¹ Kuruma, uma mo ngashani sirinda abhesanga sirikire n' esensara sirinda weya, na wanishisha, webha: Iya nisekushea er' obhansa rw' ekihanga kikiri ing' warika habhasirwa n' emecha mingi. ² Hima nae ngy' e bhabhake bh' echuo bharekwirekera mor' osingirwa na mo mau er' osingirwa rwae ngy' ebhea bh' echuo bharitamira naro. ³ Wandia mo Mutima. Nasunga momina warika habhasirwa na nyamishwa yasusa bhuri nchama, irisere m' ina a nkambao, irikire na mintwe irinda na mahemb' ekumi. ⁴ Ingo momina nt' wambara nchangi sakonda sasusa nchama sirangarange, na w' itonda noro, makoi a bhusy' asuma na matea. Nt' watinge mo mine osara rwa noro, rurisere bhibhi na mikonsi y' erosingirwa rw'ae. ⁵ Hambaso nae abhesanga hatiranyiwa rina, kishisharo: Babironi mukiri, nina w' ebhihanga n' emikonsi y' echuo. ⁶ Nasunga ngo momina nt' watamira enchama y' ebhashuururwa n' enchama y' eturiho twa Yesu. Na mor' emusunga, nashishara nguru. ⁷ E ngashani wanire: Ushishara bhushwa nki? Ns' ekwire ebhishisharo by' emomina n' enyamishwa yamuria; inji iri n' emintwe irinda n' emahemb' ekumi. ⁸ Enyamishwa yamasunga ongo yabhesanga, n' esira tu ho, yakomenwa itaya etuk'e kw'erunga n' ienda karimina. N'ebhea bh'echuo, imbi bhasir' emina bho nty' atiranyiwa mo karisi k'ebhuingo etukir' entangiro y'echuo, bhaseshisharayo mor' esung' enyamishwa, bhushwa yabhesanga iri ho, na isira tuho na isebhesa tu. ⁹ Hano ngi h'ebwenge bhurikire n'ebhuteesa. Emintwe irinda iyo ntata sirinda, habhasirwa nato ngy' arikere emomina. ¹⁰ Ibho bhabhake bharinda hotu: bhasanu bharehuka, uma uri ho, n'eumpe nti neki weya, n'osekiya wameya, usebhesa ho kashangi kakeke. ¹¹ N'e nyamishwa 'nji yabhanga ho, n'isira tu ho, nayo y' esine mubhake wa munane, irikire mo mwanso w'ebharinda, nayo y'end' ekwerimina. ¹² E mahemb' ekumi akusunga ongo, bhabhak' ekumi, bhatangabhesa neki bhabhake, eina bhaninkwange bhukakare bhuri bhabhake muntambi nima hima n'enyamishwa. ¹³ E bhati bhari na mwanikire uma, na bhanink' ebhunkangwe bwabho n' ebhukakare kury' enyamishwa. ¹⁴ Bhasekwanayo n'Emwan' emburi, n'Emwan' emburi wahimayo bho, bushwa iwe Mukota w' ebhakota na mubhake w' ebhabhake, n'ebharebhikirwa, ebharondorwa n'ebh'ereira mbi bhari hima nae bhasemuhimayo hotu. ¹⁵ Wan'ire: e mech' akusunganga ongo, habhasirwa nao ngy' arika e kihanga, ibho bhea, bhikembe, nganda, na myebe. ¹⁶ E mahemb' ekumi akusunganga ongo n'enyamishwa bhasebhayo n'ekihanga, bhasemunyaayo ebhiti n'emusiya munkanga, bhaarisayo e minunkwa'e, n' emushika mokasha. ¹⁷ Bhushwa Ongo wareria kumund' emitim' abo ibhereresha emwanikiri wae , na bhakoche iba na mwanikire uma, n' eninkana ebhubhake bwabho kuri enyamishwa, iya moero ebhinwa bya Ongo bhibhererere. ¹⁸ N'emomina wakusunganga ongo ng'erobhungu rukiri ruri n'ebhubhake kuri ebhabhake bh' echuo.