¹ Nibhuhanang' ebhanakitu mu nchime ya Ongo, musibhure 'mibhi y'inu ibhinduki Kinsinso kishere chashuruurwa, chatunganana mo meso a Ongo, ngemikorere y'inu ye mitima inji yakomenwa. ² Angienda bhuri mwea we chuo eina mubhundurwe mu bhushasha bwe myanikiri yinu, mukochi isibha nguru erisasa ra Ongo ndi rakonda na rakomenwa. ³ Bhushwa ne nchumo yarenikwa 'ni nishishange kinsi mwea mu bhanu inga wabhesa na kwitata eina mwambare micho yakonda mo bwenge, kinsi mwea etukana ne risimira rae. ⁴ Bhushwa ebhuri bhate na bhitambo bhingi mo mubhi uma, ne bhitambo bhiti bhisira murimo uma. ⁵ Bhubho bhate turi bhingi mu mubhi uma munkati na Kirisitu, na bhate bhati bhitambo kinsi uma kuri mine. ⁶ Bhushwa tukwengi mihango yarengana etukana n'enchumo yarininkwa bhate, ing'uri n'ebhutahwa waronje bho n'ensusanya y'erisimira. ⁷ Inguri na emuhango w'ikora, wakore, ing'uri na muhango w'ihana wahane, ⁸ Na 'ng'uri na muhango w'ironganya wakore, ewereninkana waronje shu, ing'werisimanire, wasimaniri, werisasira wasasire na ngoa. ⁹ Enchime itabhingi nabhukorotima, mutinang'ebhubhi, mwemise mbi byakonda. ¹⁰ Mu nchime ya bhunakima, murisiwe mashimane ebhima mu bhampe hima n'irangana. ¹¹ Angi bhese bhatetera mo murimo, murike mo mutima, nti bhanu mukorengi Ongo. ¹² Mumoe mu mwinyihiro. Mubhese na kemine mo minubho, mubhesi n'irika mo mahemo. ¹³ Mubhesi n'esibhukiy'emirao y'ebhashuururwa, n'ikoke 'bhendendi n'ebhamoange, muri n'ebharengi. ¹⁴ Mukasanyienga ebhabhunubyange, mukasanyii bho kiro muhera bho. ¹⁵ Mumoe hima n'ebhamoange, muri n'ebharengi. ¹⁶ Mubhesi na mwanikiri uma bhanu bhesine na bhesine, kiro muria emihaki yi'inu mu bhinwa bhikiri, iina musimire 'mbi byahehera, kiro mw'ianse bwenge. ¹⁷ Kiro mukuruchie mwea bhubhi mu bhubhi musonde imbi byakonda mo meso e bhea bhati. ¹⁸ Mubhesi na bhuhoro n'ebhea bhati ramakocheka. ¹⁹ Nti mutwikwani, iina musieri e bhusubhuke kuri Ongo. Bhushwa chatiranyiwa: ani ng'wer'ibhukwane, ng' webha Mukota. ²⁰ Iina e murenda wabhe wamabhe na rwako, muninke bhiyo. Na kubha uri na mbusha, muninke byiomo. Bhusha mbu mumaronja mbo, nty'etiture makaya mo muntwe. ²¹ Ang' ifundiswa n'ebhubhi, eina mufundise 'bhubhi mu bhoongo.