¹ Dore hazim' umwami utegesha gukiranuka, kand' abatware be bazatwaz' imanza zitabera. ² Umuntu azaba nkaho kwiking' umuyaga, n'ubgugamo bg'umugaru, nk'imigezi y'amazi ahantu humye, n'igicucu cy'igitare kinini mu gihugu kirushya. ³ Amaso y'abareba ntazagir' ibikezi kezi, kand' amatwi y'abumva bazayatega. ⁴ Uw'umutim' uhutiraho azameny' ubgenge, uw'ururimi rudede manga azavuga neza byunvikane. ⁵ Umupfapfa bazaba batakimwit' imfura, n'umunyabuntubuke bazaba batakimwit' umunyabuntu. ⁶ Kuk' umupfapf' azavug' iby' ubupfapfa, akerekez' umutima ku byo gukiranirwa, kugira ngw akor' ibyo gutukish' Imana, no kuvug' ibigoramye k'Uwiteka, ngo yicishe umushonj' inzara, n'ufit' inyota akamukamiriz' amazi. ⁷ Kand' intwaro z'umunyabuntubuke ni mbi; agambanishiriz' umugwanez' ibinyoma ngw amurimbure, nubg' uwo mutindi avug' ibitungamye. ⁸ Arikw imfura yigir' inama yo kugir' ubuntu; kand' izo nama zo kugir' ubuntu azazikomeza. ⁹ Mwa bagore batay' umuruho mwe, nimuhaguruke munyumve; mwa bakobga b'abadagizi mwe. ¹⁰ Muza mar' imins' isaz' umwaka muhagarits' imitima, mwa bagore b'abadabagizi mwe, kuk' umwengo uzabura, kandi nta sarura zizabaho. ¹¹ Mwa bagore batay' umuruho mwe, nimuhind' imishitsi; mwa badabagizi mwe, muhambar' ubusa, mukenyer' ibigunira. ¹² Bazikubita mu bituza bababajwe n'imirima yabanezeza n'inzabibu zeraga cyane. ¹³ Mu gihugu cy'ubgoko bganjye hazamer' amahwa n'imifatangwe; ndetse bizamera no ku mazu anezeza yose yo mu murwa w'umunezero. ¹⁴ Kuk' urugo rw'umwami ruzatabga, umurwa war'utuwe cyane uzab' amatongo; umusozi n'umunara w'abarinzi bizab' ubuvumo iteka ryose, bizab' inama y'imparage n'uwuri r'wamashyo. ¹⁵ Kugez' ah' umwaka azadusuhukirwaho avuye hejuru; maz' ubutayu bukab' imirima yera cyane, umurima wera batawit' ishyamba. ¹⁶ Maz' urubanza rutabera ruzaba mu butayu, gukiranuka kuzaba mu mirima yera cyane. ¹⁷ Umurimo wo gukiranuka n'amahoro; kand' ibiva ku gukiranuka n'ihimure n'ibyingiro bidashidikanywa iteka ryose. ¹⁸ Abantu banjye bazatur' ahantu h'amahoro, babe mu mazu akomeye no mu buruhukiro butuje. ¹⁹ Arikw ishyamba rizagushwa n'urubura, kand' umurw' uzasenywa rwose. ²⁰ Murahirwa, mwa babiba mu nkuka z'amazi yose mwe, mukahabgiriz' inka n'indogobe.