1 Kuruma nasunga mo mwine w' ekwabhume wang' wabhesanga warika mo kitumbi ch' ebhubhake karisi kima katiranyiwa kumunda n' n'ekubhasirwa, katerekwa mo nsimiko sirinda. 2 Na nasunga ngashani irikire na bhunkangwe, wakua mu murenge wasuma: inye ng' wakomenwa iyobhor' ekarisi, n' inoa esansimiko? 3 N' anga mwea mo mbingu, ari mo chuo, ari kumund' eroto, utamukoch' iyobhor' ekarisi ari ikae ko. 4 Nare nguri mor' ibhesa haruka mwea wakomenwa er' iyobhor' ekarisi ari ikae ko. 5 Na uma mo bhakungu wan' ire: kiro 're; sung' entare y' er'oanda rwa Yuda, e nkwana ya Daudi, warehima mw' iyobhor' ekarisi n' esansimiko sae sirinda. 6 Na nasunga, munkati n' ekitumbi ch' ebhubhake na by' ebhari ho bhanye na munkati n' ebhakungu, chana cha mburi chabhesanga mpo bhuri chasibhurwa. Chabhesanga na mahembe arinda na meso arinda, ng' emitima irinda ya Ongo yarebhekwa mo chuo 'kiti. 7 Weya, n' eting' ekarisi mo mwine w' ekwabhume wang' wabhesang' arika mo kitumbi ch' ebhubhake. 8 Warekia wamating' ekarisi, e bhariho bhanye, n' ebhakungu makumi abhi n' ebhanye bhahita hamakako n' emwan' emburi. Bhatinge kinsi uma nsimbi na nsara sa noro sirisere rungo, ng' emahemo e bhashuururwa. 9 Na nti bhasimbange rumbo rushasha, webha: ukomenwa eting' ekarisi, n' erindo esansimiko, bhushwa uresibhurwa, na urekurure Ongo mo nshama yabhe bhea bh' ebhisasa bhiti, bh' emyebhe iti, bh' ebhea bhati, na bh' esanganda siti. 10 Urironja eyetire bho bhubhake na bhakungu kuri Ongo witu, na bhasesimayo mo chuo kiti. 11 Nakae na n' orukira murenge wa ngashani singi w' endende n' ekitumbi ch' ebhubhake, by' ebhari ho na by' ebhakungu n' e mwanso wabho wabhesanga bhichiri na bhichiri na bhihumbi na bhihumbi. 12 Babesanga b'h ebhange mu murenge wasuma E mwan' emburi ing' wasibhurwanga wakomenwa eninkwa bhunkangwe , ebhutumba, ebhuteesa, e maa, er' esima, n' er' itatwa. 13 N'ebyabumbwa bhiti ebhirikire mo mbingu, mo chuo, kumund' eroto, mos' enyansa, n'orukira byo by' ebhange: kuri 'ngu warika mo kitumbi ch' ebhubhake, na kuri e Mwan' emburi bhibhesi er' itatwa, er' osubhahwa, ebhusime n' emaa , mo bhiranga n' ebhiranga! 14 N' ebhariho banye bhebha: Bhibhesi mbo! N'ebhakungu bhahita na bhamuronjie mpero.