¹ Mbenti emuyahudi warenga ebhampe munki? n'er'otende ruri na 'nki? ² Iwe mukakare mukira nse: bhushe bhareninkwa bhinwa bya Ongo. ³ Munki bhayahudi bhima nti bharesimira erifundi simira rabo ramusingwa erisimira ra Ongo rabha bhusa? ⁴ Anga ntimbo kongo Ongo wasungwa w'eira na kinsi mwea mushukishuki, Bhuri mbu bwatiranyiwangabyo : Kongo ukumanwa weira mo bhinwa byabhe. ⁵ Kubha erefundi ibesa ne reira ritu rashea e reira ra Ongo, twebhe nki? Mbe Ongo nti weira mu ntambi mur'itutunjie we eresubhuka rae?(Nebhange mubhususe bwa bhea). ⁶ Kore nanko, Bhuni nge bhusekiyayo Ongo wakera erobhansa rwe chuo? ⁷ Na kuti, mo manko ani, ereira ra Ongo rasungwa mo bhusime bwae, Bhusha nki anisine nikiri nikererwange tu obhansa bhuri mwea wa bhibhi? ⁸ Na bhusha nki tutamuronjange bhubhi kongo ebyakonda byabhesa, Bhuri bhima mbi bhatusimyange bhahakange mbu twebange byo? Erubhansa rwa mbo bhea rw'eira. ⁹ Bhuni ke mbe twarenge bhampe? Anga. Bhushwa twamakinde sunga bhate bhati Bhayahudi ne bhayunani bhate bhati bhubhake bwa bhubhi. ¹⁰ Ebwatiranyiwanga cho: kusira uri neira, anga numa. ¹¹ Anga n' uma uri na bwenge, hasira usondange Ongo. E bhati bharerimina e bhati bharihabhuka. ¹² Hasira ukorange byakonda, Anga numa; ¹³ Emyuhu yabho yabhorwa bhuri esinda. Bhakoreshang' esendwami sabho mwehusa; Mu mitutu yabo muri nsungu. ¹⁴ Emonu abho arisere ntaki na bwae; ¹⁵ Ebhisando byabho bhiri tete mwirita nchama; ¹⁶ Ebhubhisha na nshumo yema bhiri monse yabho. ¹⁷ Nti bhasi ense y' ebhuhoro; ¹⁸ E bhobha bwa Ongo bhusira mo meso abho. ¹⁹ Na tusi mbu ebhiti byebha e myomba, yebha byo mo bhati bhari hasikwa n' emyomba, kongo kinsi bhunu bwaminwa, Kongo e bhati bhasungwa nti bhabhi hamakako na Ongo. ²⁰ Bhushwa kusira usansirwayo eira bhushe na mikorere y' emyomba, bhushwa mo myomba ngi mwatukir' eresibw' ebhubhi. ²¹ Ina entambino, kubha kusira myomba, ereira ra Ongo nti rasibhishiwa, iro rikiyange kariho ke myomba ne bhatahwa ²² Ereira ra Ongo mo bhati basimira. Hasira irengana. ²³ Bhushe bhati bharikora bhubhi na bhari kore n' ebwime bwa Ongo; ²⁴ Na bharisasirwa bhusa mo nchumo, monse ye musasiro uri kumunda na Yesu Kirisitu. ²⁵ Iwe ngi Ongo waremuria mo nchama yae, mumbi bhamusimirange, kinsinso mwishea e reira rae murifund' ifine e bhubhi bwaroso bwakorwanga mo matu e murindiro wae, ²⁶ Mwishea 'reira rae mo matu ano, mwibhesa weira mwiebhere e uri neresimira kumunda na Yesu . ²⁷ Kuni kwe kuri ekinwa cherikwitata, nti kiri ko. M'uni momba we mikorere? Anga, ina bhushe n' emomba w' erisimira. ²⁸ Bhushwa twanikirange mbu emwea warerisiwa moresimira,anga momikorere ye myomba. ²⁹ Mbe nti Ongo w'ebhayahudi ho bhesine? Wabho ho'tu entibhasimira? Eira wabho hutu enti bhasimira. ³⁰ Bhushwa kuri Ongo uma ho waansayo mor'eira enti bh'er'otende n'ebh'er'otende. ³¹ Tuye kw'e myomba mor'esimira? Anga, Ntimbo twasimira emyomba.