¹ Kinsi mweya munkati ninu wasubhaha e bhakakare, bhushwa kusira bhukakare mbu nti bwatukire kuri Ongo, ne bhuriho bwatukanga kuri Ongo. ² Bhushwe na cha, e nti bhehicha mo bhukakare nti bhatinange Ongo, ne bhatina bho bhakerwi obhansa rwa Ongo ibho bhesine. ³ Bhushwe bhakakare nti bhari mpo bhushwe n'enubya e mikorere yakoma, ina e yema. Mutungasonda isubaha e bhakakare? Mukie bho shu na mukusimirwa. ⁴ Bhushwe ibho bhakori ba Ongo mo byongo byinu ina mu makora bhubhi, mubhe na bhobha bhushwe nti rabhusa ngichasingwa bhaninkwa e bhukakare bwe rifine. ⁵ Ngi chasingwa muhwa isubhaha bho, ntibhusheho bwe rifine, ina bhushwe kwesibha. ⁶ Bhushwe na ncho, mutue mituro. Bhushwe e bhakakare bhakori bha Ongo, ngi bharunguriranga kinsi ntambi mo bhikai mbyo. ⁷ Muninke kinsi mweya e chamukomenwa: mukongoro, muba mukutoyo, ne muturo mubha mukutoo, nerisubhahwa mungu e wamusubhahwa er'otunda mu 'ng'wakomenwa ro. ⁸ Kiro bhesa na mwinda wa munakinu, kuti nti e nchimi yinu bhesine na bhesine. Bhushwe ungu e washima munachabho nt'wabhereresha e myomba. ⁹ Ang' isingirana, kiro 'shura, ang'ishuma, kiro kw'isane, nebhiti byaminwa mu kinwa kima: ushimanga munakinu e bwishima ongo. ¹⁰ E nchimi itabhishienga munachabho bhushwe rwacha ngi chasingwa e nchimi yabhebheresha e myomba iti. ¹¹ Bhushwe nacha morukira mbue ntambi yamia bhasumuke imbi bharere. Bhushwe e karamo kitu iye kari kwihi itukana na mbu e bwasimiranga bhate e raroso. ¹² E mwerimya urikiya hende iye bhuri kacha. Musiane n'e mikorere ye mwerimya na tukosore e byuma bye chaka. ¹³ Twendi 'shu bhuri mumwishi, ina nti mu bhuroho, na ntamiro, na nsingirani na karawa, e mikonsi, mbangu ne mono. ¹⁴ Mumbare Nyerekuritu Yesu Kirisito na kiro muraa mu turawa twe mubhi.