¹ Kabba nibbuhumbuki imamoti na Yeso, bbubhale kima ndyagulu, kindya Yeso alikagiyo kakibboko. ² Bbubbise kulilikana ndyanu kakima ndya gulu, kali kakima ndyali guabbimba. ³ Nnaga bbukua, na gbuliki ndyanu asomebhu na Kilisito bbuliki ndyanu asomebhu na Kilisito subba Amambombi. ⁴ Kabba Kilisito bbuliki ndyasu, keenikana, nabbenu bbukueni kana imamoti naye subbanguko. ⁵ Bbuole kozo ndyanu ndyali guabbimba, sihana, dduddu tangala amaziddi, kulilikana amaziddi, na kukumbula andulu lamia molimoli. ⁶ Nangeinjo kiniga ndya amambombi abhiki kowa bbaniki bbamakuoke, ⁷ subbainjo na bbenu bbuddetaga kalakambono ndyebbutuliki kasonia. ⁸ Nakabbe endindi bbudduane na kimainjo ka kimiga, nazigi ddilua kalamaga sekaga na loki amazissi ndyasobholi tuka nanokoanu. ⁹ Bbukulukutoliana mbela bbenu ndibbebbulutuki subba nkpa zaliaki na mugendio ndyaki. ¹⁰ Na bbumuloli nkpa mpyaka mindyehahulio, subba ibhikana, kanyanamaga kamundyambongosia. ¹¹ Kalibhemehe ngiliki kedda Yuda, keddandusu, kalibhengeni kedda mundya kaibhi kima, kalibhe nsiana na mundyakalinsiana noo Kilisito aliponi na kapooni. ¹² Na andulu, bbyabbabbuebhuo na Amabombi, bbahikilizi na ndibba bbabhalibhuo bbuloke mulima sa ganyilia, kubbonga, ddota, dakiaga, bbua mulima. ¹³ Bbuganiliane bbenu kowa bbenu, kabbamoti nali na kiniga kowa daki agbokiliani ganyiliana nesi Kilisito abbuganyilia bbuganyilia bbinjo. ¹⁴ Na guaiyo poni bbulole bhala ndyali mpungo samazima. ¹⁵ Na daidai ndya Kilisito, nanga bbuekebhua bba kozomoti, ndyakulika subba milima ndyanu. Na bbuibhe. ¹⁶ Na loki ndya Kilisito alikesubbanu bbyani ; kangeso napana kitinisa na egisana kutuakanji, kazabuli na kalimbo sakialo, na kalimbo sa mulima amawelikana, bbulimbe ka Mambombi subba mulimanu kusia humulikana sa kobbu. ¹⁷ Na bhulikima ndye bbukukola, subba loki, kedda mugendio, bbukole poni keina nkumasu Yeso na bbalokowaki kola sakobbu kindya Mambombi abhasu. ¹⁸ Abbakali, bbubbuddotilie bbamunya nesio abhalibhuo subba nkumasu. ¹⁹ Bbaluku bbubbubhale bbakali ndibbanu, bbukulukubba nakiniga nabbo. ²⁰ Bbaniki, bbubbutie bbabbokoti ndibbanu, nangenjo andulu ndyagbokilianio kowa nkumasu. ²¹ Bbaabha, bbukulukubbuddonga bbaniki ndibbanu, nanga bbangisabbo na sikisiabbo mbusa. ²² Bbakwenda, bbubbutie, bbegisi ndibbanu subba kimapooni, kalii keiso, na kamulima amaddota, subbatia nkumasu. ²³ Pooni ndyebbulikalayi, bbukole kamulima amabbonga, bbya kowa nkumasu na kali kowa bbakpa. ²⁴ Na bbuibheti bbukutunga kowa nkumasu mwandu sa kwesima kolilia Kilisito nkumasu. ²⁵ Nanga mundya kukola kimaziddi aibhe naye bbakunkolilia kimaziddi kalibhe ganyilia.