¹ Kowanu indindi bbagudda ! bbugame na kuyunga, nanga kimaziddi ndyakabhikai kowanu. ² Bbugudda ndyanu aholia, na bhongo ndyanu alibhu na bbahehendu. ³ Feza ndyanu na mbangana ndyanu alikumoma, na moma adakubbuanisa nau akulia kozo ndyanu bbyakala kwebhisilia mbambana katolo ndyaka ddakilia ! ⁴ Mendu mpela ndye bbubbui mabbakoli ndibbanu ndyakatiko ndyanu akaangamu bhala ndyabbaoli adoyi kakitoi ya nkuma bbabhuddu. ⁵ Bbukoli kimaziddi ndya kagwabbia na ddeddelua subbatangala, na bbuleisi mulima ndyanu bbya katolo satina. ⁶ Bbuchueli musango, bbuoli mazima, na kali na mpaka na bbenu. ⁷ Bbubbe na mulima saguma, bbatualuganda doisa ka bhikaki nkumasu ; bbuzibbe nkoli abbundili ndimo ndyaka dduuddu, nkoli abbundili, doisa aenembula ndyakateketa na ndyankumasu alibhia. ⁸ Na bbenu, bbubbundilie, bbupesie maani kamulima ndyanu nanga bhika ndyankumasu alibhia. ⁹ Bbukulu kunyegelena bbehe ka ndibbekina, bbatualuganda, kaddakilia bbakalakubbutinilia musango : mendu ntini musango alinampume. ¹⁰ Bbugbe, bbatualuganda, kowa enyananisa sa mwenabbusu naguma ndya bbanabi ndibbabbaonga keina nkumasu. ¹¹ Bbuzibhe, kibbutolia alina nkisa mindyabboi mulima. Bbukuoka makusa bbuwamulima ndya yobu, na bbutangia ddakilia ndya Amambombi ndya nkolilia, nanga Amambombi atuminaganilia na maha. ¹² Namusasa kimaponi, bbatualuganda, bbukulukulahilia kowa gulu, na kowa guabbimba, kolokulahilia kimaponi, bbala ndyako abbe bbala, na koma ndyako abbe koma, nanga kolo kwegengia subba tinibhua musango. ¹³ Moti subbanu alikamwena bbusu ? ankungemoti mundyali kaddeddelua ? alimbe limbo. ¹⁴ Moti kowa bbenu alualia ? abbueke bbazale ndibba kankanisa bbankunge kaki, bbansiebbe moula keina nkumasu. ¹⁵ Kunga sa hikya akunjuna muluaye na nkumasu akumumeisaa ; na kabba nasobbia akuganyilia. ¹⁶ Bbusikieku bbamoti kowa ndibbekina na kungiana ibbekina kowa ndibbekina, kenge bbukulamembe. Kunga ndyali kamazima na maani. ¹⁷ ELia abbi mulukumoti mundyabbi nangelio tabbi ndyabbesu ; nakukunga namaani mbula kalakiddoka ; nambula kaddoka guabbimba ka saga salo na sungi doundyekina. ¹⁸ Dumbi nakutoddakunga doundyekina na gulu nakudduelia mbula ; dumbi guabbimba nakutanisa mbuka. ¹⁹ Bbatualuganda, kabbamoti kowanu kabbulua mazima mundye tolo ambikise. ²⁰ Bbuibhe nesindye mundyakimbua moti subbanu akuzuna hikya sakuwa na akubbuzuna bbapka bhiabbo.