1 Warekiya wobhora ensimiko y' emet' arinda, mo mbingu kwakobha iya mu chunda cha ntambi. 2 Nasung' esangashani sirinda esisimananga hamakako na Ongo, bhaninkwa tuhanda turinda. 3 N' ompe ngashani w' eya, wasimana bhusondori n' erirango nt' uri na nyungu ya noro; waninkwa rungo rwingi, kongo waninkwa ro, hima n'e mahemo e bhashuururw' ebhati mor' irango r'e noro indi r' irikire habhusondori n' ekitumbi ch' ebhubhake. 4 E mwiki w' erungo wataya, hima n' emahemo e bhashuururwa, etuka mo mwine w' engashani hamakako na Ongo. 5 E ngashani wating' enyungu, warisia yo kasha k' er' irango, warekera ko mo chuo. Kwabhesa mirenge, mirabyo, bhimpenya na karingiri. 6 N' esangashani sirinda sabhesanga n' etuhanda turinda bh' etunganyanya mw' ebhuhato. 7 E waroso wabhuha mo kahanda. Kwabhesa mbura ya mauu na kasha byasonana na nshama, byarekerwa mo chuo; na muhango uma mw' eshatu y' echuo byashire, na mwanso uma mw' ishatu y' e miti yashire, n' e bhisu bhibhisi bhiti byashire. 8 E ngashani y' emet' abhi yabhuha mo kahanda. Na kikai bhuri ntata nkiri isakange mo kasha yarekerwa mo nyansa; na muhango uma mw' ishatu w'e nyansa yabhunduke nshama. 9 Na muhango uma mw' ishatu w' e bhiri mo nyansa n' abhesanga bhishere byakwa, na mwanso uma mw' ishatu y' ebwato yakwa. 10 E ngashani y' emet' ashatu yabhuha mo kahanda nkekeni nkiri isakange buri kasuku, yasuruka etuka mo mbingu, yakire mo sandusi nkiri nkiri na mo sanshoko s' esandusi. 11 E rina ranjo nkekeni ngi bwae; na muhango uma mw' ishatu w' esandusi wabunduka bwae, na bhea bhingi bhakwa mo mecha, bhushe abhundukenga bwae. 12 E ngashani y' emetanye yabhuha mo kahanda. Na muhango uma mw' ishatu w' e mwishi wabhiha, na muhango uma mw' ishatu w' emweri, na muhango uma mw' ishatu y' esankekeni, kongo e muhango uma mw' ishatu wabhesa mwerimya bhushwa nae, n' er' otu rwariminya muhango uma mw' ishatu w' echaka cha 'ro, n'e mutu bhumbo. 13 Nakae, na n' orukira inju yokange munkaty' embingu, y' ebha mu murenge wasuma: Bhonso, bhonso, bhonso kuri bhis' echuo, bhushwa n' eimpe mirenge y' etuhanda tw' esangashani ishatu.