¹ Ni nde wizey' ibyo twunvise? kand' ukuboko k'Uwiteka kwa hishuriwe nde? ² Kuko yakuriy' i mbere ye nk'ibigejigeji, nk'igishitsi cyumburira mu butaka bgumye; nti yar'afit' ishusho nziza cyangw' igikundiro, kand' ubgo twamubonaga, nti yar'afit' ubgiza bgatuma tumwifuza. ³ Yarasuzuguzwaga, akangwa n'abantu; yar' umunyamibabaro wamenyerey' intimba; yasuzurwaga nk'umuntu abandi bim' amaso, natwe ntitu mwubahe. ⁴ N'ukuri, intimba zacu ni zo yishyizeho, imibabaro yacu ni yo yikoreye; ariko twebgeho twamutekeree nk'uwakubiswe n'Imama, agacumitwa na yo, agahekamishwa n'imibabaro. ⁵ Nyamar' ibicumuro byacu nibyo yacumutiwe, yashenjaguriwe gukiranirwa kwacu, igihano kiduhesh' amahoro cyari kuri we, kand' imibyimba ye ni y'adukirisha. ⁶ Twese twayobye nk'intama zizimiye, twese twayoby' intatane; Uwiteka amushyiraho gukiranirwa kwacu twese. ⁷ Yararenganye, ariko yicisha bugufi, ntiyabumbur' akanwa ke, amera nk'umwana w'intama bajyana kubaga, cyangwa nkukw' intam' iceceker' imbere y'abayikemura, ni kw atabumbuy' akanwa ke. ⁸ Guhemurwa no gucirwahw Iteka ni byo byamukuyeho; mu b'igihe cye ni nde witayeho ko yakuwe mw isi y'abazima, akaba yarakubitiw' ibicumuro by'ubgoko bge? ⁹ Bategetse kw ahambanwa n'abanyabyaha, yari kumwe n'umutunzi mu rupfu rwe; nubg' atagirag' urugomo, kandi ntagir' uburyarya mu kanwa ke. ¹⁰ Arik' Uwiteka yashimye kumushenjagura, yaramubabaje, ubg' ubugingo bge buzitambahw igitambo cyo gukurahw ibyaha, azabon' urubyaro, azarama, iby' Uwiteka ashaka bizasohozwa neza n'ukuboko kwe. ¹¹ Azabon' ibituruka mu bise by'ubugingo bge, bimwishimishe, bimuhaze; umugaragu wanjy' ukiranuka azatuma benshi baheshwa gukiranuka no kumumenya; kand' azishyiraho gukiranirwa kwabo. ¹² Nicyo gituma nzamugabmay umugambane n'abakomeye, azagaban' iminyago n'abanyamaboko; kuko yasuts' ubugingo bge, akageza ku gupfa, akabaranwa n'abagome; arik' ubge yishyizehw ibyaha bya benshi, kand' asabir' abagome.