¹ Ishime, wa ngumba w'itabyara; turagar' uririmbe, utere hejuru, wow' utaramukwa, kukw abana b'igishubaziko barut' ubginshi abana b'umugeni warongowe, ni k'Uwiteka avuga. ² Agur' ikibanza cy'ihema ryawe; reg' inyegamo zo mu mazu yawe zigireyo: ntugarukire hafi: wungur' imigozi yawe, ibe miremire; ushumangir' imambo zawe. ³ Kuk' uzarambura, ijy' iburyo n'ibumoso; urubyaro rwawe ruzahindur' amahanga; kandi ruzatuz' abantu mu midugudu yabay' amatongo. ⁴ Witinya, kuk' utazakorwa n'isoni, kandi wimwara kukw Isioni zitazagukora; ahubg' uzibagirw' Isoni zo mu buto bgawe, n'umugayo wo mu bupfakazi bgawe, ntuzawibuk' ukundi. ⁵ Kuk' Umuremyi wawe ari we mugabo wawe; Uwiteka nyir'ingabo ni ryo zina rye; Uwera w'Isiraeli ni we mucunguzi wawe; azitw' Imana y'isi yose. ⁶ Uwiteka arakuhamagaye nk'umugore w'igishubazik' ufit' agahinda mu mutima, nk'umugore wo mu busore iy' asenzwe, ni kw Imana yaw' ivuga. ⁷ Mbaye nkuretse akanya gato; ariko nzagukoranya ngufity' imbabazi nyinshi. ⁸ Nakurakariy' uburakari bginshi, bituma nk'wim' amaso akanya gato; ariko nzakubabarira nkugirir' imbabazi zihoraho, ni k' Uwiteka umucunguzi waw' avuga. ⁹ Ibyo ndabihwanya n'iby'umwuzure wo mu gihe cya Noa; nkuko narahiye k'umwuzure wo mu gihe cya Noa utazongera kubaho kw isi, ni ko narahiye ko ntazakurakarira nkaguhana. ¹⁰ Imisoz' izavaho, n'idusozi tuzakurwaho; arikwimbabazi zanjye ntizizakuvaho, kandi n'isezerano ry'amahoro nagusezeranije ntirizakurwaho; ni k'Uwiteka ukugirir' ibamb' avuga. ¹¹ Yew' urengana, ugahungabanywa n'inkubi y'umuyaga ntuhumurizwe, amabuye yawe nzayaterrahw amabara meza, imfatiro zawe nzazishingisha Safiro. ¹² Iminara yawe nzayubakish' amabuy' abengerana, kand' urugabano rwawe nzarushingish' amabuy' anezeza. ¹³ Abana bawe bose bazigishwa n'Uwiteka. kandi bazagir' amahoro menshi. ¹⁴ Uzakomezwa no gukiranuka, agahato kazakuba kure, kuk' utazatinya, uzabakure y'ibitey' ubgoba, kuko bitazakwegera. ¹⁵ Ahari bazaterana, ariko si jy' uzab' ubateranije; uzagukoraniraho wese, azagw' ari wow' aziza. ¹⁶ Dore ni jy' urem' umucuz' uvugutur' umuriro w'amakara, agakuramw icyum' akoresh' umurimo we; kand' umurimbuzi namuremeye kurimbura. ¹⁷ Ariko nta ntwaro bacuriye kukurwanya izagir' icy' igutwara; kand' ururimi rwose ruzaguhagurukira kuku buranya, uzarutsinda. Ibyo ni byo murage w'abagaragu b'Uwiteka kand' uko ni ko gukiranuka kwabo guturuk' aho ndi; ni k'Uwiteka avuga.