¹ Yehoshafati aratang'asanga basekuruza, ahamba hamwe na basekuruza mu mudugudu wa Dawidi; maz'umuhungu we Yehoramu yim'ingoma ye. ² Kandi Yehoramu yar'afite bene se, abahungu ba Yehoshafati, Azaria na Yehieli na Zekaria na Azaria na Mikaeli na Shefatia; abo bose bar'abahungu ba Yehoshafati umwami w'Isireli. ³ Se abarag'ibiragwa bikomeye by'ifeza n'izahabu n'ibintu by'igiciro cyinshi n'imidugudu y'i Buyuda igoswe n'inkike; arik' ubgami abuha Yehoramu, kukw ari we mfura ye. ⁴ Nuko Yehoramu arahaguruk'ategek'ubgami bga se; amaze gukomera, aherako yicisha bene se bos'inkota, hamwe n'ibikomangoma bindi byo mu Bisiraeli. ⁵ Kandi Yehoramu yatangiye gutegeka, amaz'imyaka mirongitatu n'ibir'avutse; amar'imyaka munani i Yerusalemu ari ku ngoma. ⁶ Agendan'ingeso z'abami b'Abisiraeli, nkukw ab'inzu ya Ahabubazigendanaga; kuko yashyingiw'umukobga wa Ahabu; agakor' ibyangwa n'Uwiteka. ⁷ Arik'Uwiteka ntiyashaka kurimbur'inzu ya Dawidi, kw azamuhan'itabaza n'abahungu be iteka ryose. ⁸ Maze ku ngoma ye Abanyedomu baragoma, biyegura ku bgami bg'Abayuda, biyimikir'uwabo mwami. ⁹ Bukeye Yehoramu yambukana n'abatware be n'amagare ye yose; ahaguruka n'ijoro, atwaz'Abanyedomu bari bamugose, ari kumwe n'abatware b'amagare. ¹⁰ Uko ni kw Abanyedomu bagomey'Abayuda kugez'ubu. Icyo gihe ab'i Libuna na bo baramugomera, kuko yarets'Uwiteka Imana ya basekuruza . ¹¹ Kandi Yehoramu yubak'ingoro ku misozi y'i Buyuda, yoshy'abaturage b'i Yerusalemu ubusambanyi, ayoby'Abayuda. ¹² Bukey' urwandiko rumugeraho, ruruvuye kuri Eliya w'umuhanuzi, ruvuga ngo: Uku ni k'Uwiteka, Imana ya Sogokuruza Dawidi, ivuze ngo: kuk' utagendany'ingeso nziza za so Yehoshafati n'iza Asa umwami w'Abayuda, ¹³ Ahubg'ukagendan'ingeso z'abami b'Abisiraeli ugasambanish' Abayuda n'abaturage b'i Yerusalemu, nkukw ab'inzu ya Ahabu bagenjeje; kand'ukaba warish'abo muv'indimwe mu nda ya so, bakurushaga kuba beza; ¹⁴ Non'Uwiteka azatez'ibyago bikomey' abantu bawe n'abana bawe n'abagore bawe, nibintu byawe byose. ¹⁵ Kandi naw'uzarwar'indwarikomeye mu mara, izafum'uzan'amagara, kuk'uzahor'uyirwaye. ¹⁶ Maz'Uwiteka ahagurukiriz'imitima y'Abafilistia n'Abarabu baringaniye n'Abanyetiopia kwanga Yehoramu. ¹⁷ Bater'i Buyuda barahasandara, banyag'ibintu byose basanze mu nzu y'umwami n'abahungu be n'abagore be; ntiyasigaran'umwana w'umuhererezi mu bana be. ¹⁸ Hanyuma y'ibyo byose Uwiteka amutez' indwar'itavurwa yo mu mara. ¹⁹ Nuko hashir'iminsi, yar'amaz'imyak'ibir'arwaye, indwara y'imuzanish'amagara, aratang'atangishijwe n'indwara mbi zikomeye. Arikw abantu be ntibamwoserez'imibavu nkuko boserezaga basekuruza be. ²⁰ Yehoramu uwo yatangiye gutegeka, am'az'imyaka munan'i Yerusalemu ari ku ngoma; aratang'agenda nta wamwifuzaga; bamuhamba mu mudugudu wa Dawidi, arikw atari mu bituro by'abami.