¹ Bhanakitu e kihuno ch'ani ch'e mutima ne mahemo ani kuri Ongo,bhashukare. ² Nibwirengi mbu bhari na muho kuri Ongo ina anga bwenge. ³ Bhushwa bhamabhese nti bhasi eriira ra Ongo bhasondekanya itunganya rimpe iira rabo,nti bhahicha mor eira ra Ongo. ⁴ Bhushe Kirisito ng'er'ibhereresho re myomba y'er'itushuurura mu kinsi mwea ingu wasimira. ⁵ Musa watiranyanga e mwasi w'er'eira r'itukange mo myomba ingu w'emis' e bhikai mbi,mwikora byo,warikayo mubyo. ⁶ Ina erira ritukanange n'e myomba reba bhuno:angieba mo mutima wabhe inye ngwataya nko kwiyo? Nty'ehicha Yesu e kwansi? ⁷ ari: inye ngwahitayo e kwerunga? nty'ekuruchie Yesu mo bhakwi. ⁸ Ina rebha bhuni?e kinwa kiri kwihi n'abhe, mo bhunu bwabhe na mo mutima 'bhe. Nge 'kinwa ch'er'isimira ekibhuturengi bhate. ⁹ Bhushwa umebha mo bhuunu mbu Yesu ngi Mukota na umasiba mo mutima mbu Yesu wafukanga mo bakwi, ntw' oshukara. ¹⁰ Bhushwa mu mutima e mwea wamasimiri nt'wansirw' eriira,na mubunu nt'washee n'ioshukara. ¹¹ Kinsi mwea ewamusimira byo utamuhambahamba. ¹² Bhushwa hasira irengwarengwa munkati e muyahudi ne muyunani,bhushwa iwe mwami we bhati,musoki mo bhati e bhamubhikirange. ¹³ Bhushwa kinsi wabikira e rina ra Mukota, nt'washukara. ¹⁴ Bhuni bwamubikira bho na nti ntibasimira? Na bhuni bwaabhikirayo imbi bhatangamorukire? bhuni bwasemorukire bo kuti kusira muhani? ¹⁵ Bhuni bwamushee bhate bhahani na nti bharitumwa? Bhuri mbu bwatiranyiwa cho: Yakasanirwa e mindi yenda katura e kinwa chebhuhoro ya 'mbi bhaturang' emwasi wakonda. ¹⁶ Ina ntiebhati ngi bharesimira e mwasi wakonda. Isaya weba: e Mukota,inye ngwasimira e bhinwa bitu? ¹⁷ bhushw'erisimira riyange mor'ikorukira,nerirukira riyange mo kinwa cha Kirisito. ¹⁸ Ina nebha: nti bharorukira? Nti 'mbo emirenge yabo yerukirwa mo chuo kiti.Ne bhinwa byabho,byeya na hende chuo. ¹⁹ Ina n'ebhange: Isiraeri,nt'wasibha mbu Musa ngiwebhanga ra roso. Nashosha emono winu bhushe nty'oanda, Naseshosha erisubhuka rinu mu kisasa kisira wenge. ²⁰ Na Isaya ingʼuri na bhunkangwe bwakumunda webha: nar'ishekana na'mbi ebhatanganisonda,nasaire mumbi bhabhesanga bhatanganchisha. ²¹ Ina kuri,Isiraeri w'ebha: narorore e mine yani mu bhea bhakwemi na bhahakahaka.