¹ Nakae, e ntambi e Mwan' emburi warekiya wobhora nima mo sansimiko sirinda, norukira uma mo bhari ho bhanye nt' webhange mu murenge bhuri wa murabyo: Iyanga. ² Nakae, nasunga, kwasaa farasi isanange, Ing' wabesanga uri hambasiro nayo nt' uri na bhutati; waninkwa kembo, na w'enda wahima na kahimana. ³ Mo ntambi yobhoranga we e nsimiko y' emet' abhi, norukira euri ho w' emet' abhi wan' ire: Iyanga. ⁴ Na washaisha impe farasi, yamime. Ing' wabhesanga uri hambasiro nayo, waninkw' ekara k' er' etunj' ebuhoro mo chuo , kongo ebhea bhakekeran' e makoti bhesine na bhasine; na waninkwa mwere mukiri. ⁵ Mo ntambi yobhoranga we e nsimiko y' emet' ashatu, norukira euri ho w' emet' ashatu, w'ebha: Iyanga. nakae, nasunga kwasaa farasi yasiro. Ing' wabhesanga hambasiro nayo nt' watinge kiro mo mwine wae. ⁶ Na norukira munkati n' ebhari ho bhanye, murenge wan' ire: ngerero nima ya bhuhi mu rumea, na ngerero ishatu sa masaka mu rumea; eina kiro muronjie bhubhi e mawese n'e nsande. ⁷ Warekia wobhor' ensimiko y' emet' anye, norukira e murenge w' euri ho w' emet' anye, wan' ire: Iyanga. ⁸ Nakae, nasunga, kwasaa farasi yasusa bhuri ntungu. Ing' wabhesanga uri hambasiro nayo nt' webhikirange 'mbu oku, n' er' erunga nti ramutindikia. Bhaninkwa karamo muhango uma w' einye y'e chuo, mw' eshiria ebea mu mwere, mu rwaka, mor' oku, na mo sanyama s' ebhusara e chuo. ⁹ Warekiya wobor' ensimiko y' emet' asanu, Nasunga kumund' er' irango e mitima ya 'mbi bhasibhurwanga bhushwa n' ekinwa cha Ongo na bhushwa n' ekariho karonjanga bo. ¹⁰ Bhakua mu murenge wasuma, bh'ebha: Iya run' otu, Mukota w'eshuururwa na w'eira, rwarindire Ongo mor' ikera erobhansa n' ikwan' enshama yitu kuri bhis' echuo? ¹¹ Bhaninkwa kinsi uma nganju isanange; na bhashishiwa eruhuka tu mu kashangi kakeke, iya bharumire e mwanso wa bhabhine bh' e murimo na wa bhanachabho 'mbi bhamushuurwange bhuri 'bho. ¹² Nakae, warekia wobhor' ensimiko y' emeta mutubha, kwabhesa karingiri kakiri, e mwishi wasiro bhuri mufuko wa makaya, e mweri uti wabhunduke bhuri nchama. ¹³ N' esankekeni s' embingu sakirae mo chuo, buri byuma bhibhisi bya musabhibhu byahuranyiwa n' eyuhu rasuma. ¹⁴ E mbingu y' ekuto bhuri karisi 'nki kondondwa; n' esangu siti n' ebhisanga byatunjiwa mo mariki abho. ¹⁵ E bhabhake bh'echuo, e bhakakare, e bhakakare bh' ebhashirikani, e bhatumba, e bhankangwe, e bhafuku n'ebhar' ishu, bhabhisama mosankunda na kumund' emakoi esangu. ¹⁶ Bhashish' esangu n'e makoi: mutw' enduki, na mutubhise bhusondori n' embaso ya 'ngu warika mo kitumbi ch' ebhubhake, na bhusondori bw' ebhusubhuke bw'e mwan' emburi. ¹⁷ Bhushwa erotu rukiri rw' ebhusubhuke bwae rwameya.