¹ Nishishange, mbe Ongo wamatinang'ebheya bhae?kusira bhushwa n'ani hotu mu Israeli, niri mu r'ubhuto rwa Ibrahamu, mu r'uanda rwa Benjamini. ² Ongo ntw'aretina e bhea bhae, imbi bhasibwanga naye raroso. Musera byebhange' e rwandiko bhushwa na Elia, bwarirenga we kuri Ongo bhushwa Israeli. ³ E Mukota, bhamashura e bhatahwa bhabhe, n'ikakura e maherero abhe, an'isine ngi namasiere, na bhasondange inchura. ⁴ Iina, bhuni wasubhienga Ongo? nikiri n'ebhike bhea bhihumbi bhirinda, imbi bhatangasimiranga Baali, ⁵ Ng' ebhumbo na mo matu ano kukiri kikembe charirondorwa na Ongo mu nchumo. ⁶ Iina ramabhe bhushwe nchumo, kai ntinti bhushwe mikorere, na amabhe nti mo mikorere nti ntimo nchumo tu, nti mbo e mikorere nti ntimikorere tu. ⁷ Inki ke? inchi kisondange Isiraeri nti bharishee cho, iina mbi bharirondorwa na Ongo ngi bharishee cho, na bhampe bhasumya e mitima. ⁸ Etukana n'ebwatiranyiwa cho: Ongo waninkanga bo mutima usiributa byuma, meso atakoch' ikae na mate ngi atakoch'iyorukira. Na nd'otu Ndauti webha: ⁹ E bhutanda bwabho bhubhinduki iteya, bhukira na kashushu. ¹⁰ Bhabhinduki bhirimirimi kongo bhatakai, ne myongo yabho irike yakumbakumba. ¹¹ N'ebhange r'ibhesi nsomombo s'ehuka r'abho kongo bhakwa? kusira. Eri suruka rabho ngi rarerishie e esanganda ioshukara, ishukara, kongo rarishie bho mono. ¹² Erihuka ramabhe ngerikasanirwa re chuo neririmina rabho nge mukisa we sanganda, bhuni bhwabheyo erisimanikwa re bhati? ¹³ Nebhange cho na bhea nti bhasimira bhuri na ntumwa y'entibhasimira, namoere e murimo wareninkwa ani. ¹⁴ Kurintambi ramusimo e mono wa bhanakitu mor'ioshukaya bhea bima. ¹⁵ Bhushwa amabhesa e ritawa rabho rarisha irongana re chuo,kinki chaabheseyo bhamarisiwa, kuti nti bhuingo munkati nambi bhakwire? ¹⁶ Kuti e mirime yaroso yamabhese ya Ongo, eimbe iti nty'abhesa eimpe hotu, e miri yamashuururwa, ne sa ntabhi nato nti sa shururukara. ¹⁷ Iina ntabhi sima samakokorwa, n'oongo musabibhu wa bhusara, ukimishiwa ho, urishiwe n'emiri n'ematongu e musabibhu ngo. ¹⁸ Angi nena e sa ntabhi nso. Iina mumanena to, musibhanga mbu nti bhanu ngi muriya e muri, iina e muri ng'wabhuriya. ¹⁹ Mwebhanga bhuno: bhar'inoa e santabhi kongo nabhate twatarikwa. ²⁰ Incho eira; E risumya rabho mitima ngy'aresingwa bhakokorwa,iina murike musimana mor'esimira. Anga kw'itata nguru,iina murike mu bhobha. ²¹ Amabehsa Ongo nt'wasiererenga esantabhi se bhubhutirirwa, angihaka mbu bhanu ng'wamubhuranga. ²² Musibhanga ebhongo n'er'isua ra Ongo wasuwa kuri ebharimina imbi bharehuka, n'ebhongo bwa Ongo kuri oongo riko mo bhurongu bwae , kuti nti mbo n'oongo ukukokorwa. ²³ Nabhametunja mo mitima yasuma, nti bhakimishiwa tu. Bhushwa Ongo uri na bhunkangwe bwitunganyanya tu bo. ²⁴ Bhushwa ramabe ukokorwa mo musabibhu w'er'ibhutirirwa wa mo bhusara, uterekwa mo musabhibhu wakonda, charenga ha, ibho nti bhamuterekwa hotu mo musabhibhu wabho 'ngu wakonda. ²⁵ Bhushwa e bhanakitu, nti nashima muruk'esibha imbi byateana e wenge kongo mutw'esungi bhuri bhanu bhateesa nguru: bha Isiraeri basumyanga e mitima iya er'otu rwakianga bhea bh'emubhi bhakim'ebhati. ²⁶ Ngina bhubho, Bha Isiraeri bhati, imbu w'ebha e rwandiko, bhooshukarayo: < Rukombora wasairi ku Sayuini>; watunji Yakobo mu r'iruka isimira. ²⁷ Iya nge ndaani yani na bho, nakii nakuto e bhubhi wabho. ²⁸ Mo mwasi wakonda, bhamabhesa bharenda bhushe n'inu, eina etukana n'er'irondorwa bhashimwa na Ongo bhushe bishe. ²⁹ Bhushwa Ongo tabhundukanga mo mihango yae na mo murenge wae. ³⁰ Bhushwa karekare asenga nti mukemwa Ongo, iina rinotu muninkwa nsasi bhushwa neri fundw'isimira rabho. ³¹ Ngina bhubho e Bhayuda nti bhasimiranga kongo nabho hotu bhakumanana n'e nsasi, imbu bwaribhesa hotu bhanu. ³² Bhushwa Ongo wareriya e bheya bhati mu muri w'eriruk'isimira kongo bhasunga e nsasi sa Ongo ebhati. ³³ E bhore bwe 'bhutumba, bwe bhuteesa, n'er'isibha Ongo,emansa sae sitakoch'esibwa n'e sa 'nse sae sitakoch'irukirwa. ³⁴ Bhushwa inye ng'osi e myanikiri ya Mukota. Na 'nye ngw'amabhesenga muhani wae? ³⁵ Inye ngw'amasombyanga Ongo kongo wamutua? ³⁶ Bhushwa ekuri we, ko kwae bhushe we, ngi kuri ebhikai bhiti. Iwe ngimine bwime bw'ematu ati n'eati! Amina.