemi nili nendia ku anisa. Unianise hikia ndiako ndiakali nendia anisanio, nemi nkukuanisa hikia koa milimosi ndienianisanio. ¹⁹ Oibi nesindie Mambombi aliamoti tedhe ? ukoli mabbonga ; na bbalimo bbaibi bbinjo dhee, na titilabbo. ²⁰ Okubala iba, uwe mbka mindie kulikima, nesindie hikia kanga anisanai ali kitelu ? ²¹ Ibraimu, abasu, abba ntuamazima ka totua ndianisana ndiampesiaku mikimindiaki Isaka bbembaki ? ²² Uzibia hikia akola mulimo imamoti nendia anisana, na nesindie hikia njo aibikana sinika nesio sa mulimosi, na ka kuanisana sa hikia alikau welikana. ²³ Na tumisiliza bbiani ndiabbandika : Ibulaimu amuesigia Mambombi, dhumbi na kumbalaku bbaki ntua mazima, na bbakibbotwa Mambombi. ²⁴ Ozibi nesindie mbka aibikani katotwa ndiakuanisana, kee kabbe ka hikia ukaka. ²⁵ Rahab dhee nsiani bakambalilia mazima, ndia bbuhikia bba kuenda na kolisa bbo ka nesio ndietolo ? ²⁶ Nesindie kozo kanga mulima akuo, na ali bbinjo hikia kanga kueanisana nau akua.