¹ Nibhali, kaddakilia, bbuibhe nesi ali gboluwa bbulemo nga ndie nkibbuyambaga bbenu, nabbee ndibbo bbali kalaodikia nabbee ndibbo bbakatangya usoami nalibhe munoke, ² andulu bbabbeku mulima sakwe gumisa, andulu bbegumbanise bbenkumi, na bbatumeku magezi saibha mbubbu, saibha Kilisito, ³ nakisomo sa akili sabbatuwa mugaso ndibbo bbesomio ka apibbo. ⁴ Nigiti andulu npka kalakubbudima naloki ndya kubbugodasa kakima mazinana. ⁵ Nanga, kabbakabbe ninili kakozo, nili nabbenu ka molimoli, jibhana sa ddeddelua mabbonga ndyali subbanu sabbu toki ndyabbuliku, nahali namotaga ndyanu sahikya ka Kilisito. ⁶ Andulu, nasi bbumpokeya nkumasu Yeso Kilisito, bbumamikane naye. ⁷ Bbubbe milisabbualiki subbaye, na kwemeisa sa subba eye subba hikya ndyanu, nesi bbabbu hegisa bbinjobbinjo, mukia na musa ka kwepesiaku na kwesima. ⁸ Bbujibhe nakabba npka moti kalakutoka yalisananu bbenu kamagezi ndyaki sakitelu nabbulua akili ndyakitoto, kangeso ndya bbanpka, ka ongi ndyali gwabbimba, ndyekalika Kilisito. ⁹ Menemene subbaeye akilikaga nalintwa mazimatoto poni ndya Amambombi. ¹⁰ Bbuli naye bbuile poni, andiesalia sakimaponi nakungbeku poni. ¹¹ Subba eyye nabbenu bbulugodi kaliamba ndye bbaka kukozaga kibboko, kaogisa kozo sa nyama, naliamba ndya Kilisito : ¹² eye mundye bbamulumba naye kabbatizibhwa, nabbenu ddee bbuumbukia, naye naye, na hikya samani ndya Mambombi mundya amuumbula kakukua. ¹³ Nabbenu ndibbio nabbuku nanga bbisobbi ndyanu na munoku sakisusu, akipesya bbuliki naye, na akikolelia nkisa sobbiya ndyasu poni ; ¹⁴ ndya teketa lima ndya handikua zu sasitaki yasu nampaka ndyaduaga bbikilika gebhe tode bbesu, na abbomola kaddalia na musalabba ; ¹⁵ ndya teketa bbuibhe kusalia poni na bilagilo poni na kweyanisa tonono nakye hikya kamusalabba yoo. ¹⁶ Dumbino, npka kalakubbutinilia musango kaliaga ndyanu na kanuandyanu naga zu sabbilo bbikulu, kedda kauwa sungi kadda kaddakililia sungi sabato. ¹⁷ Andulu kima sayoo ahikili kima samugaso ndya dakuvika, yoo kozo ali ndya Kilisito. ¹⁸ Bbenu npka kalakubbubbwelia feza ndyanu sadota ndyanu ndyebbulinai kabhala ndyaki yenkumi, nalamia malaika, nakwebhisa subba hanula ndyaki nakwe panka kitelu ka hakili ndyaki ndya alikakozo ndyaki. ¹⁹ Eye mundye ka gbeliaga muukoaki, kindyaki konyakozoponi na kagbananisa ndya lunginisia kozo. ²⁰ Kebbani bbuumbuka mamoti na Kilisito ka kima ndya ligwabbimba, alisekinibwe bhisi gwabbimba na kilagilo, npka mundyaliki gwabbimba : ²¹ kolo kugba ! kolo kukinga ! koloku kumabhee ! ²² Kima yoo poni aluzukania kambono sakozesai, natombeleya bbilagilo na mafundisho ndya bbanpka ? ²³ Kima yoo enekania nesi alikutua kanji subba lamia sabhala ndyabbo bbenkumi, nasubba dota, nasubbaibhikana subba kozo ndyali nakili, kandi kabhali kimazu sakingilia tangala sakozo.