¹ Mwegesi, Ubbubbalisane kabbakoli nbbako ndyalindie menemene na ndiali ddedde, ibha nisi na bbenu bbuli na mwegesi mindiagulu. ² Bbulebbhe kakunga, bbuzibhe imamoti ka nkisa. ³ Katomono bbukunge kabbesu, andulu Mambombi aukudde kabbesu kikuku kaloki, andulu nibbutolie abbibbo ndya Kilisito, nangaye nigbeibhua. ⁴ Na toliake nisi nkionga naye. ⁵ Bbuye na kutuakanzi kindya bbee ibbalikachenge, na kangabbulisa mbono. ⁶ Na loki ndya abbee na ekeseibhuwa na kobbu, ddumbi bbiibhanisi agbokilia sikiaku bhulinpka ⁷ Tikiko mindiobhalibhua na mindya gbokilania apibbo, mwekisi mindiamo kamulimo subba nkuma, adakibbutolia poni ndyanigbokilania. ⁸ Nibhalitikaki kindiabbenu, andulu bbuibhe nisikilio, na abbuumulise mulima. ⁹ Nintiki nesimo, mindiagbokilania na mindibhalibhua, namami alimindiabbenu, bbadakibbu tolia poni ndiakolikuna. ¹⁰ Aristaiko, mwekisi mindyamo na mindiagbeibhua, abbumatisia naye maliko, nukua balanaba, kamina ndamani bbueni bbilagilo (aiya kindiabbenu, bbumuikie) ; ¹¹ Yeso, nakimweka yusto, abbumatisia ddee, bbalikabbee ibbatinibhua, na bbokaka ibbakoli neemi ka kusalia gbolusi ndya Mambombi, na ndya niumulisia. ¹² Epafra, mindiabbenu, abbumatisia : nkoli mindya Yeso Kilisito, kaddumbe luanililanu subba tali andulu mawelikana na matuma nakibbubbalisa, bbumote subba oka kabhala ndya Mambombi. ¹³ Nanga ikinpesia bbukaiso, alina gbolua kuepesiaku kabbenu, laodikiana. ¹⁴ Luka, nzanzibbi mindiabhalibhuo abbumatisia, na demasi. ¹⁵ Ubbumatise bbanamasu ibbali laodikia, na nimfa na kakanisa ndyalika ndabbo ndyaki. ¹⁶ Ndia bbaluwa ndyaki somebua kindyabbenu bbukole manipone asomebhuwe ka kanisa ndya laodikia na bbukole mani asomebhuwe abbuduebhe ka loadikia. ¹⁷ Na otolie arikipo abbundilie mulimo ndoenia subba nkumami andulu akole emabbonga. ¹⁸ Nibbumatisia, emi Paulo, kakibbokuami nkumi, bbukanili kubbonga ndyamu na kobbu abbe na bbenu !