¹ Namebha eira kuri Kirisito, ntangatima, kumunda nani niri na kariho k' e Mutima mushasha. ² Nashea bwae nguru na bhonso bwenderana mo mutima. ³ Bhusha, namubhesange mwana wakihanga kore na Kirisitu bhusha bhanakitu e bhabhuti bhani mo mobhi. ⁴ Ibho bha Isiraeli, bharisiwa ibhesa bhaana, e bwime, ne ndani hima n'iemisa Ongo. ⁵ n'endani, n'ebakungu na mubo kwatuka Kirisitu mo mubhi, Kirisitu ing'uri ekwiyo ne bhiti, Ongo wakasanirwe ematu ati, amina! ⁶ Nt'iyebha mbu ekinwa cha Ongo kibhesi bhusa. Bhusha, nti bhaisiraeiri bhati nge bhakuisiraeri. ⁷ Na mor'ibhesa mbuto ya Iburahimu ng'ebhana bae; iina, kuri Isake ngi kwasekutukire mbuto. ⁸ Ng'iebha mbu nty'ebhana mo mubhi ngebhana bha Ongo, eina ebhana bh'endani. ⁹ Bhusha, kinwa che ndaani nseyayo mukino kiranga na Sara wasebhesa na mwana. ¹⁰ Kuruma Rebeka nae, waria bhukure wabhume uma, Tita nge Isake. ¹¹ Bhusha nakiro e bhana nti nesi bhabhutwa,na nti bhakore eira ari bhubhi, ne risasa ra Ongo, mor'irondorwa rete, nti bhushwa mikorere eina bhusha er'isasa r'angu webhanga. ¹² Rebwa kuri Rebeka: e mukakare waakoreyo e mwanunke. ¹³ Nashimanga Yakobo, nabhaa Isau. ¹⁴ Twebhe bhuni kwe? Kusira eira kuri Ongo? Anga. ¹⁵ Bhusha, w'ebha na Musa: Nsesasira ing'wasasira 'ni na nsebhesa na bhonso mu 'ngu waronjie ani bhonso. ¹⁶ Indo nti ratukana n'isasa ra mweya, ari n'isonda ra mweya eina ratukana na Ongo ng'uronjang'emusasiro. ¹⁷ Bhushe 'mutiro w'ebha kuri Farao :Nakurishienga e mutima ngo kongo nashea ebunkangwe bwani kuri ongo na kongo erina r'ani raturwa mo chuo kiti. ¹⁸ Himpo usasiranga ewasasa we n'esumye 'mutima mu 'ngu wasasa we. ¹⁹ Ukun'ire: bhushwa nki ukongobhanyange tu? Bhushwa inye ng' wamuhakanya erisasa rae? ²⁰ N'ongo mweya ongo 'nye mw'ehimana na Ongo? Ekibya ch'er'oto chamw'ire ewakuronja cho, ukundonja bhuno bhushwa nki? ²¹ Emubhumbi nti nge mukakare ireng'er'oto, wamuronja na kicha-kicha kikambi kibya chatatwa na cha nenwa? ²² Iny'amebha kuri Ongo, kuti wasasa ishea bhusubhuke bwae, nishea e maa ae, mwer'indire nguru bhibya byasubhukirwa mw'ebhishiwa-bhishiwa, ²³ Na kuti wasondanga esibhisha ebhutumba ne bhukiri bwae, munkati na bhibya bya musasiro. e byaronja we itukire kare, bhibhesi n'otunda. ²⁴ Ng'warituribhikira we nti bhayuda ho ina itukire esanganda nato. ²⁵ Imbu bwebhanga we kuri Hosea naabhikira na nsemubhikira mira 'ni ingu nti mirani. ²⁶ Nampo ehasebhikirwa bo mbu bhanu nti bhea bhani, kuuko bhasebhikirwayo bhana ba Ongo ingu uriho. ²⁷ Isaya naew'ebha bhushe bhaisiraeri emwanso webhana bha Isiraeri, bhasekiayo bhabhesa bhuri misiye ye nyansa, imbi bhasiyanga ngi nabho bhasoshukarayo. ²⁸ Bhushe wabhereresha ekinwa chae echaresia we mo chuo. ²⁹ N'ebwakianga Isaya eraroso: kubha Ongo mine bhichiri uta mutusierengi ubhuto, twamubhesangi bhuri bhisa ku Sodoma na twamubhesange bhuri ku Gomora. ³⁰ Twebhe bhuni, e bhea bh'esanganda bhatangasond' ereira bhasheenga ereira, er'eira ratukana n'erisimira. ³¹ Na bhaisiraeri bhamisanga emyomba y'ereira nti bheya mureira. ³² Bhusha nki? bhushe nti bhasondanga . Ina munse ye mikorere. Bhushe bhasitaranga murikoi raha nkuso. ³³ Imbu watiranyanga bho cho, kae nakiya ku Sayuni ikoi resitare, notandare rwehucha. na nkisi 'ngu wamusimira utakwiyo nkene.