1 Kuruma nampo, nakae, nasunga, rubhi ruma rw' abhesanga rwobhoka mo mbingu. E murenge waroso worukiranga 'ni, bhuri murenge wa kahanda, n' abhesanga webhange n' ani, webha: Taya kuno,na nisekushea ebhiseya kuruma. 2 Kakeke nakime mo mutima. Nasunga, nti kuri kitumbi cha bhubhake mo mbingu ,na muncho kitumbi nti harika mwea uma. 3 Ing' wabhesanga warika wabhesanga na bhususe bw' ikoi ra Yaspi na ra akiki; n' ekitumbi ch' ebubake chabhesanga chatimbwa na mungere wasusana na Emerode. 4 Wendende n' ekitumbi ch' ebhubhake nasunga bhitumbi bya bhubhake makumi abhi na bhinye, na mo bhitumbi bhakungu makumi abhi na bhanye bharika, bhambara ngombe sisanange, e habhasirw' emintwe yabo twembo twa noro. 5 Mo kitumbi ch'ebhubhake nty' asaange bhimpenya, mirenge na mirabyo. Habhusondori n' ekitumbi ch' ebubake nty' asakange nguru matara arinda, ng'emitima arinda ya Ongo. 6 Nty' ari tu habhusondori n' ekitumbi ch' ebubake bhuri nyansa ya Kirauri, yasusa bhuri kiyowa. Munkati n' ekitumbi na wendende nacho, nti harikire bhariho bhanye bharisere meso kubhusondori na kuruma. 7 E uriho waroso nt' ususene na ntare, e uriho w' emet' abhi nt' ususe na chana cha mburi, e uriho w' emet' ashatu nt' uri na mbaso ya mwea, n' e uriho w' emet' anye nt' ususene na 'nju yokange. 8 E bhari ho bhanye nti bhari kinsi uma na byubhi mutubha, na nti bharisere meso ekwendende n' ekumunda. Bhatangakoba iebha mumwishi na mutu: Washuururwa, washuururwa, washuururwa ngi Nyerekuritu Ongo, mine bhunkangwe ng' urikire na ngi weyange! 9 Entambi ebhariho bhasimyange, bhatatange n' ikokoma kuri 'ng' wabhesanga warika mo kitumbi ch' ebhubhake, kuri 'ng' urikire mo bhiranga n' ebhiranga, 10 Ebhakungu makumi abhi na bhanye bhahita hamakako n' ang' wabhesanga warika mo kitumbi ch' ebhubhake na bharonjie mpero ing' urikire mo bhiranga n' ebhiranga na bhareker' etwembo hamakako n' ekitumbu ch' ebhubhake, bhebha: 11 Ukomenwa Nyerekuritu na Ongo witu eninkw' esima, itatwa n' ebhunkangwe; bhushwa urironj' ebhikai bhiti, na mor' isasa rabhe ngy' asingwa by' abhesa na ngy' asingwanga byaronjiwa.