¹ Ongo mwea, nakiro ubhesa 'nye, ongo, ng'ukerengi bhampe mansa utumusasiri bhushe mor' ikerane manso mu bhampe, Ongw'esingange, bhushe oongong'ukeranengi mansa n'oongo korange bhibya bhibya bhikai. ² Tusi Ongo uhakanyanga mo r'eira e bhakorange bhuri mbyo. ³ Ong'wanikirange mbu Ongo 'ngu hakanyange ebhakorange mbyo, ukoswa mor' obhansa rwa Ongo? ⁴ Unena e bhutumba bwe rikoma rae, e bhonso bw'eririnde rae, nt'usubhaha mbu e bhukome bwae bwakurisha mu musasiro? ⁵ Ina bhushwa ne risuma rabhe, ne mutima wabhe usira nsasi, wiibhike bhusubhuke mor'otu rwebhusubhuke mor'otu rw'er'ubhansa rw'eira rwa Ongo. ⁶ Iwe wahembi kinsi mwea itukana ne mikorere yae. ⁷ Wabhike bhuingo bw'ematu ati imbi bharikwesimike ikora shu n'isondekanya otunda na bhusime anga bwashaasha. ⁸ Ina e kamungomungo n'e bhatinange e reira mu mutima wa bhuhaka, ibho bhatengu na bhasimirana n'eriruka er'eira, e bhubhi, bhashei bwae. ⁹ Minubho n'e bwae mu kinsi mwea'ngu ukorange byema kuri e bhayahudi kasa ne bhayunani hotu ¹⁰ Ina bhuhoro n'itata bhibhesi kuring, ukorange byakonda, bharoso bhayahudi kuruma bhayunani! ¹¹ Bhushwa Ongo nti wa katobhororo ¹² Bhushe, e bhakoranga bhubhi nti kusira momba na bhakore byatinwa ne momba bhaseshirirayo anga momba, n'ebhati bhabhishanga mo bhirange by'emomba, bhaseshirirayo. ¹³ Bhusha ntimbi bhorukirange momba ngi bhashimwa na Ongo, ina e bhakorange byebwa mu momba. ¹⁴ Entibhasi Ongo, enti bhasimira bhamakora mw'esubhah' e myomba, ibho bhasira myomba, ina bhabhesa na myomba kumunda n' abho; ¹⁵ Bhasheanga mbu emikorere y'emyomba yatiranyiwa kumund' emitima y' abho, ebwenge bwabho, emyanikiri yabho mor' ikwihakanya mu kinsi kashangi. ¹⁶ Indo otu ngi r' usesheayo, etukana n'e mwasi wakonda uturangya 'ni, Ongo usekerayo erobhansa rw'esanama s'ebhea kuri Yesu Kirisitu. ¹⁷ Umebhikira muyahudi, witingire mo momba nimoe nguru Ongo. ¹⁸ Isibha bya sasa we, ikora kinsi kikai bwakomenwa cho wahanwa ne momba. ¹⁹ W'iremba kw'esunga musondori w'e bhihumihumi chake ch'ebharikire mo mwerimya. ²⁰ Muhani we bhiashaasha, muhani we bhampe, uri na wenge, nisibha er'eira. ²¹ Ongo 'ngu uhanange bhampe, bhushwa nki utungihana ongo wesine? uhana bhampe bhatashumi, ongo utungashuma? ²² Ongo uhanange bhampe bhatakii osingirwa, Ongo 'singiranange? Ongo ngu nt,ushima tuhombo, ongo korange byarenga mpo. ²³ Ongo ng,witatange mo momba , utunganena Ongo mor'inoa e momba! ²⁴ Bhusha e rina ra Ongo ranenwa munkati ne bhea bhusha bhanu ng'watiranyiwa cho. ²⁵ Er'otende rwahunda kuti worukir'e ; eina kuti unoa e myomba, er'otende rwabhe nti nty'otende. ²⁶ Kuti enti wend'ek' otende wemis' emyomba,ir'ifundwa iyend'ek'otende rae ritamutingirwa bhuri otende? ²⁷ Nangu nti wend'ekotende itukire mo ribhutwa rae na w'emis' e momba, utakuhakanyi ongo ng'usi e mutiro we momba n'er'otende? ²⁸ Bhusha, e muyahudi wa komenwa nti 'ngu w'er'otende kumunda nae indi nti r'e mubhi. ²⁹ Eina emuyahudi nti ungo w'ekumunda; n' er' otende nti 'ndo rw'emutima ina ntirw'emitiro. Eritatwa ra 'ngo muyahudi nti ratukana na bhea ina ratukire kuri Ongo.