² Maze haz'abantu babgira Yehoshafati bati: Haj'ingabo nyinshi ziguteye, zituruts' i Siria hakurya y'inyanja; kandi dore, bagez'i Hasasoni tamari [ ni ho Enigedi ]. ³ Yehoshafati aratinya, yihata gushak'Uwiteka, atagek'Abayuda bose kwiyiriz'ubusa. ⁴ Abayuda bose baraterana ngo basab'Uiteka kubatabara; baturuka mu midugudu y'i Buyuda yose bazanywe no gushak'Uwiteka. ⁵ Yehoshafati ahagarara mw iteraniro ry'Abayuda n'ab'i Yerusalemu, yari mu nzu y'Uwiteka imbere y'urugo rushya; ⁶ Araseng' ati: Uwiteka Mana ya basogokuruza bacu, esesi wowe Mana yo mw ijuru, kandi si wow' utegek'abami bose b'abanyamahanga? Mukuboko kwawe harimw ububasha n'imabaraga, bituma nta wagutang'imbere. ⁷ Mana yacu, si wowe wirukany'abaturage bari mu r'iki gihugu imbere y'ubgoko bgawe bg'Abisiraeli, ukagish'urubyaro rw'ishuti yawe Aburahamu, ngo kib'icyab'iteka ryose? ⁸ Maze bakakibamo, kandi bakaba bubakiyemw izina ryaw'ubuturo, bagasenga bati: ⁹ Ni tugerwaho n'ibyago, ar'inkota cyangw'igihano cyangwa mugigandetse n'inzara, tuzajya duhagarar'imbere y'iyi nzu, n'imbere yawe [ kukw izina ryawe riri mur'iyi nzu ] tuguta kambire uko tuzaba tubabaye, naw uzumv'utabare. ¹⁰ Nuko none, dor'Abamoni n'Abamoabu n'abo ku musozi Seiri, abo wabujij'Abisiraeli ko babatera, ubgo bavaga mu gihugu cy'Egiputa, ahubgo bakanyura hirya ntibabarimbure; ¹¹ Dor' uko batwituye kuza kutwirukana muri gakondo yawe waduhaye kuhazungura. ¹² Mana yacu, ntiwakwemera kubahana? kuko nta mbaraga dufite zarwany'izo ngabo nyinshi ziduteye; kandi tubuz'uko twagira; ariko ni wowe duhanz' amaso. ¹³ Nukw Abayuda bose bahagarar'imbere y'Uwiteka, bari kumwe n'abana babo batoya n'abagore babo n'abana babo bakuru. ¹⁴ Maz' umwuka w'Uwiteka aza kuri Yahazieli mwene Zekaria , mwene Benaya mwene Yeyeli mwene Matania w'Umulewi, wo muri bene Asafu, aho yar'ari hagati mw itaraniro. ¹⁵ Aravug' ati: Nimwumve, yemwe Bayuda mwese; namwe butarage b'i Yerusalemu, nawe Mwami Yehoshafati: Uku ni k'Uwiteka avuze: Mwitinya, akandi mwe gukurw'umutima n'izo ngabo nyinshi, kuk'urugamb'atar'urwanyu, ahubgo n'urw'Imana. ¹⁶ Ejo muza manuke mubatere; dore barazamuk'ahaterera hajy'i Sise, muzabasang' ahw ikibaya giherera mu butayu bg'i Yerueli. ¹⁷ Mur'iyo ntambara nti muzagomba kurwana, muzahagarare mwirem'inteko gusa, mwereber'agakiz' Uwiteka azabaha, yemwe Bayuda, n'ab'i Yerusalemu. Mwitinya, kandi mwe kwiheba; ejo muzabatere, kuk'Uwiteka ari kumwe namwe. ¹⁸ Maze Yehoshafati yubik'amaso hasi; Aba Yuda bose n'ab'i Yerusalemu bikubita has'imbere y'Uwiteka, baramuramya. ¹⁹ Abalewi bo muri bene Kohati n'abo mu Bakora bahagurutswa no guhimbaz'Uwiteka Imana y'Isiraeli n'ijwi rirenga cyane. ²⁰ Bukeye bgaho bazinduka