¹ Kuruma nasunga mo mbingu kampe kengeko, kakiri na k' imoerwa: ngashani sirinda, imbi abhesenga bhari na mario arinda, a hende, bhushwa ekuri bho ngi kweribhererera ebhusubhuke bwa Ongo. ² Nasunga bhuri nyansa yarangara yasonana na kasha, na 'mbi bhahimamang' e nyamishwa,n' ekamoi kae, n'e mwanso w' erina rae, nti bhasimana, habhasirw' e nyansa eirangarange bhakwengi esansimbi sa Ongo. ³ Abhesanga nti bhasimbang' erumbo rwa Musa, e ntumwa ya Ongo, n' erumbo rw'e mwana w' emburi, bhebha: e mikorere yabhe mikiri na y' imoerwa, Nyerekuritu, Ongo, mine bhunkangwe! E sanse sabhe s' eira, mubhake w' esanganda! ⁴ Inye ng' watamubesa na bhobha, n' utamutat' erina rabhe? Bhushwa ongw' esine ng' ushuururwa. N'esanganda siti s'iseya, na kw'ehicha hamakako nabhe, bhushwa e samansa s'abhe samasheiwa. ⁵ Kuruma nampo, nasunga erirameso, r' erirango r' ekariho robhorwa mo mbingu. ⁶ E sangashani sirinda abesanga sating' emario arinda bhasaa mor' irameso, bhambara ngombe sashuururwa, sarangara, na sirikire na mikobha ya noro mo bhukubha. ⁷ Uma mo bhari ko bhanye waninka esangashani sirinda nsara sirinda sa noro, sirisere bhusubhuke bwa Ongo ing' uri ho e bhiranga n' ebhiranga. ⁸ Erirameso rarisa mwiki, bhushwa n'eritatwa ra Ongo n' ebhunkangwe bwae; n' anga mwea wamukochang' ekime mor' irameso iya mo ntambi y' emario arinda esangashani sirinda abherereshwe.