¹ Muriye e bhatetera mor'esimira, ina kiro muronja bhuhaka bhushwa n'esendwanko. ² Mu haro ruma kuri mweya murisimira urisange kinsi kikai, umpe, ungu e mutetera urisanga ho nyenyi. ³ Ingu e urisang'e bhikai e bhiti kiro wanena ingu e utangarisa bhiti, na ngi bhumbo ungu e utangarisa e bhikai bhiti, nae kiro wa nena eutangaris'e bhikai bhiti. Bhushwe Ongo wa murisiya naye. ⁴ Ongo 'nye ngu ukerengi ubhansa mukori wa umpe mweya? kuba wasimana ari weshima rakae mine kurwae. Ina wasesimana, bhushwa Mukota uri nikocha risake bho. ⁵ Kuri 'ngwatina esiany'e matu, nompe wasunga o nti asusene, kinsi uma wabhesi ho mo mihake yae. ⁶ Ingu 'sianyang'ematu, ukorange 'mbo bhushe Mukota. Eurisang' ebhiti nti bhushe na Mukota Ing'urisange, bhushwa utatange Ongo. Ing'utangarisa nti bhushe na Mukota ng'isingwange utarisi watange Ongo. ⁷ Bhushwa kusira mu bhate e uri ho bhushwa 'we wesine, na kusira mweya ukwange bhushwa 'we wesine. ⁸ Bhushwa kuti turi ho,turiho bhushwe Mukota na twamakwa, nti twakwire Mukota. Twamabhe ho na tutabi ho, bhate turi ho bhushe Mukota. ⁹ Bhushwa Kirisitu wakwanga na werehima kongo wasima mo bhakwire n'ebhari ho. ¹⁰ Ina ongo, bhushwa nki ongo kerengi ubhansa nunakitu? ari ongo, bhushwa nki unena munakinu? Bhushwe twasimanayo bhate bhati mu kitumbi che mansa mo makako a Ongo. ¹¹ Bhushwe charetiranyiwa: ani niri ho, kinsi eru risekunyiwayo mumakako ani, na kinsi rwami rwatata yo Ongo. ¹² Ngi bhumbo, kinsi mweya waturi e kari ho kae mo makako a Ongo. ¹³ Bhushe rwacha kiro twakerane mansa bhate mu bhate, kiro twaronja kikai, Ong'ibhesa ikoi r'esitaya ari r'ehucha. ¹⁴ Nisi na niri ne risimira kuri Mukota Yesu kusira mubhi mw'iwe wesine, ina ho kuri ng'usungange e bhiti bhuri bhibhi. ¹⁵ Kuti bhushwe rwe bhiyo ngi chamusingwa munakinu w'ianikira, himpo nti utungendere tu mu nchimi. Kiro bhishabisha munakinu bhushwa na bhiyo byabhe, nawe Yesu wamukwirenga. ¹⁶ Enchumo yabhe kiro yasingwa utiko umpe. ¹⁷ Bhushwa ebhubhake bwa Ongo, nti bhuri moririsa ne riomo, iina r'eira, e bhuhoro na ngoa mo Mutima Mushasha. ¹⁸ Bhushwa ungu e ukorengi Kirisitu bhumbo iwe wakokomerwa na Ongo na warisiwa ne bhea. ¹⁹ Nge bhumbo, tusonde e bhinwa bye bhuhoro,nambi byamutusake moririka hima. ²⁰ Kiro twabhisha e murimo wa Ongo bhushwa bhiyo, bhushwa mor'eira kinsi kikai chashuururwa. Iina rema kuri e mwea ungu e urisange,na wabhe ikoi r'esitaya. ²¹ Rahunda irisa nyama,ang'iyomo mau, na kitikiti e chamuhucha munakinu n'emuya nkene ari bhutetera. ²² E nsimiro 'nji eiri nabhe, ranga yo kuri Ongo.Wakasanirwe e mwea ngu e nti wihakanya munchi cha simira. ²³ Eina ing'wabhese na mitikotiko mu'nchi kirisange we nt'wakererwa obhansa, bhushwa nt'wakukura mo chasimira we. Kinsi nchi nti chatukana n'er'isimira ritu icho kibhi.