kare mu gitondo, barasohoka bajya mu butayu bg'i Tekoa; bagisohoka Yehoshafati arahagarar'aravug'ati: Nimunyumve, yemwe Bayuda,namw'abatuy'i Yerusalemu, mwizer'Uwiteka Imana yanyu, mubone gukomezwa; mwizere n'abahanuzi bayo, mubone kugubga neza. ²¹ Nukw amaze kujy'inama n'abantu, ashyirahw abo kuririmbir'Uwiteka, bagahimbaz'ubgiza bgo gukiranuka kwe barangaj'imbere y'ingabo, bavuga bati: Nimuhimbaz'Uwiteka, kukw imbabazi za zihorahw iteka ryose. ²² Batangiye kuririmba no guhimbaza, Uwiteka ashyirahw abo gucir'igico Abamoabu n'abo ku musozi Seiri bari batey' i Buyuda; baraneshwa. ²³ Kukw Abamoni n'Abamoabu bahagurukijwe no guter'abaturage bo ku musozi Seiri ngo babice babarimbure rwose; nuko bamaze gutsemb'ab'i Seiri, baherako barahindukana, bararimburana. ²⁴ Hanyum' Abayuda bageze ku munara w'abarinzi wo mu butayu, basang'ingabo zose zabay'imiramb'irambaraye hasi, ari nta n'umwe wacitse kw icumu. ²⁵ Maze Yehoshafati n'ingabo ze bagiye kubanyaga, intumbi bazisangan'iby'ubutunzi bginshi n'iby'umurimbo by'igiciro cyinshi, bicuj'ubgabo, byari byinshi cyane bituma batabasha kubimara; bamar'imins'itatu bakinyag'iminyago kuko yari myinshi. ²⁶ Ku munsi wa kane Abayuda bateranira mu kibaya cy'i Beraka; bahashimir'Uwiteka; ni cyo cyatumy'aho hantu hahimbg'ikibaya cy'i Beraka na n'ubu. ²⁷ Abayuda n'abi Yerusalemu baherako basubiray'uko banganaga, Yehoshafati abagiy'imbere, basubir'i Yerusalemu banezerewe, kuk'Uwiteka yabahaye kwishima hejuru y'ababisha babo. ²⁸ Baz'i Yerusalemu bafite nebelu n'inanga n'amakondera, bajya ku nzu y'Uwiteka. ²⁹ Igitinyiro cy'Imana kiba ku bami bose bo mur'ibyo bihugu, ubgo bumvaga k'Uwiteka yarwanij'ababisha b'Abisiraeli. ³⁰ Nukw igihugu cya Yehoshafati kiratuza, kukw Imana ye yamuhay'ihumur'impande zose. ³¹ Yehoshafati ategek'i Buyuda yatangiye gutegeka amz'imyaka mirongwitatu n'itan'avutse; amarimyaka makumyabiri n'itan' i Yerusalemu ari ku ngoma; kandi nyina yitwaga Azuba umukobga wa Shiluhi. ³² Yagendanag'ingeso nziza se Asa ntateshuke, agakor'ibishimw'imbere y'Uwiteka. ³³ Icyakor'ingoro ntizakuweho; kandi n'abantu bari batarakomez'imitima yabo ku Mana ya Basekuruza. ³⁴ Arikw indi mirimo ya Yehoshafati, iyabanje n'iyaherutse, yanditswe mu gitabo cy'ibya Yehu mwene Hanani, babishyira mu gitabo cy'abami b'Abisiraeli. ³⁵ Hanyuma y'ibyo Yehoshafati umwami w'Abayuda yiyunga n'Ahazia umwami w'Abisiraeli, wagirag'ingeso mbi cyane. ³⁶ Afatanya na we kubaz'inkuge zo kujy'i Tarushishi; bazibarizaga Ezioni geberi. ³⁷ Maze Eliezeri mwene Dodavahu w'i Maresha ahanurira Yehoshafati, aravug' ati: kuko wiyunze na Ahazia, Uwiteka atsemby'ibyo wabaje. nukw izo nkuge zirameneka, ntibabasha kujy'i Tarushishi.