¹ Twebhe bhuni kuri Abrahamu, tita witu mo bwaninkwanga we itukana n'e mubhi? ² Kuti Abrahamu warisiwanga mo mikorere,uri n'eira ra kwitata,ina nti hamakako na Ongo. ³ Bhushwa inki ngi chebha emitiro? Abrahamu wasimiranga Ongo, nancho chasingwanga wabhikirwa mwea wiira. ⁴ Na, kuringu ukorange, eruhembo nti rwansiwa bhuri nchumo, ina bhuri kikai chakomenwa. ⁵ Na kuring'utangakora, ina wasimira kumunda nang'urisianga e mubhi, erisimira rae ranswa mweira. ⁶ Daudi webha nae erikasanirwa re mwea ngu wansirwa ereira nti mo mikorere. ⁷ Bhakasanirwa 'mbi bharisasirw'e bhubhi; n'e bhubhi bwaribhumbirwa! ⁸ Wakasanirwa e mwea ngu ntwansirwa bhubhi! ⁹ Erikasanirwa ndi ririho mumbi bh'er'otende ari nti bh'erotende? Bhushwa twebha mbu Abrahamu wansirwa eira more simira. ¹⁰ Bhuni bwasimirwanga we? Rabhesanga nti kubhusondori ari kuruma er'otende rwae? Wabhesanga nti neki w'end'ek'otende. ¹¹ Na waninkwa e kengeko k'er'otende bhuri nsimiko y'eriira yaninkwanga we murisimira wabhesanga ntiti nesi w'end'ekotende, kongo wabhesa tita we nti bh'ende 'kotende basimira, kongo bhansirwa nabho e riira. ¹² Na wabhesi tita webhati bh'er'otende na nti bh'er'otende ho, ina ne bhendange hotu monse yeresimira ra tita witu Abrahamu warekia nesi nt'wend'ekotende. ¹³ Nty'abhesenga mu momba ngi mwaninkwanga Abrahamu e ndani yae ne rubuto rwae kongo bhabhesa bhise emwandu we chuo, ina mu riira rerisimira. ¹⁴ Bhushwa, kuti bhis'e mwandu bhabhesa ro mu momba,eresimira nti bhusa n'endaani nti yatinwa. ¹⁵ Hasira nti hasira hotu bhutengu. ¹⁶ Ngi chasingwa bhabhesa bhise e mwandu mo resimira, kongo rabhesa mo nchumo, kongo e ndani yabhesa yerobhuto ruti, nti kuri ho ebhaminwa ne momba, Ina na mo bhampe bhari nerisimira ra Abrahamu, Tita witu mo bhiti etukana ne bwatiranyiwa cho: ¹⁷ Narikutereka tita wa nganda singi. Iwe tita witu kubhusondori nangu, ewasimiranga we, Ongo, ewaninkana ebuingo mo bhakwire, ne wabhikira ebhikai enti bhiriho bhuri byabhesanga. ¹⁸ Wasimiranga na nti kusira mwinyihiro, kongo wabhesa tita wa nganda singi,Etukana nebwerirwanga we cho: ngi bhusebhesayo erubhuto rwabhe. ¹⁹ N' angi tetera mo risimira, ntwasibhanga mbwe mubhi wae wamaruha, wabhesanga uri na myaka iana na Sara ntwama tean' emyaka yeribhuta. ²⁰ Ntwa tikatikanga mwibhesa na mutima wasuma. Mo kinwa ch' erirai ra Ongo,Ina wabesa na maa mo risimira wasingwa, raninka Ongo itatwa. ²¹ Na wabhesanga ne resimirishiwa riti mbu e charawae wamukoch' ibhereresha cho. ²² Ngi chasingwa muncho wansirwa eira . ²³ Ina nti kuriwe wesine ngi kwatiranyiwa e cho mbu ncho chasimirwa kuri we; ²⁴ Ina hotu bhusha bhate, mumbo kisebhesayo nesimirwa kuri bate mbi twasimira kumunda nangu warefuka mo bakwi Yesu Nyerekuritu. ²⁵ Ungu ewasibhurwanga mo bhibhi bhitu na wafuka kongo twansirwa eriira.