¹ Twamaba twarisiwa munkati ne nsimiro turi ne bhuhoro hima na Ongo iyetere kuri Nyerekuritu Yesu kirisitu. ² Kumunda nae twamaninkwa mor'ietire er'isimirwa ringi re nchumo, munjo e yasimanire mo bhate nguru, na twi tata mu mwenyihiro we bwime bwa Ongo. ³ Iina nti bya ho, twi tata tu mo minubho, bhushwe siba mbwe munubho ubhutange iyandira, ⁴ Er'iyandira,er'ihima mo myereko, n'er'ihima mo mwinyihiro. ⁵ Na kuba, e mwenyihiro utahusanga, bhushwa enchimi ya Ongo yarisansabhana mo mitima yitu iyetere mo mutima mushasha e wareninkwa bhate. ⁶ Bhushe, ematu abhesanga bhate bhatetera, Kirisitu, wakwa mu kashangi kahunda mo bhabhi. ⁷ Iina rasuma ikwire mwea w'eira, mwea wamusimira ikwire moongo. ⁸ Ina Ongo watushee 'nchimi, e matu abhesenga bhate turi mo bhubhi, Kirisitu watukwire. ⁹ Nacharengaha, twareshururwa muitere enchama, twoshukara bhushwe nae mo bhusubhuke. ¹⁰ Ina, twarekia tukiri bharenda iyetire, twarironganyiwa na Ongo iyetere rikwa re mwanae, ireng'ampo,kuruma n'er'ironganyiwa twoshukari bhushwe n'e bhuingo b'wae. ¹¹ Nti mbyo ho, iina twitata kuri Ongo munse ya Nyerekuritu Yesu kirisitu, kumunda nae twamaronganyiwa. ¹² Bhushwe nacha, e bhubhi bwakime mo chuo ietere mwea uma, kurum'ebhubhi oku, Na ngi bhumbo er'oku rwiya mo bhea bhati, bhusw'ebhati bhakoranga bhibhi. ¹³ Bhusha, kubhusondari ne momba ebhubhi bwabhesenga ho mo chuo. Iina, e bhubhi bhutamwanswa, kusira myomba. ¹⁴ Nampo er'oku rwabhuchienga itukire kuri Adamu iya na kuri Musa, iya na kuri bhampe mbi e nti bhakoranga bhubhi e bwasusa ne bwakoranga Adamu, bhuni nge bhususe bwa 'ngu e usiyayo. ¹⁵ Iina kusira uhembo rwa bhusa bhuri bhubhi; kuti bhushwe bwe bhubhi bwa mweya uma kuri bhingi bhakwanga, ireng'ampo e nchumo ya Ongo ne ruhembo rwe nchumo rwiya bhushwe bwe mwea uma, Yesu Kirisutu, e bhihembo byarerisa mu bhea bhingi. ¹⁶ Nakusira uhembo bhuri erwiyanga kuri e mwea uma ewakoranga bhubhi; bhushwe bwe bubi buma e robhansa, ina eruhembo rwe risasa rwabhesa isimirwa itukana na bhubhi bwingi. ¹⁷ Bhushe bhubhi bwa mwea uma e roku rwabhese ho bhushwe rwa mwea uma , ireng'ampo e bhaninkwange e mukene we nchumo n'er'ohembo rweira rwabhesi ho mo karamo kari kumunda na Yesu Kirisutu wesine. ¹⁸ Bhushwa na ncho, bhuri e kibhi kima e bhea bhati bhakerwa ubhansa, na mbo bwe mukorere uma wereiira r'ensimiro eininkananga e bhuingo bwaninkwa kuri e bhea bhati. ¹⁹ Bhushwe bwe bhukwemi bwa mwea uma bhingi bhansirwa bhubhi, nampo bhushwe r'erisimira na mwea uma bhingi bha bhesa bheira. ²⁰ Himpo, momba wakimenga kongo e bhubhi bwabhesa bhukiri nguru, ina himpo e hari bhubhi bwingi e nchumo nt'yabha ho ningi. ²¹ Bhushwe, bhuri e bhubhi bwa bhesanga hambasiro e roku, nambo e nchumo yabhesa ha mbasiro n'er'eira mo karamo ke matu ati, kuri Yesu kirisitu Nyerekuritu.