¹ Yoasi atangira gutegeka, amaz'imyak'irindw'avutse, amar'imyaka mirongwine i Yerusalemu ari ku ngoma; nyina yitwaga Zibia w'i Beeri sheba. ² Yoasi akor'ibishimwa n'Uwiteka mu minsi y'umutambyi Yehoyada yose. ³ Yehoyada amushyingir'abagore babiri, abyar'abana b'abahungu n'ab'abakobga. ⁴ Hanyuma y'ibyo Yoasi ashaka gusan'inzu y'Uwiteka. ⁵ Aterany' abatamyi n'Abalewi, arababgir'ati: Nimugende mujye mu midugudu y'i Buyuda, musonzoranye mu Bisiraeli bos' impiya zisanish'inzu y'Imana yanyu, uk'umwak'utashye, mubigire vuba, ari kw Abalewi ntibagira vuba. ⁶ Bukey'umwami atumira Yehoyada w'umutambyi mukuru, aramubaz'ati: N'ikicyakubujije gutegek'Abalewi gukoresh'Abayuda n'ab'i Yerusalemu ikoro rya tegetsw'iteraniro ry'Abisiraeli, kub'ikoro ry'ihema ry'ibihanya? ⁷ Kukw abahungu ba Atalia, wa mugore mubi, bari barangij'inzu y'Imana, n'ibintu byose byashinganywe byo mu nzu y'Uwiteka bakabiha Baali. ⁸ Nuk'umwami ategeka ko babaz'isanduku bakayishyira hanze ku rugi rw'inzu y'Uwiteka. ⁹ Babyamamaz'i Buyuda hose n'i Yerusalemu ngo bazan'ikoro ry'Uwiteka Mose umugaragu w'Imana yategets'Abisiraeli, ubgo bari mu butayu. ¹⁰ Abatware bose n'abantu bose baranezerwa, barabizana, babiroha mur'iyo sanduku kugez'aho barangirije. ¹¹ Iy'Abalewi bazanag'isanduku mu nz'umwami yagiragamw inama, bagasanga harimw impiya nyinshi, umwanditsi w'umwami n'umutware w'umutambyi mukuru bakaranguza, bakayenda bakayisubiz'ahantu hayo. Uko ni ko bagenzag' uko bukeye, bagaterany'impiya nyinshi cyane. ¹² Umwami na Yehoyada bakazih' abakorag' umurimo w'inzu y'Uwiteka; na bo bakazigurir'abubatsi n'ababaji, ngo basan' inzu y'Uwiteka , bakagurira n'abacuzi b'ibyuma n'ab'imiringa ngo basan' inzu y'Uwiteka. ¹³ Nukw abakozi barakora,umurimo barawutunganya rwose, bahagarik'inzu y'Imana, bayisubuz'uko yar'iri, barayikomeza. ¹⁴ Bayujuje, bazan'impiya zisagutse bazishyir'imbere y'Umwami na Yehoyada, bazikoramw ibintu byo munzu y'Uwiteka, ibintu bikoreshwa n'ibyo gutambiramo n'indosho n'ibintu by'izahabu n'ifeza. Maze bakajya batamb'ibitadasiba, iminsi yose Yehoyada ashyize kera. ¹⁵ Ariko Yehoyada ashyize kera, agera mu zazabukuru, arapfa; ubgo yapfaga yar'amaz'imyak'ijana na mirongwitat'avutse. ¹⁶ Bamuhamba mu mudugudu wa Dawidi hamwe n'abami, kuko yakoz'ibyiza mu Bisiraeli no ku Mana no ku nzu ye. ¹⁷ Nuko Yehoyada apfuye, ibikomangoma by'Abayuda biraza biramy'umwami, Umwami arabunvira. ¹⁸ Barek'inzu y'Uwiteka Imana ya basekuruza, bakorer'ibishushanyo. Umujiny'uza mu Bayuda n'i Yerusalemu kub'icyo gicumuro cyabo. ¹⁹ Nyamar'Imana ibohererez'abahanuzi bo kubagaragu k'Uwiteka, bakajya babahamy'ibyaha; ariko bo ntibabiteger'amatwi. ²⁰ Umwuka w'Imana azakuri Zekaria mwene Yehoyada w'umutambyi; ahagarara haruguru y'abantu, arababgir'ati: Uku ni kw Imana ivuze; n'iki gituma mucumur'amategeko y'Uwiteka, bikabavuza kubon'umugisha? Ariko rero mwarets'Uwiteka, nawe ni cyo cyamuteye kubareka. ²¹ Baramugambanira bamuterer'amabuye mu rugo rw'inzu y'Uwiteka kubg'Itegeko ry'umwami. ²² Uko ni k'Umwami Yoasi atazirikan'Ineza Yehoyada se wa Zekaria yamugiriye, akamwicir'umwana. Ubgo yapfaga aravug'ati: Uwiteka abirebe, abyiture. ²³ Nuk'uwo mwak'ushize, ingabo z'Abasiria zirazamuka ziramutera, ziz'i Bayuda n'i Yerusalemu, zirimbur'ibikomangoma by'abantu byose, zibimaraho mu bantu, zohererez'Umwami w'i Damasiko iminyago babanyaze yose. ²⁴ Kand'ingabo z'Abasiria zaj'ar'igitero gike; Uwiteka azigabiz'ingabo Z'Abayuda nyinshi cyane, kukw Abayuda bari barimuy'Uwiteka Imana ya Basekuruza. Nukw Abasiria basohoz'ijambo kuri Yoasi. ²⁵ Bamuvuyeho, kandi bari basiz'arwaye cyne, abagaragu be bgite baramugambanira kubg'amaraso ya mwene Yehoyada w'Umutambyi, bamwicira ku gisasiro cye, ratanga; bamuhamba mu mudugudu wa Dawidi, ariko ntibamuhamba mu bituro by'abami. ²⁶ Kand'aba nibo bamugambaniye; Zabadi mwene Shimeati w'Umwomonikazi, na Yehozabadi mwene Shimuriti w'Umumoabukazi. ²⁷ Kand'iby'abahungu be n'imibur'ikomeye bamuburiraga, n'ibyo kongera kubak'inzu y'Imana, mbese ntibyanditswe mu bisobanur'ibyo mu gitabo cy'abami? maz'umuhungu we Amasiya yim'ingoma ye.