¹ Byuk'urabagirane, kuk'umucyo waw'uje, kand'ubgiza bg'Uwiteka bukaba bukarasiye. ² Dore umwijim'uzateikir'isi,umwijima wicura burind'amahanga; arik'Uwiteka azakurasira, kand'ubgiza bge buzakugaragaraho. ³ Amahang'azan'umucyo wawe, n'abami bazagusang'ubyukanye kurabagirana. ⁴ Ubur'amaso yawe, urarangany'urebe; bose baraterana baza bagusanga, baj'ah'uri; abahungu bawe bazaza bahagatiwe. ⁵ Ni h'uzareb'ugacya; umutima waw'uzikanga, hanyuma waguke; kuk'ubginshi bg'ibiturutse munyanja buzakwegurirwa, n'iby'ubutunzi bg'abamahanga bizaz'ah'uri. ⁶ Amashyo y'ingamiya azakudendezaho, ingmiya nti z'i Midiani n'iza Efa. Zose zizaza zituk' i bavu, zerekan' ishimwe ry'Uwiteka. ⁷ Imikumbi y'i Kedari yose izakoranirizw'ah'uri, amapfizi y'intama y'i Noboati azagukerera; azurir'igicaniro cyanjy'ashimwe; kandi uzubahiriz'inzu y'icubahiro. ⁸ Aba ni bande baguruka nk'igicu, bakamera nk'inuma zisubira mu madirishya yazo? ⁹ N'ukuri, ibirwa bizantegereza, n'inkuge z'i Tarusisi ni zo zizabanza kuzan' abahungu bawe zibakura kure bazan'ifeza n'izahabu byabo kubg'izina ry'Uwiteka Imana yawe, uwera w'isiraeli, kuko yakubahirije . ¹⁰ Abanyamahanga bazubak'inkike zawe, n'abami babo bazagukorera; kuko narakaye nkagukubita, ariko none ngiz'imbabazi ndakubabarira. ¹¹ Amarembo yaw'azahora yuguruw'Iteka, ntazugarirwa ku manywa na n'ijoro, kugira ngw abantu bakuzanir'ubutunzi bg'amahanga n'abami bayo ar'imfate. ¹² Ishyanga n'ubgami bitazemera kugukorera bizashiraho; ni koko ayo mahang' zarimburwa rwose. ¹³ Ibiti by'icyubahiro by'i Lebanoni bizaz'ah'uri, imyerezi n'imiberoshi n'imiteyashuri bizazira hamwe, kugira ngo birimbish'ubuturo bganjye bgera, kand'aho nshyir'ibirenge byanjye nzahubahiriza. ¹⁴ Abahungu b'abakurenganyaga bazaza bakwikubit'imbere, n'abasuzuguraga bazumana ku birenge yawe, bakwite Umurwa w'Uwiteka, Sioni , ah Uwera w'Isiraeli. ¹⁵ Nubgo waretsw' ukangwa, ntihabe har'ukikunyuramo, nzakurutish'ahandi, nguh'ubgiza buhoraho n'ibyishimo by'ibihe byinshi. ¹⁶ Kand' unzoka n'amashereka y'amahanga, unzok'amabere y'abami, nuk'uzamenya yuko jyew'Uwiteka nd'Umukiza wawe n'umucunguzi wawe, umunyambaraga wa Yakobo. ¹⁷ Mucyimbo cy'imiringa nzazan'izahabu; no mu cyumbo cy'icyuma nzazan'ifeza; mu cyumbo cy'igiti nzazan'imirnga, no mu cyimbo cy'amabuye nzazan'ibyuma; amahoro ni y'azagutwarira, kandi gukiranuka ni ko kuzagukoresheez'ikoro. ¹⁸ Urugomo ntiruzongera kumvikana mu gihugu cyawe, ntihazaba gusenya no kurimbura, ahw ingabano zawe zigera hose; ahubg'inkike zaw'uzazit'agakiza, n'amarembo yaw'uzayit'ishimwe. ¹⁹ Ku manywa izuba si ryo rizakuber'umucyo; kand'ukwezi si ko kuzakuberumwezi, ahubg'Uwiteka ni w'uzakuber'umucy'uhoraho, kand'Imana yawe ni y'izakuber'icyubahiro. ²⁰ Izuba ryawe ntirizareng'ukundi, kand'ukwezi kwawe ntikuzijima, kuk'Uwiteka ari w'uzakuber'umucy'uhoraho n'iminsi yawe yo kuboroga izab'ishize. ²¹ Kand'abantu bawe bose bazab'abakiranutsi; bazaragw'igihugu kugez'Iteka ryose; bazab'ishami nitereye, umurimo w'intoke zanjy'umposh'icyubahiro . ²² Umuto azagwir'abemw igihumbi; uworohejeazab'ishyanga rikomeye. Jyew'Uwiteka nzabitebutsa, igihe cyabyo ni gisohora.